Konselu de Diresaun
Nélson Belo
Nélson De Sousa Carvalho Belo: Nélson Belo hanesan mos ema ida nebe’e envolve iha Organizasaun Klosan Solidaridade Timor-Leste (OSKTL) iha 1998-1999. OSKTL halo Peskiza ba Konflitus no halo deskusaun ba problema Timor iha momentu neba. No durante Estuda iha Universitas Timor-Timur (UNTIM), Nélson Belo envolve mos harii Konsellu Solidaridade Estudante Timor-Lorosae (KSETL) iha 1999 no nebe’e halo kampainha ba referendum iha Timor-Leste durante 1999. Iha KSETL, Nélson Belo nia responsabilidade ba Seksaun Dereitus Humanus, nebe’e loron-loron halo relatoriu violasaun Dereitus Humans ba UNO, ba Justiza Da Paz Dioseze Dili, no mos Union Estatudante internasional iha rai liur durante kampainha ba no depois de referendum.
Iha 2001 Nélson Belo envolve harii organizasaun Naun Govermenta (ONG) Nasional ida naran Programa Monitorizasaun ba Sistema Judisiariu http://www.jsmp.minihub.org ONG ida ne’e nia kna’ar motiva partisipasaun sidadaun nian ba dezemvolvementu justisa iha Timor-Leste. Nélson Belo halo nia serbisu intensivu nia iha National Democratic Institute iha Washington DC momento nia halo nia estudu iha Universidade Hawaii 2007. Iha momento hanesan Nélson Belo mos sai hanesan presidente ba the United States East Timor student Association (USETSA).
Nélson Belo mos Presidente ba board Asia Pacific Support Collective Timor-Leste (APSCTL). Nélson Belo mos sai hanesan Analizador Politik ba UNO hahu hosi 2008-2009. Nélson Belo mos sai Co-autor ba relatoriu internasional konaba Justisa no Siguransa iha Timor-Leste nebe’e produz iha lian Engliz ho Tetun. Nélson Belo nudar fundador Fundasaun Mahein no nia mos halo kna’ar hanesan Direitor Ezekutivu Fundasaun Mahein, atu hetan kontaktu ho Nélson Belo bele liga nia iha e-Mail: nelson[at]fundasaunmahein.org , Telemovel: +670 78316075.
Jose Luis de Oliveira
Email: lurumata[at]gmail.com | Telemovel: + 670 723 7170
Moris iha distritu Baucau agora hela iha Dili. iha tinan 1989 hetan bolsu-estudu husi governu Indoneziu hodi ba kontinua estuda kona-ba Turismu iha Akademi Pariwisata Indonesia iha Jogjakarta. Iha tinan1996 Jose Luis involve an hodi harii Fundasaun HAK (ONG ba Direitu Umanus). Iha tinan 1997, partisipa hodi harii FOKUPERS (ONG servisu ba promove direitu feto). Iha tinan 1999, partisipa hodi harii Posko Bantuan Kemanusiaan untuk IDP’s nebe servisu hodi atende ajudu umanitaria ba refujiadu nebe mosu tamba asaun teror husi milisia pro-Indonesia, no sai koordenador husi Marsu – Setembru 1999. Iha tinan 2000, partisipa hodi harii Grupu Trabalho ONG ba Edukasaun Sivika Nasional sai mos kordenador nasional to 2001. Iha tinan 2004 hetan nomeasaun husi Presidenti da Republika (Xanana Gusmao) hodi sai membru CNE ba Eleisaun Xefe Suku (2004 – 2005). Iha tinan 2008, hetan nomeasaun husi Presidenti da Republika (Ramos Horta) hodi sai membru Konsellu Administrasaun Radio Televizaun Timor-Leste (RTTL). Iha tinan hanesan mos halo servisu nudar Konselleiru ba programa WeCo (Women Community), iha Rede Feto (2008), nebe ajuda organiza aktividadi umanitari no reintegrasaun feto sira iha kampu-deslokadus (IDP’s) ho bairo sira iha Dili. Duranti ne’e Jose Luis mos hetan formasaun internasional iha Indonezia, Australia. Amerika, no rai seluk seluk tan. Nia mos sai orador nasional ho internasional iha asia, America, Australia e rai barak. Hosi konsekonsia Luta ba Ukun An, Jose Luis mos hetan dadur iha iha Jakarta (Novembru 1991 – Marsu 1992). Hahu 1 Janeiru – 31 Marsu 2009 to agora, nudar membru Committee Executive HAK ho portfolio asuntu Capacity Building no Peace Buiding. Nia mos halo kna’ar hanesan membru Konsellu Administrasaun Radio Televizaun Timor-Leste (RTTL).
Francisco da Silva Gari
Email: francisco[at]tlmdc.org | Telemovel: +670 77235163
Prezidente Radio Televizaun Timor Leste, EP