Krime Organizadu: Rekrutamentu Ba Ema Sivil Ho Numeiru Boot

Krime Organizadu: Rekrutamentu  Ba Ema Sivil Ho Numeiru Boot post thumbnail image

Krime Organizadu nia operasaun ho tipu foun ne’ebe kontinua rekruta Timor oan ne’ebe partesipa iha atividades ilegal dadaun ne’e maka’as tebes. Sidadaun Timor-Leste ne’ebe mai hosi back ground oin oin rekruta sai membru krime organizadu iha biban ne’ebe inflasaun ekonomia halo sira moris kiak. Groupu komunidade sira ne’ebe krime organizado konsege rekruta maka sira balun iha institusaun governu laran, Taksista sira, Membru Gen, autoridade guarda Fronteira sira balun, nune’e mos individu balun iha air portu ka Portu sira iha Timor-Leste.

Presenza Krime Organizadu ne’ebe numeiru ho asaun komesa aumenta. Objeitivu Krime Organizadu iha Timor-Leste ne’e atu hadau orsan ka asaltu ema nia sasan, violasaun seksual ho tan omesidu ka oho. Violasaun seksual ho tipu “Game rape” hasoru feto ida iha Embasada Amerika nia oin nune’e mos hasoru feto ho mane ida iha Tasi Tolu hodi obriga sira halo relasaun seksual depois halo filmagem ne’ebe dadaun ne’ebe akontense iha semana hirak liu ba. Volume violensia mosu bebeik involve Timor oan sira sai autor nune’e mos sai mos vitima.

Ekonomia iha Timor-Leste sae maka’as hodi halo Timor oan sira ladun iha biban boot hetan servisu no oportunidade diak ba sira nia kareira iha sira nia kna’ar. Inflasaun ekonomia hamoris tan dezempregu ne’ebe boot, nune’e mos vensementu kiik ba funsionariu publiku sira, menus kontrolu ba atividades ilegal, nune’e fo biban barak ba malisan atu partisipa iha krime organizadu hetok boot liu hodi atraku Timor oan barak ne’ebe laiha biban atu ses an.

Insentiva saida mak bele uza atu Timor oan sira buka moris ho honestu, wainhira krime organizadu rekruta sira atu partesipa iha atividade kriminal organizadu ne’ebe hetan lukru diak liu? Karik Governu la dezemvolve kona-bá lalaok prevensaun atu kombate kauza Timor oan sira nia involvementu ba atividade Krime Organizadu maka problema sei lahotu hela deit.

Nune’e mos, tanba sa maka Ministeriu ida deit mak responsabiliza atu hamenus krime organizadu ne’ebé lao daudaun iha Timor-Leste?

Fundasaun Mahein rekomenda ba Ministeriu hotu-hotu atu halo asaun integradu hanesan Ministru Agrikultura, Ministeriu Solidaridade Sosial, Ministeriu Edukasaun, Juventude e Disportu nune’e mos Sekretariu Estadu Promosaun Egualidade no seluk seluk tan, atu bele hetan resulusaun diak ba kombate Krime Organizadu.

Fundasaun Mahein mos husu ba ema sira ne’ebé lao ba mai iha area sira ne’ebé sempre iha operasaun krime organizadu hanesan: Dili Beach Road, Tasi ibun sira hodi Liquiza to Tibar no to mai Tasi Tolu nian, hosi tasi ibun sira iha Area Branca to ba Area Hera ho Metinaru nian. Krime Organizadu nia targetu maka ba feto ho mane sira ne’ebé lao mesak iha area sira ne’e, liu-liu feto, maibe nune’e mos se deit mak liu hosi fatin ne’e dala ruma sai mos targetu potensial.

Fundasaun Mahein rekomenda ba PNTL atu hasae patroliamentu nune’e mos bele fijikamente mosu iha fatin sira ne’e hodi monitoriza situasaun. Karik bainhira hetan atakes ka akontesementu ruma tenki fo hatene lalasis ba PNTL sira ne’ebé besik ba.

Ikus Liu, Monitorizasaun tenki rigorozu liu ba ema estranjeiru sira ne’ebé tama sai Timor-Leste tanba dala barak sira mos deskonfia involve iha Krime Organizadu. Involvementu estudante Timor oan sira iha Indonezia ba krime organizadu ne’e nauk motor iha kontener barak ne’e hanesan exemplu tipu krime organizadu ida ne’ebé Timor oan sira mak involve tama mai fronteira nasional, tan ne’e mak Departementu Imigrasaun ho Alfandega tanki halo kontrolamentu efektivu ba ema sira ne’ebé tama sai Timor-Leste ho visa turista.

Organized Crime Increases Civilian Recruitment

The recent increase in violence and crime in Timor-Leste reflects a growing effort by organized crime to recruit Timorese for participation in illegal activities. Timorese citizens of all backgrounds are turning towards organized crime in the midst of an economy that leaves them little hope or opportunity. The groups most heavily recruited from include government employees, taxi drivers, gang members, security guards on the border, and airport security guards and personnel.

The increased presence of organized crime within Timor-Leste has been marked by an increase in theft, murder, and sexual assault. Sexual assault in particular has been marked by two recent high-profile cases. A young man and woman were recently kidnapped in Tasi-Tolu and forced to perform sexual acts while being filmed. In a separate event, a woman taking a taxi near the US embassy was abducted and gang-raped. These cases highlight the disturbing rise of violent incidents in Timor-Leste in which both the perpetrators and victims are Timorese.

The Timorese economy is stagnating and Timorese have fewer places to turn for career opportunities. With inflation rising, high unemployment, low salaries for government workers, and minimal government oversight of criminal activity, the temptation to participate in organized is too attractive for many Timorese to resist.

What incentive do Timorese have to make honest livings when the reward for participating in organized criminal activities can be so much more lucrative? If the government does not focus its efforts on a preventative framework to fight the underlying causes of Timorese involvement in organized crime, the problem will never be resolved.

Furthermore, why should only one government ministry be responsible for combating this problem when the causes behind the rise in organized crime are so widespread and diverse?

Fundasaun Mahein urges various government departments to unite in fighting this important and growing problem. The ministry of Defense should collaborate with the ministries of Social Solidarity, Labor, Education, Youth and Sports, State Secretary for Women and Equality, as well as others.

Fundasaun Mahein recommends that people travel in groups and exercise extreme caution when traveling through areas associated with organized criminal operations. These areas include Dili Beach Road, Liquica up to Tiber, the beach of Tasi-Tolu, and the area from Area Branca all the way up to Metinaro (One Dollar Beach). Criminals have mainly targeted young couples or single women passing through or sitting in these areas, but it should be noted that anyone passing through could be a potential target.

Fundasaun Mahein also recommends that police increase their presence and visibility in these areas with regular patrols and monitoring. If people encounter trouble they should notify the police immediately.

Finally, more stringent monitoring of people traveling in and out of Timor-Leste is needed to crack down on travelers conducting operations for organized crime. The increasing number of Timorese students studying in Indonesia involved in smuggling stolen motorbikes into Timor is just one example of organized crime’s presence along Timor’s border. As part of this effort, the departments of Immigration and Foreign Affairs should work together to conduct more effective background checks of people traveling to work in Timor-Leste on tourist visas.

16 thoughts on “Krime Organizadu: Rekrutamentu Ba Ema Sivil Ho Numeiru Boot”

  1. Hau pesoalmente aseita ba ita boot sira nia hanoin. Hau mos hanoin katak ita nia Amo Luluk sira tenke kualia makaás liu tan kona ba moralidade….., Hau fiar krime organizadu saida deit sei Mate.. no nasaun ho nia povu sei la’o liur dalan los iha futuru….

    1. Educação básica nee bai hosi família, laos amo sira mak tenki fo moral ba labarik sira. Moral nebe mak Igreja fo ba sarani sira nee a parte hosi familia nia moral.

  2. Sira crime organizado ne kaer toman oho tama too nia familia hotu mak diak, agr dadauk ema kaer ona sira barak ona,, hare oin hnesan kalen aat neh,, kuitadu, halo fali krime iha rai kik oan ne, hasoru tan povu timor rasik ne, imi sei la subar diak.

  3. Tao Matan ba ita nian rai vizinho hanessan Indonesia ka Australia. Iha rai neba krime organizadu problema nasional e to ikus sira seidauk hetan solusaun.

  4. Ita presisa unidade iha Judiciaria, Policia, sosiadade sigil, imigrasaun. Etc. Hamutuk mak belle hassoru kanker ida ne !

  5. Ne buat ida triste tebes mai ita hotu. Se buat sira ne akontese bebeik ita nia nasaun sei mot deit ba tasi.

    Governo no orgauns sira hotu tenke foti asaun lalais ba problema ida ne. Se noticias ne mak tersebar iha rai liur ema tourista sira sei la ba ita nia rain no ema sei dehan Timor laos fatin seguru para ba visita ou investe.

    Ita mos tenke hare didiak hun ne mai husu nebe?? se mak hun ne?? tenke kaer sira no Governo iha compensia tomak atu fo sensaun ba ema sira nebe maka hanesan ring ba problema ne.

    Ita lakoi, rai dobem timor sai fali hanesan Syria, Afganistan ga rai sira nebe buka oho malu hela deit.

    Governo hakarak ga lakoi tenke no tenke kria kampu trabalho ba ita nia oan ho gazi nebe diak ou as.

    Polisia sira mos tenke halo programa ba skola no suco hotu hodi hodi koalia povo no studantes no guru sira kona ba situasaun ne.

    Tenke fo sai lia menon iha radio, jornalos no tv kona ba problema sira ne atu nune povo sira bele hatene saida mak akontese ona iha Dili laran no asaun saida mak governo no policia halo ona.

  6. Konkorda…Tuir hanu nia hanoin…Timor nunka iha kultura idahanesan nee desde husi beala ba beala, ita liu husi situasan difisil hasoru ba funu oin oin maibe nunka ihahostoria Timor Oan partisipa ba krime hanesa ida ne’e. Kultura nunka hanorin ida…nee. Nee hau hanoin kultura organizadu husi fatin seluk ruma mak tam mai Timor. Matan moris non nain nafatin. Husu ba autoridade nebe ker lei nomosmembru parlamentu sira atu bele hare kona ba lei krimi alto nebe tenke heta sansaun death sentence ka Hukuman Mati. Hamenus Problema selae…rezolve ba rezolve buat aat nee kontinua buras

  7. obrigado wainn ba (FM) Fundasau Mahein ,,informasaunn nee importante tebess ba ita timor oann hotu hotu,,,, hu spera ho informasaunn ida nee,, orgaun governo nebe kompotente ba akasaun ida,ne,, bee fotyy lalais medidas ruma atu nune Rai Doben Timor Loro sae, nebe hambrik mesak husi ran no ruin nebe namkari lemo lemo durante tinan barakk nia laran,, timor oann hakarak dame,, timor oann hakarak peace,, timor oann hakarak moris livre ba buat hotu,,, timor oann lakoi terus tan,,,

    thx Alot to FM….

  8. Criminozu hanesan sira ne tenkiser fo hukuman ketak ida ba sira, mak tesi tiha sira nia Ain no Liman Sorin…. Atu nune’e Hamenus Crime iha ita nia Nasaun Foun ida ne..

  9. Obrigado ba fundasaaun mahein ho nia ekipa tomak tamba ho nia bloku ne, ami nbe escola ih rai stranjeiro moss bele asesu informasaun ih ita nia rai laran mak rai doben Timor Leste.
    Ho informasaun kona ba:. Krime Organizadu: Rekrutamentu Ba Ema Sivil Ho Numeiru Boot. Hu nudar sidadaun ema Timor Leste hakarak atu fo sujestaun tan deik katak husu ba liders sira hotu tantu liders politika ,governo, igreja no moss liders institusaun selukk,atu bele hakbesik liutan an ba iha povo ka ami nebe kiik sira liu husi ita bot sira nia dalan ou meius ruma hodi fo lliutan konfiansa povu nian ih ita bot sira. povi kiik ka ami nebe kiik sei laiha komprendesaun bainhira ami nia matadan seing nunka at hakbesik liutan mai ami nebe menus informasaun ka tulun husi ita bot sira.
    Brigadoo..!!!

  10. Aprecia informasaun nebe habelar ba ami para bele kompriende klean..mais depois lei tiha relatoriu sira nee..halo hau isin fulun hamrik..i hanesan prevene hau atu ba Dili tauk…pergunta maka..ita boot sira nia relatoriu dehan rekrutamentu ba krime organizadu nee aumenta ..ida nee basei ba faktus ka ita boot sira rona deit..favor para ami atu halo viagem ba Dili karik ou husi rai liur tama fali Timor lebele tauk..tamba info sira iha leten nee halo ami iha rai liur..tauk fali.
    Hau kumpriende katak relatariu sira nee hanesan atu loke ita nian institusaun seguransa para aktivu liu tan ba sira nia servisu. Liu2 rekomendasaun ita boot sira halo, aseita tebes..sou aumenta tan dit..nusa maka ita la halo hanesan polisia halo base iha komunidade nia let (uluk karik Pos Kamling) para bele evita kriminozu sira nia movimentu..Abcos.

  11. Wain hira ita hari nasaun, ita hatene ona problema barak mak mosu iha nasaun laran. nune mos problema krime. Hamosu Krime bele husi indvidual ou grupo. Kona ba topico crime organizado, katak ne krime ne hamosu husi grupo. Iha situasaun oin2 mak sai motivo para sira halo krime hirak ne. bele ekonomia, bele politik, bele siatuan social. Atu hamenus ou halakon crime hirak ne, Estado Timor iha instrumento kompleto atu halo asaun para resove. kestaun boot mak instrumento Estdo.

Leave a Reply to sebastiao Cancel reply

Your email address will not be published.

Related Post