Ameasa Droga Dezafiu ba Instituisaun Siguransa atu Kombate

Ameasa Droga Dezafiu ba Instituisaun Siguransa atu Kombate post thumbnail image
Aimoruk Droga

Aimoruk Droga

Fundasaun Mahein, April 07 2014

Komunikadu Imprensa

Liu husi Mahein Nian Lian Nú. 74 (Relatoriu kompletu versaun Tetun.pdf), (English version) halo análiza kona-bá ameasa droga no ninia impaktu ba Timor-Leste inklui dezafiu sira ne’ebé instituisaun siguransa infrenta atu kombate. Durante ne’e, kestaun droga sai preokupasaun públiku iha Timor-Leste tanba droga hahu ona invade no rekruta timor-oan sira ne’ebé bele estraga sira nia futuru.

Relatoriu ne’e sita kona-bá timor-oan balun hetan rekruta ona husi sindikatu droga hodi sai hanesan distributor inklui mos konsumu droga ne’ebé fo ameasa tebes ba jerasaun foun iha nasaun ida ne’e. Hanesan evidensia ne’ebé notifika katak artista Juga Frans Xavier Gama (Juga Gama) ne’ebé PNTL kaptura iha loron 11 Dezembru 2012 iha nia uma no tanba sai distributor no konsumedor ba droga. Inklui mos asaun grupu KIBATA iha 2013 ne’ebé hamate joven ida iha Marconi deskonfia konsumu droga, maske parte Polisia Nasional Timor-Leste (PNTL) rejeita ida ne’e.

Nune’e mos, relatoriu FM ne’e relata kona-bá aktu ema estranjeiru sira ne’ebé durante ne’e uza Timor-Leste hanesan fatin tranzitu sosa no faan droga, presiza iha sistema kontrolu ne’ebé diak atu nune’e bele minimiza sidadaun estranjeiru lori tama droga mai Timor-Leste. Tanba, tuir Fundasaun Mahein nia monitorizasaun detekta katak frajilidade siguransa iha area fronteira (Terestre, Maritima no Aero) sai fatór no kontribui ba krime organizadu sira lori tama droga mai iha Timor-Leste.

Buat hirak ne’e akontese tanba Timor-Leste rasik mos seidauk iha lei kona-bá droga sai dezafiu ida ba instituisaun siguransa atu kombate droga. Maske iha ona esforsu maka’as husi instituisan PNTL hodi halo kapturasaun ba ema estranjeiru sira inklui timor-oan balun. Nune’e mos Timor-Leste ninia fronteira ne’ebé luan fo biban ba rede droga sira fasil hatama droga mai iha rai laran. Ne’e perigozu tebes ba timor-oan tanba trafiku droga nu’udar krime transnasional ne’ebé lori ameasa seriu ba futuru nasaun inklui mos bele estraga joven sira nia vida no lori sira hodi involve iha krime organizadu hodi destabiliza siguransa nasional.

Ikus liu FM nia rekomendasaun:

1. Rekomenda ba Ministériu Justisa atu aselera esbosu lei kona-bá trafiku droga no konsumu ilisitiu droga nian ba Konsellu Ministru.

2. Rekomenda autoridade siguransa UPF, UPM, Serbisu Migrasaun, Alfandega no Kuarentina atu kria liña koordenasaun serbisu integradu hodi kontrolu droga sira ne’ebé tama-sai iha Timor-Leste.

Atu hatene kle’an li’u kona-bá asuntu ne’e bele kontaktu:

Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefone (+670) 7737 4222 ka bele kontaktu (+670) 7756 1184

Fundasaun Mahein, April 07 2014

Press Release

Drug Threaten is a Challenge for the Security Institution to Combat

Mahein’s Voice No. 74 analyses the threat of drugs and their impact for Timor-Leste. This includes challenges which are faced by Security Institutions for further combating. Drug issues are increasingly becoming a public concern in Timor-Leste as the flow of drugs into Timor-Leste increases, posing a threat to Timorese youth that are increasingly turning to them.

This report cites a number of Timorese that have been recruited by drugs syndicates to be the distributors and consumers of drug, threatening a new generation of the nation. From evidence gathered, artist Juga Frans Xavier Gama (Juga Gama), was apprehended by the PNTL after a raid on his house on the 11th of December 2012 for the distribution and use of drugs. This report also cites the actions of the KIBATA group in 2013 that caused a Marconi youth to die from the overconsumption of drugs.

FM’s report also provides evidence that foreigners have used Timor-Leste as a transit place for the purchase and sale of drugs. This is becoming a larger problem in Timor-Leste due to the porous land and sea borders and perceived fragility of the security sector. A better system of control is thus needed to reduce the amount of foreign citizens who are bringing in drugs to Timor-Leste.

In addition to this Timor-Leste has no law on drugs, this presents an even larger challenge to the security institutions in combat this threat when there is no defined law or policies associated to it policing it. In spite of this FM has noted a strong effort by the PNTL to arrest foreign nationals as well as Timorese involved in the drug trade. This however still presents a great challenge due to Timor-Leste’s large border that allows drug networks to easily invest in the country.

This is a great threat to all Timorese as Drug trafficking is a transnational crime which threatens the country’s future by destroying many a young Timorese’s future through addiction and allowing organized crime syndicates to get set up in the country.

FM’s recommendations:

1. Recommends to the Ministry of Justice to accelerate the draft law over drugs trafficking and illicit consumption of drugs to the Council of Ministry.

2. Recommends to the Security Authorities such as UPF, UPM, Migration Services, Taxes and Quarantines to co-ordinate their efforts to help combat the use and distribution of drugs in Timor-Leste.

For more details, please contact:

Nélson Belo
Executive Director of FM
Web: www.fundasaunmahein.org
E-mail: direktor.mahein@gmail.com
Phone (+670) 7737-4222 or contact to (+670) 7756 1184

7 thoughts on “Ameasa Droga Dezafiu ba Instituisaun Siguransa atu Kombate”

  1. Ho resultado hirak ne’e bele fanun sira hodi hare lolos situasaun ida kona ba droga iha Timor tamba dal barak husi parte justica ladun preukupa situasaun hirak ne’e.

Leave a Reply to Zeze Cancel reply

Your email address will not be published.

Related Post