Kandidatu no Nomeasaun Komandante Jeral PNTL

(Foto: PNTL)

Fundasaun Mahein (FM), 06 Marsu 2015

Komunikadu Imprensa

Liu husi Mahein Nia Lian Nú 98 (Versaun Tetum.pdf) (English Version.pdf) halo analiza kona-bá pontu prinsipal husi relatoriu ne’ebé ko’alia kona-bá kandidatu no nomeasaun Komandante Jeral PNTL foun. Iha ne’ebé hafoin nomea Komandante Jeral PNTL Dr. Longuinhos Monteiro ba Ministériu Interior iha VI Governu Konstituisinal iha tinan 2015. Husik hela lakunas boot ida iha PNTL nia laran to’o agora seidauk halo nomeasaun foun.

Maske nune’e diskusaun kona-bá nomeasaun ba Komandante Jeral PNTL foun dadaun ne’e la’o namanas hela. Iha ne’ebé tantu husi Parlamentu Nasional no sosiedade sivil propoin katak kandidatu ba Komandante Jeral foun tenki mai husi Instituisaun PNTL rasik no la’os ema sivil.

Hanesan hatudu tiha ona depois krize tinan 2006, Governu nomea figura importante ida mai husi Prokurador Jeral da Republika. Ikus hetan protesta maka’as husi Parlamentu Nasional no sosiedade sivil sira. Ironiku liu tan membru PNTL sira lamenta tebes ho nomeasaun ida ne’e tanba ema sivil ida ba lidera fali Instituisaun PNTL.

Tanba ne’e Fundasaun Mahein (FM) sujere PNTL ho idade tinan 15 produs ona profesionais, akademiku no esperiensia servisu durante ne’e. Ho nune’e kandidatu ba Komandante Jeral PNTL tenki mai duni husi PNTL. Maske nune’e presiza konsidera katak figura ne’ebé sei nomea ba pozisaun ida ne’e tenki iha integridade no kredebilidade ne’ebé aas hodi lidera Instituisaun PNTL.

Nune’e atu hetan figura ida ne’ebé ho integridade no kredibilidade ne’ebé aas presiza involve publiku nia hanoin. Hanesan Parlamentu Nasional Komisaun B, maske ida ne’e fora husi lei nia haruka maibe ida ne’e hanesan meius ida hodi hetan lejetimidade públiku, ne’e sorin ida.

Iha sorin seluk, liu-liu Komisaun Anti Korupsaun (KAK) no Ministeriu Puliku presiza involve maka’as. Objetivu involvimentu husi komponente sira ne’e hodi hare kona-bá nian track record iha kazu sira kriminal nian hanesan korupsaun no kazu sira seluk. Nune’e mos presiza aplika avaliasaun dezempeñu ba membru PNTL sira iha prosesu selesaun ida ne’e ba kandidatu Komandante Jeral PNTL.

Ikus liu, kona-bá ajenda serbisu prinsipal ba Komandante Jeral PNTL foun hodi kontinua hanesan implementasaun Planu Estratejiku PNTL nian tinan 2014 – 2018.

Rekomendasaun

1. Rekomenda ba Ministrtu Interior iha prosesu sira selesaun involve mos KAK no Ministériu Públiku kona-bá criminal record figura ne’ebé kandidatu ba Komandante Jeral PNTL.

2. Kandidatu ne’ebé nomea nu’udar Komandante Jeral PNTL husi Konsellu Ministru presiza deklara nia riku soin ba KAK.

Atu hatene kle’an liu kona-bá asuntu ne’e bele kontaktu:

Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefone (+670) 7737-4222 ka (+670) 77561184

Fundasaun Mahein (FM),06 March 2015

Candidate and Nomination for the PNTL General Command

This report will discuss about the candidate and the nomination of the new PNTL general command after the nomination of the former PNTL general command Longuinos Monteiro to be the minister of interior for the sixth (VI) constitutional government in 2015. It has left a big gap inside the PNTL and no-one has been anyone nominated for the position yet.

The discussion for this nomination of the new PNTL general command up to this point has been whether the new PNTL general will come from the national parliament or from civil society. This has been resolved that the proposed candidate for the PNTL general command should come from the PNTL institution and not civilian institutions.

As shown after the crisis in 2006, when the government nominated an important legal prosecutor, but received strong criticisms from the national parliament and civil societies. Ironically members of the PNTL were really concerned with such nomination because they were worried about a civilian leading the PNTL institution.

Therefore, FM suggests that the PNTL has for 15 years produced professionalism, academic and work experience thus far, so the candidate for the PNTL general command should from PNTL itself. Yet it needs to consider that a figure which is nominated for this position should pose high integrity and credibility to lead the institution.

So in order to get a high integrity and credible figure it needs public views and involvement in the process. Institutions such as the national parliament committee B, even though it is not mandated to be part of the process, need to be involved in order to get public legitimacy.

On the other side, the Commission of Anti Corruption (CAC) and the Public Ministry also need to be strongly involved. The purpose of these components involvement is to see over the track record on the criminal cases such as corruption and other case, and need to apply the performance evaluation to the PNTL members in the selection process for the candidate of the new PNTL general command.

Finally, the main agenda for the new PNTL general command to continue implementing past measures such as the PNTL strategic plan for 2014-2018.

Recommendations

1. Recommends to the Ministry of Interior that the selection process involves KAK and the Public Ministry over the criminal record of the figure who is the candidate for the PNTL general command.

2.The nominated candidate is the PNTL general command from the council of minister needs to declare his/her assets to KAK.

For more details, please contact:

Nélson Belo
Executive Director of FM
Web: www.fundasaunmahein.org
E-mail: direktor.mahein@gmail.com
Phone (+670) 7737-4222 or (+670) 77561184