Staff Permanente

Abel Amaral

Abel Amaral, Moris iha Baulela-Distritu Cova Lima. Remata estudu iha Universidade da Paz (UNPAZ) iha tinan 2017, Fakuldade Direitu, Departementu Siensia Direitu; hahu kareira hanesan professor ingles iha eskola Paulo VI (PAULUS VI) durante fulan 6 depois kontinua hanorin lian ingles iha Centru Juventudi Suai durante fulan balun nia laran; depois husik kargu hanesan professor Amaral hahu kareira foun hodi serbisu iha misaun UNTAET hanesan tradutor lian ingles ba UN-PKF husi tinan 2000-2004; Amaral kontinua nia kareira iha misaun UNMISET, UNOTIL no UNMIT hodi kaer pasta nudar asistente ofisial diretus humanus iha rejiaun Suai.

Aleinde serbisu ba misaun UNO iha Timor-Leste Amaral mos hanesan treinador ba diretus umanus, kodigu prosesu penal, jeneru, violensia domestika, diretu ba labarik no tortura hodi oferese ba PNTL, Profesor, ONG, komunidade, juventudi no estudante iha rejiaun Suai. Nune’e mos parte seluk Amaral mos partisipa treinamentu iha nivel internasional iha nasaun sira hanesan Italia, Egiptu, no Tailandia kona-ba diretus humanus internasional, rezolusaun konflitu inklui leis internasional.

Sorin seluk Amaral nia kareira seluk maka nudar asistente suporta tekniku ba elisaun 2012 no hanesan mos fo edukasaun sivika ba eleitor sira liu husi TVTL no Radio UNMIT. Agora dadaun Abel Amaral serbisu iha Fundasaun Mahein nu’udar Diretor Administrasaun no Financas.

 

Vales de Jesus Pereira

 

Vales de Jesus Pereira, Moris iha loron 17 fulan Novembru 1994 iha Munisípiu Manatuto, Postu Administrativu Natar-Bora, Suku Uma-boku. Vales nu’udar oan boot hosi alin na’in 5. ULuk nia hanesan reliziozu ida, iha Ordem dos Frades Menores ( OFM ), Iha moris ida ne’e maka nia mos hetan oportunidade hodi hala’o ninia estudu Univesitariu iha ISFIT ( Instituto de Filosofia e de Teologia) Dom Jaime Garcia Goulart, Fatumeta, Dili, Timor-Leste. Vales termina ninia estudu iha fakuldade Filosofia nian iha tinan 2020.  Depois de  Termina  ninia estudu iha ISFIT, Vales hala’o kna’ar Pastoral iha Parokia Faturberlio, Manufahi. Iha Pastoral, Vales hanorin iha Eskola Católica Secundaria São Francisco de Assis. iha Tempu ne’ebá nia mos sai hanesan Formador no orientador ba Coleziu oan sira durante tinan ida nia laran. No agora daudaun Vales hala’o servisu iha Fundasaun Mahein (FM), hanesan Koordenador Peskiza.

 

Moisés Vicente

Moris iha Maliana, titulo de Licenciado em Direito Criminal, iha Universidade da Paz (UNPAZ) remata iha tinan 2008. Iha tinan 2009, tuir treinamentu kona-bá Voluntariu Advogadu Privadu iha Clinica Universidade da Paz.
Agora dadaun Vicente serbisu iha Fundasaun Mahein (FM) nu’udar Kordenador Arkivu iha Fundasaun Mahein.


ADVINDA SIMOA. L. FREITAS

Moris iha Dili 17 Dezembru 1994, Ramata estudu iha Universiadde Dili (UNDIL), Fakuldade Siensia Saúde iha tinan 2018.  Agora dadaun Advinda serbisu iha Fundasaun Mahein (FM) nu’udar Admin no Financa

Leave a Reply

Your email address will not be published.