(Foto Autoridade Seguransa Timor-Leste, 2018)
Loron 31 Janeiru 2018
Iha loron 23 Janeiru 2018 susesu boot operasaun autoridade seguransa sira nian ne’ebé lidera husi Polísia Nasional Timor-Leste (PNTL) – Unidade Polísia Marítima (UPM). Prende kontentor 9 ne’ebé kontein materia prima hanesan Parcetamol 5767 Kgs, Allupurinol 5500 Kgs no Piroxicam 2138 Kgs ho total hamutuk 13405 Kgs ne’ebé importa husi empreza Naroman Furak Unipessoal Lda.
Kontentor hirak ne’e tama iha Portu Dili desde fulan Agustu to’o Novembru 2017 no entre kontentor hirak ne’e tama iha fulan ne’ebé la hanesan. Nune’e mos husi kontentor 9 ne’e, 7 husi Singapura tama direta mai Timor-Leste no kontentor 2 seluk transit iha Surabaya Indonézia depois mai Timor-Leste. Maibe bainhira kontentor 9 ne’e to’o iha Timor-Leste empreza Naroman Furak Unipessoal Lda hato’o fila-fali pedidu hodi halo exportasaun ba Indonézia.
Husi ne’e hamosu dúvida barak kona-bá kontentor 9 ne’ebé to’o deit iha Portu Dili. Tambasa tenke to’o tiha Timor-Leste hafoin exporta fila fali ba Indonézia? Serake empreza Indonézia sira nian labele importa no tenke liu husi Timor-Leste hafoin bele tama Indonézia? Ka materia prima ne’e hanesan sasan ne’ebé proibidu tama iha Indonézia nune’e utiliza Timor-Leste hanesan fatin transit hodi ba Indonézia? Se maka sidadaun Indonézia na’in rua ne’ebé mai simu sasan iha Timor-Leste?
Nune’e relatóriu ida ne’e fo sai kona-bá faktu sira ne’e. Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
