Foto: Serviços Relações Públicas – MI – 2018
Loron 4 Fevereiru 2019
Iha loron 29 Novembru 2018 Ministériu Interior hasai Diploma Ministerial N.o 35/2018 de 29 de Novembro hodi halo promosaun ba membru PNTL sira husi kategoria Sarjentu tuir konkursu admisaun Kursu Promosaun Ofisial Inspetor (PKOI). Konkursu ne’e klasifika hanesan konkursu internu no nakloke ba membru PNTL hotu husi kategoria sira Sarjentu no aplika tuir alinea a) n.o 1) artigu 15 no rekezitu no kondisaun espesiais promosaun nia ba postu Inspetor Asistente ne’ebé mensiona iha Aneksu IV Dekretu-Lei N.o 16/2009 Rejime Promosaun PNTL nia dispozisaun. Maske prosesu ne’e foin hahu, insatisfasaun no polêmika hale’u ona iha membru PNTL sira husi kategoria sira Sarjentu no Ajente.
Iha kazu ida ne’e, Fundasaun Mahein (FM) haree katak lisaun barak ona husi promosaun sira liu ba. Iha ne’ebé insatisfasaun barak liu duke motiva sira hodi halo servisu. Ho ida ne’e relatóriu ida ne’e sei fó observasaun kritiku ida no solusaun sira ba konkursu admisaun KPOI ne’ebé sei mai. Nune’e bele hetan promosaun ida motiva membru sira PNTL duke insatisfasaun.
Atu hetan informasaun kle’an liu kona-bá asuntu ne’e haree iha kraik ne’e:
( PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
João Almeida
Acting Director
Email: almeidamahein@gmail.com
Telemovel: (+670) 77561184
Website: www.fundasaunmahein.org
