Loron 13 Marsu 2019
Iha loron 27 Marsu 2019 PNTL sei selebra nia aniversariu ba dala-19 (sanolu resin-sia). Iha tempu hanesan mandatu Komandante-Jeral PNTL Komisáriu Julio da Costa Hornay no Segundu Komandante-Jeral Komisáriu Faustino da Costa ramata mos. Signifika katak nomeasaun foun ka renovasaun ba kargu Komandante-Jeral no Segundu Komandante-Jeral sei akontese. Nune’e prosesu nomeasaun ba kargu sira Komandante-Jeral no Segundu Komandante-Jeral hala’o tuir Dekretu Lei N.o 9/2009, loron 18 Fevereiru Lei Organika PNTL no Dekretu Lei N.o 16/2009 loron 18 Marsu Rejime Promosaun PNTL nia dispozisaun.
Komandante-Jeral PNTL maka Komisáriu ida ne’ebé hetan nomeasaun liu husi rezulusaun Konsellu Ministru, tuir proposta husi Ministru ne’ebé responsavel ba Seguransa hafoin simu pareser husi Konsellu Superior Polísia nian. Nune’e mos Segundu Komandante-Jeral PNTL maka Komisáriu ida ne’ebé hetan nomeasaun liu husi rezolusaun Konsellu Ministru, tuir proposta husi Ministru ne’ebé responsavel ba Seguransa hafoin simu pareser husi Konsellu Superior Polísia nian.
Iha âmbitu ida ne’e relatóriu ne’e halo análiza kona-bá prosesu no kompetensia sira nomeasaun, rekezitu sira nomeasaun, promosaun no mandatu, no asuntu feto ligadu ho nomeasaun ba Komandante-Jeral no Segundu Komandante-Jeral tuir Dekretu Lei N.o 16/2009 loron 18 Marsu Rejime Promosaun PNTL nia dispozisaun no Lei sira.
Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
João Almeida
Acting Director
Email: almeidamahein@gmail.com
Telemovel: (+670) 77561184
Website: www.fundasaunmahein.org
