Feto Luta Nain
“Parabens ba Loron Feto Nasional”
Loron 3 Novembru nu’udar momentum ida historiku ba feto Timor-Leste. Tanba husi loron ida ne’e maka hakerek historia feto Timor-Leste hatudu sira nia aten brani hodi hamrik hamutuk ho nia mane-maluk hodi kontra invazaun Indonezia.
buy tadacip online https://alvitacare.com/wp-content/languages/en/tadacip.html no prescription
Ho ida ne’e, iha 2005 Organizasaun Rede Feto hamutuk ho organizasaun sira seluk ne’ebé tau matan ba feto hahu selebra loron historiku 3 Novembru ida ne’e. Nu’udar asaun ida hodi fo valorizasaun ba luta feto-maluk Maria Tapo ne’ebé rejiste hamutuk mane sira hodi tiru malu militar Indonezia iha Fronteira, iha loron 3 Novembru 1975. Ne’e hatudu katak feto-maluk sira mos fo nia kontribuisaun maka’as ba ukun rasik-an.
Hafoin Timor-Leste ukun-an liu husi konsulta popular iha 1999, feto Timor-Leste kontinua hatudu sira nia komitmentu boot hodi hamrik hamutuk ho mane sira ba dezenvolvimentu nasaun ida ne’e. Depois restaura ninia independensia iha 20 Maiu 2002 hodi forma ninia intituisaun estadu, feto barak maka involve an iha prosesu konstrusaun estadu liu husi seitór hotu-hotu, partikularmente seitór defeza no siguransa.
Feto maluk barak maka dedika sira nia an hodi serbi nasaun liu husi instituisaun defeza no siguransa hanesan sai membru FALINTIL-Forsa Defeza Timor-Leste – F-FDTL, Polisia Nasional Timor-Leste – PNTL, Komisaun B Parlamentu Nasional, SES, SED, Ministeriu Defeza no Siguransa – MDS inklui seluk-seluk tan.
Husi komitmentu no esforsu feto-maluk sira ba konstrusaun nasaun feto Timor-Leste hetan susesu barak iha nivel nasional no internasional. Tanba ne’e Fundasaun Mahein hakarak fo parabens ba feto maluk Timor-Leste ne’ebé sei selebra loron feto ba dala 9 iha 3 Novembru tinan ida ne’e.
buy sildenafil tadalafil online https://alvitacare.com/wp-content/languages/en/sildenafil-tadalafil.html no prescription
No, husu ba Governu no Estadu atu kontinua fortifika rekursu umanu feto nian iha nivel hotu-hotu atu nune’e bele fo apoiu ba mane sira iha prosesu konstrusaun nasaun.
Fundasaun Mahein husu ba Sekretariu Estadu Promosaun no Igualdade – SEPI atu kontinua halo monitoring no avaliasaun ba polítika implementasaun jeneru iha instituisaun Siguransa no Defeza.
Fundasaun Mahein rekomenda ba Ministeriu Defeza no Siguransa kontinua halo investimentu ba rekursu umanu ba feto-maluk sira iha instituisaun Siguransa no Defeza hodi nune’e sira bele iha kapasidade ne’ebé naton hodi lidera no fo ninia hanoin ba dezenvolvimentu instituisaun hirak ne’e.
Fundasaun Mahein mos rekomenda ba Estadu hodi kontinua serbisu hamutuk ho Sosiadade Sivil atu kontinua fasilita treinamentu ba feto-maluk iha distritu no area rural sira hodi nune’e bele hetan matenek no skiil hodi kontribui ba dezenvovlimentu nasional.
buy fluoxetine online https://alvitacare.com/wp-content/languages/en/fluoxetine.html no prescription
