Esteitmentu Siguransa Públiku: Sunu Fugeti Provoka Tensaun Konflitu

Esteitmentu Siguransa Públiku: Sunu Fugeti Provoka Tensaun Konflitu post thumbnail image

Natal nu’udar loron ksolok ne’ebé ema wain iha mundu rai klaran tomak simu nu’udar festeza boot ida partikularmente Sarani Katolika sira simu Na’in Jesus Kristu nia moris ne’ebé sai ona nu’udar tradisaun ba jerasaun sira atu hahi. Nu’udar festeza ida halo joven sira halibur malu liu husi halo prejepiu, sunu paisaun ka fugeti hodi fo ksolok ba selebrasaun ida ne’e.

Maibe dala barak festeza Natal ho paisaun ka fugeti liu resik tradisaun ne’ebe iha. Joven barak maka halo prejepiu la hare ba nesesidade estrada nu’udar dalan públiku ne’ebé ema ho transporte públiku sira atravesa.
buy levothyroxine generic https://buyinfoblo.com/levothyroxine.html over the counter
Hemu tua iha prejepiu laran depois sadik malu no kria problema iha bairo, halo komunidade sira trauma no tauk. Pior liu maka sunu fugeti ka paisaun iha prejepiu oin ne’ebé ho finjidu bainhira ema ruma liu iha sira nia fatin ho la’o ain ka ho motor no kareta ne’ebé bele preojudika halo ema hakfodak no monu. Fugeti nian lian mos halo interope komunidade nia deskansa kalan liu-liu labarik no bebe nurak sira balun sai trauma no tensaun hodi evakua emerjenjia ba hospital.

Tebes ka la’e Paisaun no Fugeti abuza tensaun konflitu? Iha FM nia monitorizasau durante ne’e rekolla kazu ne’ebé relasiona ho sunu paisaun no fugeti maka hanesan; akontesimentu iha Domingu lokraik maizumenus tuku 15:25 htl, sunu fugeti halo labarik ho idade tinan 4 hetan kanek. No fontes konfirmadu FM labarik kiik ne’ebé vitima ba ema sunu paisaun no fugeti hamutuk nain 6 maka tama ona ba sala emerjenjia Hopital Guidu Valadares. Nuene’e iha kazu seluk fali maka joventude sira asaltu malu iha Delta ne’ebé dadaun ne’e sei hafu’u malu maske seidauk rezulta ema kanek.

Iha sorin seluk antes tama loron Natal Governu liu husi MCIA fo kontratu ba kompañia ida atu hatama fugeti mai Timor-Leste. Autoridade siguransa SES no Komandu Jeral PNTL nia deklarasaun ba públiku iha kontradisaun ho MCIA. PNTL rasik halo ona operasaun hodi rekolla fugeti ne’ebé fa’an iha loja inklui operasaun ba ema sira ne’ebé sunu fugeti halo paniku komunidade. Kestaun maka ne’e; tanba sa maka Governu Autoriza hatama fugeti maibe Autoridade siguransa bandu atu sunu fugeti? Keta halo iha intensaun seluk ruma karik? FM kestiona kona-bá koordensaun Inter-ministerial partikularmente MCIA no SES ba fa’an no sunu fugeti nu’udar prevensaun siguransa iha loron Natal no tinan foun ida ne’e.

Maske autoridade siguransa sira hala’o ona esteitmentu iha públiku hodi kondena hahalok sunu fugeti ka paisaun. Maibe paisaun ka fugeti nia lian kontinua rebenta sidade Dili iha tempu kalan no loron. Komunidade sira senti preokupa no paniku tanba situasaun siguransa iha rai laran sei fragil tebes hare’e ba krime oi-oin ne’ebe mosu inklui tendensia kilat lakon iha indikasaun ema seluk atu aproveita tiru iha tempu paisaun lian.

Fundasaun Mahein Rekomenda ba Autoridade siguransa atu haforsa orden ne’ebé husik ona ba ezekutador sira atu halo operasaun seriu ba ema sira ne’ebé sunu fugeti iha tempu ne’ebé la’os loron Natal no Tinan foun.

Fundasaun Mahein rekomenda ba MTCIA atu koordena ho autoridade siguransa kona-bá sasan komersiu sira ne’ebé iha ligasaun ba ameasa siguransan Fugeti ka paisaun, ho sasan kroat sira antes autoriza tama mai Timor-Leste.

Ikus Liu FM hato’o Boas Festas Natal no Feliz Tinan foun ba entidade tomak, orgaun suberania estadu, partikularmentu ba instituisaun siguransa no defeza ne’ebé durante ne’e firme nafatin nu’udar lutu ba soberania RDTL.

Leave a Reply

Your email address will not be published.

Related Post