Nota Importante iha Ezekusaun OJE 2014 ba Seitor Defeza no Siguransa (Prespetiva Sosiedade Sivil)

(Foto: La’o Hamutuk)

Fundasaun Mahein, 31 Marsu 2014

Komunikadu Imprensa

Liu husi Mahein Nia Hanoin Nú 06 (Relatoriu kompletu versaun Tetun.pdf) rezultadu monitorizasaun FM nia, rejista nota importante barak atu konsidera husi Ministériu Defeza no Siguransa (MDS) iha prosesu ezekusaun OJE tinan 2014. Hahu husi nota auditoria Deloitte nia ba MDS iha tinan 2012, esperiensia ezekusaun OJE 2013 husi MDS no kapasidade kontrolu husi Parlamentu Nasional liu-liu Komisaun B ba asuntu defeza no siguransa.

Iha relatoriu Deloitte nia rekomenda ba MDS atu bele hadia nia jestaun no halo tuir lei aprovizionamentu no pratika diak aprovizionamentu nian. Iha ne’ebé ezekusaun OJE iha período sira liu ba la tuir pratika diak aprovizionamentu nian.

Nota husi esperiensia ezekusaun OJE tinan 2013 nian tuir FM nia análiza ba kontratu sira iha indisius katak iha prosesu sira ne’e la’o la tuir lei aprovizionamentu haruka. Iha ne’ebé regula kona-bá kontratu sira ho tipu ajudikasaun direta ne’ebé FM rejista hamutuk projetu 209 ho konkursu restritu. Iha kle’an ida FM hanoin katak importante tebes públiku hatene tanbasa projetu hirak ne’e tenki halo ajudikasaun direta iha ne’ebé projetu balu la iha karatér urjensia.

Ikus liu, nota importante ida husi relatoriu ida ne’e sujere ba Parlamentu Nasional atu halo fiskalizasaun hahu husi planeamentu, prosesu aprovizionamentu to’o implementasaun ka realizasaun projetu. Atu nune’e bele garante liutan responsabilizasaun iha jestaun erariu públiku no kontribui diak liutan iha prosesu konsolidasaun instituisaun Estadu hodi responde ba dezenvolvimentu nasional.

Rekomendasaun:

1. Ba diresaun hotu-hotu iha MDS atu estabelese (iha) uluk kalendariu aprovizionamentu no kalendariu kompras (akizisaun) ba projetu no kontratu hotu durante tinan ida, hodi evita projetu emerjensia ne’ebé barak no dudu ho ajudikasaun direta.

2. Ba MDS atu hatuir (obdese) ba lei aprovizionamentu no matadalan ba pratika diak iha prosesu ezekusaun OJE 2014.

3. MDS garante kualidade ezekusaun OJE 2014 hodi hetan rezultadu ne’ebé objetiva no bele dezenvolve (solusiona) seitor defeza no siguransa.

4. Ba Parlamentu Nasional espesial Komisaun B atu intensiva iha fiskalizasaun hahu husi planeamentu, prosesu aprovizionamentu no rezultadu (kualidade) projetu ka servisu ne’ebé presta husi MDS.

5. Ba PN Komisaun B, tau matan espesial ba tipu konkursu sira ne’ebé aplika husi MDS ba kontratu públiku. Halo fiskalizasaun rigor iha implementasaun lei OJE 2014, no aplikasaun dekretu lei aprovizionamentu.

6. Rekomenda ba Inspetor Jeral Estadu, Komisaun Anti Korupsaun no Ministériu Públiku halo inspesaun no loke investigasaun ba prosesu aprovizionamentu MDS tinan 2013 nian liu-liu iha kontratu sira ajudikasaun direta.

Atu hatene kle’an liu kona-bá asuntu ne’e bele kontaktu:

Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefone: (+670) 7737-4222 ka bele kontaktu (+670) 7756 1184

Fundasaun Mahein, March 31 2014

Press Release

Execution of the 2014 State General Budget for the Defense and Security Sectors

Mahein Nia Hanoin report No. 6 discusses FM’s thoughts and recommendations for the Ministry of Defense and Security (MDS) to consider in executing its 2014 State General Budget allocation. FM’s monitoring has uncovered a number of important notes for the MDS to consider. Sources utilized and topics covered in this report include the audit conducted for the MDS by consultant Deloitte in 2012, lessons learned from the MDS’s execution of the State General Budget in 2013, and the control capacity of National Parliament Committee B in the defense and security sector.

The report created by Deloitte recommended that the MDS improve both its management policies and improve its procurement policies and system, as procurement for the State General Budget has been implemented poorly in the past.

FM’s analyses of the execution of the 2013 State General Budget revealed that not all of the procurement processes undertaken were in accordance with existing procurement laws. FM found that 209 single source procurement contracts were not in accordance with existing procurement laws. FM believes it is important that the public is aware of the illegality of these projects, especially as some of them are not urgent projects.

Finally, an important goal of this report is to urge the National Parliament to supervise the planning and subsequent implementation of a more effective procurement process. Doing so would guarantee government responsibility for management and consolidate the state’s focus on supporting national development.

Recommendations:

1. Recommend that the MDS to establish a procurement timeline for projects lasting a year or more.

2. Recommend that the MDS follow procurement laws and guidance on good-practices for the execution of the 2014 State General Budget.

3. Recommend that the MDS ensures the quality execution of the 2014 State General Budget.

4. Recommend to the National Parliament, and Committee B in particular, to intensify supervision and implementation for the planning of a procurement process, and that the MDS is involved in the creation of an agreeable plan.

5. Recommend that the National Parliament Committee B focuses special attention to the types of public contracts the MDS grants. The implementation of the law (regarding the 2014 State General Budget) and the application of procurement law should be rigorously supervised.

6. Recommend to the state general inspector, Commission of ANTI Corruption and Public Ministry to make an inspection and investigation into the procurement process of the MDS in 2013, particularly for single source procurement contracts.

For more information please contact:

Nélson Belo
Executive Director of FM
Web: www.fundasaunmahein.org
E-mail: direktor.mahein@gmail.com
Phone Number: (+670) 7737-4222, or (+670) 7756 1184