FM Outreach Janeiru 2013

FM Outreach Janeiru 2013 post thumbnail image

FM Media Record Fulan Janeiru 2013

Iha tinan 2013 Fundasaun Mahein marka pasu ida tan ba oin hafoin husik tinan tuan 2012 ho nia programa foun no hanoin inovativu; iha fulan Janeiru FM hetan supreza boot tanba statistika vizitante blue host hatudu visitor ass no total iha 3094; kumpara ho visitor fulan Dezembru 2012 vizitante iha deit 2595. Ne’e hatudu visitor loron ba loron iha antusiasmu tebes hodi le’e informasaun ne’ebe maka Fundasaun Mahein oferese.

Iha parte seluk Fundasaun Mahein mos grava estatistika ema ne’ebé download relatorio Mahein Nia Lian, Mahein Nia Hanoin inklui dokumentu ofisial hamutuk 62; Husi numeru ne’ebé visitor sira download barak liu maka relatorio Mahein Nia Lian Numeru 17, 02, 25, 38, no 35; sorin seluk dokumentu ofisial ne’ebé visitor download barak liu maka lei organika ministerio defeza no statuto F-FDTL, lei defeza nasional, inklui regulamentu disiplinaria nomos dokumentu ofisila sira seluk.

Durante fulan Janeiru Fundasaun Mahein halo ona publikasaun relatorio kona-ba “Analiza Orsamentu Jeral Estadu 2013 ba Ministériu Defeza no Siguransa Prespetiva Sosiedade Sivil” inklui relatorio “Insidente Sira Ne’ebé Akontese iha Periodu 2012 no Impaktu ba Siguransa Nasional”; Nune’e mos iha periodu fulan Janeiru 2013 FM hakerek blog hamutuk 3.

Iha Janeiru FM hetan supreza tanba media record iha fulan ne’e sae makás kumpara ho media record fulan kotuk. Media ne’ebe durante ne’e halo kobertura ba FM nia atividades iha 13 konklui husi media nasional no media internasional sira. Publikasaun FM nia noticia hamutuk iha 7 inklui fahe komunidaku da Imprenza. Publikasaun relatorio no entrevista husi media mai husi TVTL, Jornal, radio inklui media online sira.

Nune’e mos iha fulan Janeiru FM hetan vizitante husi nasaun barak iha mundu, husi visitor nazaun sira ne’e barak liu mai husi Indonezia, Estadus Unidus Amerika, no Rumania; tuir fali Australia, Englatera, Portugal, Korea do Sul, Thailandia, Hongkong, Singapura, Filipina, Japaun, Franca, Italia, Mozombique, Xina, Brazilia, Swedia, Ruzia, Holanda, Nova Zelandia, India, Alemanha, no Sudaun inklui mos nazaun seluk ne’ebe la identifikadu (Unknown).

Parte seluk visitor funpage ba Fundasaun Mahein nia publikasaun informasaun loron-loron tuir statistika hatudu kontinua aumenta husi tempu ba tempu; iha fulan Janeiru ema ne’ebe maka konsume publikasaun informasaun hamutuk iha 5963, vizitante ne’ebe mak fo sira nia komentariu hamutuk 598 inklui visitor ne’ebe mak klik like deit iha 616.

Ikus lius Fundasaun Mahein hakarak fo agradesementu bá vizitantes sira hotu iha rai laran nomos iha mundu tomak ne’ebé maka fo tempu hodi vizita FM nia portal no funpage; FM espera ho publikasaun relatorio inklui informasaun tomak ne’ebe kabe ba asuntu defeza no siguransa bele sai lalenok ba ita hotu hodi dezenvolve rai doben ida ne’e.

Leave a Reply

Your email address will not be published.

Related Post