(Foto PR@Julio Fernandes Guterres/2017)
Loron 12 Setembru 2017
Relatóriu ida ne’e halo analiza husi aspetu legal sira ba asuntu sira defeza nian iha ambitu mandatu ba kargu sira Chefe Estado Maior General das Forças Armadas (CEMGFA), Vice-CEMGFA, Chefe Estado Maior das Forças Armadas (CEMFA) no Komandante Komponente sira nian. Hodi tetu ba situasaun atuál formasaun VII Governu Konstitusional nian, opiniaun legal, nomos rekomendasaun balu ne’ebé hakarak fo hanoin ba Governu foun, IV Lejislativa Parlamentu Nasional, liu-liu Prezidente Repúblika atu toma konsiderasaun ba asuntu hirak ne’ebé Fundasaun Mahein (FM) relata iha relatóriu ida ne’e.
Portantu mandantu CEMGFA, Vice-CEMGFA, CEMFA no Komandante Komponente sira nian sei ramata iha loron 6 Outobru 2017. Maibe to’o agora seidauk iha sinal ruma hodi diskute no konsulta ba kazu ne’e nian ne’ebé lidera husi Ministériu Defeza. Iha tempu hanesan formasaun VII Governu Konstitusional sei la’o tarde oituan. Maske mandatu ba CEMGFA, Vice-CEMGFA, CEMFA no Komandante Komponente sira remata iha tempu besik loron 6 Outobru 2017.
Ida ne’e iha posibilidade boot sei viola tan lei sira tamba Governu foun la iha biban hodi toma lalais desizaun hodi halo konsulta sira iha Konsellu Superior Defeza Militar no lori ba Konsellu Ministru hodi aprova, no ikus liu lori ba Prezidente Repúblika hodi nomea no dekreta.
Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
