Demisaun Governu no Disolusaun Parlamentu Nasional “Tenke Salva-Guarda Unidade Nasional”

Demisaun Governu no Disolusaun Parlamentu Nasional “Tenke Salva-Guarda Unidade Nasional” post thumbnail image

(Foto: Timor Roman_Calisto da Costa, 2017)

Loron 11 Dezembru 2017

Rezultadu Eleisaun Parlamentar 2017 hatudu la iha partidu ida maka manan maioria absoluta hodi forma mesak Governu. Nune’e rezultadu ida ne’e obriga tenke iha koligasaun ka aliansa ida iha Parlamentu Nasional hodi hetan maioria no bele garante estabilidade governativa. FRETILIN hanesan partidu mais-votadu ka hetan votu barak liu lidera negosiasaun ba formasaun Governu. Negosiasaun lori to’o fulan rua resin desde Tribunal Rekursu fo sai ofisialmente rezultadu eleisaun nian. FRETILIN konsege asina koligasaun ho PD iha loron 13 Setembru 2017 no hatudu Sekretariu Jeral FRETILIN nian Dr. Mari Alkatiri nu’udar Primeiru-Ministru VII Governu Konstitusional. Ikus mai, Prezidente Repúblika nomeia Dr. Mari Alkatiri ba Primeiru-Ministru VII Governu Konstitusional iha loron 14 Setembru 2017 no simu pose iha loron 15 Setembru 2017.

Debate no polêmika hahu iha ne’e, liga ho Governu ne’ebé forma ho apoiu minoria ka ho deit kadeira tolu-nolu iha Parlamentu Nasional. Resposta ba situasaun Governu nian, partidu opozisaun sira CNRT, PLP no KHUNTO asina plataforma Aliansa Maioria Parlamentar (AMP) ida (kadeira tolu-nolu resin lima) antes Governu lori nia programa ba Parlamentu Nasional. Tuir partidu opozisaun sira katak AMP hanesan alternativa bainihira governu monu. Partidu opozisaun sira hatudu ona sira nia pozisaun konkreta ba Governu koligasaun ho Mosaun Rejeisaun ba Programa VII Governu Konstitusional nian iha fulan Outobru 2017.

Nune’e relatóriu ne’e aprezenta senariu sira hodi solusiona bainhira demisaun ba Governu no desolusaun ba Parlamentu Nasional.

(PRESS RELEASE HANEHAN IHA NE’E)

(RELATORIU KOMPLETU HANEHAN IHA NE’E)

Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org

Leave a Reply

Your email address will not be published.

Related Post