FM Outreach Setembru 2012

FM Outreach Setembru 2012 post thumbnail image

FM Media Record Fulan Setembru 2012

Iha biban ne’e Fundasaun Mahein hakarak oferta tan rezultadu servisu husi fulan Setembru 2012 nian bá vizitantes website kona-bá progeresu no dezafius sira ne’ebé FM infrenta durante periodu ida ne’e. Tuir statistika portal ofisial FM nian kona-bá visitor ne’ebé Outreach relata hatudu indikasaun pozitivu no supreza boot bá FM tanba FM hetan tan vizitor hamutuk 3.768, kumpara ho fulan Agostu vizitor hamutuk iha 4338; maske fulan ne’e vizitor menus oituan kompara ho fulan kotuk nian maibé la signifika katak FM la halo atividade hodi fo informasaun bá publiku, liu-liu kona-bá seitor defeza no siguransa nian.

Supreza ida mak total ema ne’ebé mak halo download relatoriu hamutuk ema 75 hanesan Mahein Nia Lian (MNL), Mahein Nia Hanoin (MNH) inklui mos lei organika, dokumentu ofisial, strategi plan no statute FM nian. Husi numeru ne’ebe ema download mak MNL Nu. 2, 39, 38, 12, 29, 11,8,26,33 29,23, 32, 13, 14, 16, 13, 13, 13, 21, 6, 19, 9, 37, 12, 19, 9, 37, 12, 35, 38, 15, 25, 21, 39, 25; Nune’e mos MNH Nu. 02, 13, 13, 01 inklui blog sira iha FM nia portal. Nune’e mos FM hetan vizitante husi mundu tomak mak: Alemanha, Indonesia, Estadus Unidus Amerika , inklui nasaun sira seluk hanesan Australia, Japaun, Britania, New Zeland, Xina, Portugal, Hongkong, Korea du Sul, Singapura, Filipina, Canada, Tailandia inklui nasaun Europia sira.

Nune’e mos vizitor Funpage loron bá loron kontinua aumenta bá bebeik, iha fulan Setembru ema ne’ebe konsume informasaun iha FM nia funpage 5.092, no sira ne’ebe klik like deit hamutuk 508 no sira ne’ebe fo komentariu durante fulan Setembro hamutuk iha 77.

Kona-bá publikasaun, Fundasaun Mahein (FM) iha Setembru konsege halo publikasaun hamutuk 9 MNL nu 39 (Programa V Governu Konstitusional nian 2012-2017 Paz, Estabilidade no Seitor Defeza no Siguransa), inklui mos blog ne’ebe FM publika iha 8 no fahe Komunikadu Imprenza bá media sira iha Dili laran.

Parte kona-bá Media Record ba fulan Setembru total entrevista husi media nasional no internasional hamutuk dala 10, no publikasaun FM nian iha media sira durante fulan Setembru hamutuk 19; publikasaun hirak ne’e liu husi media oi-oin hanesan Jornal 14, Radio 2 no Blog 3.

Iha sorin seluk FM halo ona programa Radio Ezkluzivu dala 5 ho topiku Programa Prioridade Komisaun B Parlamentu Nasional (PN) iha tinan 2012-2017 kona-ba seitor defeza no seguransa, Lider Komunitaria nia hanoin kona-ba misaun UNPOL ramata iha Timor-Leste, Joventudi no Estudante Universitario nia hanoin kona ba seguransa hafoin UNPOL ramata misaun iha Timor-Leste, Papel Polisia Komunitaria iha Komunidade nia le’et. Publikasaun programa ne’e transmiti liu husi Centru Radio Comunidade (CRC) no Radio Lian Dame UNPAZ; Antes ne’e iha fulan Agostu FM produs ona pograma radio hamutuk 2 Feto nia hanoin kona-ba Seitor Defeza no Seguransa no Rekomendasaun Lideransa Komunitaria kona-ba Seguransa no publika ona iha radio CRC no Radio Lian Dame (RLD).

Ikus lius, antes haninin Fundasaun Mahein hakarak fo agradesementu bá vizitantes sira iha rai laran nomos iha mundu tomak ne’ebé mak fo tempu hodi vizita FM nia portal no funpage.

Leave a Reply

Your email address will not be published.

Related Post

Komunikadu Imprenza: Fundasaun Mahein Kongratula ba Servisu F-FDTL Komponente Naval ho PNTL (Unidade Maritima)Komunikadu Imprenza: Fundasaun Mahein Kongratula ba Servisu F-FDTL Komponente Naval ho PNTL (Unidade Maritima)

Fundasaun Mahein, 20 Outobru 2010 Komunikadu Imprenza Fundasaun Mahein Kongratula ba Servisu F-FDTL Komponente Naval ho PNTL (Unidade Maritima). Relasiona ho kordenasaun servisu  Joint Maritime Task Force (JMTF) ne’ebe kompostu husi Komponente Naval no Polisia Maritima, Segunda Feira (18/10), hodi