Foto: Timor Agora Blogspot
Loron 28 Marsu 2018
Mundu ohin loron krime organizadu transnasional hanesan asuntu preokupante husi nasaun hotu-hotu ne’ebé afeta direta ba populasaun sira nia vida. Timor-Leste hanesan nasaun ida ne’ebé iha ameasa no risku ba krime organizadu transnasional hanesan, droga iha tinan hirak ikus ne’e no involve grupu komunidade oin-oin tantu sivil no pesoal autoridade seguransa sira.
Monitorizasaun Fundasaun Mahein (FM) konklui katak Timor-Leste hanesan nasaun transit ba droga sira no nia objetivu ka distinu ba nasaun viziñu sira liu-liu Indonézia. Nune’e kanal ka odamatan sira ne’ebé kritiku maka fronteira terestre, aero portu no portu. Portantu grupu krime organizadu transnasional sira haree katak kanal sira ne’e fasil liu tama-sai, tamba kontrolu husi autoridade seguransa sira sei fraku, menus ba ekipamentu no fasilidade sira hodi kontrola no detekta.
Nune’e relatóriu ne’e aprezenta faktu sira husi kazu sira trafiku droga nian ne’ebé utiliza odamatan tama-sai Timor-Leste no ninia distinu lolos ba rai viziñu sira ho forma sira ne’ebé desvia husi kontrolu autoridade seguransa sira nian.
Tamba ne’e, atu hetan informasaun kle’an liu kona-bá asuntu ne’e haree iha kraik ne’e:
( PRESS RELEASE HANEHAN IHA NE’E)
( RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
