FALINTIL-FDTL: Husi Militar Polítika ba Militar Profesional

FALINTIL-FDTL: Husi Militar Polítika ba Militar Profesional post thumbnail image

Foto Fundasaun Mahein (FM)

Loron 28 Marsu 2018

“FALINTIL-FDTL labele tama partidu polítiku, la bele halo polítka prátika maibe sira tenke hatene polítika estadu demokratiku ninian – Xanana Gusmao, Primeiru Ministru no Ministru Defeza no Seguransa 2007 – 2015”

Asuntu preokupante ida iha tempu sira ikus ne’e, diskusaun no observasaun públiku liga ho militar no polítika iha kontextu polítika atual Timor-Leste nian. Portantu asuntu sira nune’e dalaruma bele kria polêmika no sempre akontese iha nasaun hotu-hotu tantu nasaun dezenvolvidu sira no nasaun sira ne’ebé foin dezenvolve.

Istorikamente FALINTIL mai husi Partidu FRETILIN nu’udar liman kro’at FRETILIN nian hodi responde ba situasaun iha tempu ne’eba. Iha ne’ebé FALINTIL moris iha loron 20 Agustu 1975. Maibe FALINTIL hetan mudansa boot tuir evousaun funu ne’ebé Timor-Leste ultra-passa no sai ona husi FRETILIN no FALINTIL hala’o lolos deit nia kna’ar hanesan militar to’o funu ramata. Hafoin Timor-Leste hetan fila-fali nia independensia FALINTIL transforma husi forsa girilia ida ba forsa konvensional iha tinan 2001 maka FALINTIL-FDTL. Katak militar sira hala’o nia kna’ar tuir deit Konstitusaun no lei sira. Kna’ar sira nune’e hatuur ona iha Konstitusaun no lei sira.

Maske nune’e, politikamente to’o ohin loron estrutura lider sira FALINTIL-FDTL nian sei domina husi eis membru FALINTIL sira no maioria sira hotu foin maka apriende no hetan treinamentu profesional militar iha tempu badak no depois Timor-Leste hetan independensia. Ne’e mos sai obstaklu ida ba mediu prazu ninia atu dezenvolve lolos instituisaun militar ida ho independente no profesional tamba sei defisil oituan atu haketak FALINTIL no FALINTIL-FDTL.

Iha kontextu ne’e, relatóriu ida ne’e sei hato’o asuntu prinsipal sira liga militar no polítika iha realidade FALINTIL-FDTL nian husi militar polítika ba militar profesional. Atu hetan informasaun kle’an liu kona-bá asuntu ne’e haree iha kraik ne’e:

( PRESS RELEASE HANEHAN IHA NE’E)

( RELATORIU KOMPLETU HANEHAN IHA NE’E)

Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org

Leave a Reply

Your email address will not be published.

Related Post

MAHEIN NIA LIAN No. 11: Komunikadu da Imprenza, Prizaun no Responsabilidade husu Guarda Prizioneirus Sira iha Timor-Leste (Tetun and English)MAHEIN NIA LIAN No. 11: Komunikadu da Imprenza, Prizaun no Responsabilidade husu Guarda Prizioneirus Sira iha Timor-Leste (Tetun and English)

Fundasaun Mahein, 22 Setembru 2010 Komunikadu da Imprenza Prizaun no Responsabilidade husu Guarda Prizioneirus Sira iha Timor-Leste (hetan relatoriu iha ne’e) Oras ne’e dadaun governu deside tau Prizaun iha fatin