Matrix Fanpage Fundasaun Mahein (FM), Jullu 2012
Hela deit semana ida atu remata fulan Jullu maibé Fundasaun Mahein hetan supreza diak tebes tanba Matrix Outreach nia hatudu katak total vizitantes hamutuk 3. 070 no supreza liu tan katak ema ne’ebé vizita semana datoluk fulan Jullu nian sae to’o 1.265. Nune’e mos Funpage FM nia mos aumenta sae maka’as to’o 436, antes ne’e 372 deit. Husi publikasaun informasaun ne’e mos volume vizitantes ne’ebé vizita Funpage hamutuk 6.022 la sura ho fo komentariu no sira seluk ne’ebé embuska like.
Iha matrix Funpage ne’emos fo hatudu katak hahu husi loron 14 Jullu to’o 20 Jullu vizitante ne’ebé vizita Funpage hamutuk 12. 286. Durante fulan Juñu no Jullu FM halo publikasaun relatoriu 3 hanesan MNL no. 35 Asesu Informasaun Seitor Defeza no Singuransa ho Politika Lingua iha Timor-Leste no MNL no. 36 Partidu Politiku Sira Nia Politika ba Seitor Defeza Siguransa iha Periodu 2012-2017) no MNL no. 37 Osan Mos “Hadaur” Iha Festa Demokrasia. Publikasaun ba blog ne’ebé FM halo komentariu ba asuntu oi-oin ho relasaun seitor defeza no siguransa nian.
FM realiza debate direta iha radio hamutuk dala 2 ho liu husi stasaun radio ne’ebé diferente mak hanesan Radio Liberdade ho topiku: “Siguransa Trafiku no Manajementu Estrada Publiku” ho orador Komandante Polisia Tranzitu Inspetor Xefi Antonio Soares, Diretur DNTT Silvetre de Oliveira ho Kordenador Peskiza FM, João Almeida. Nune’e mos iha Centru Radio Comunidade (CRC) ho topiku: “Siguransa Maritima no Eleisaun Parlamentar” ne’ebé ho orador mak Komandante Polisia Maritima, Lino Saldanha ho Kordenador Peskiza FM, João Almeida. Informasaun konaba debate ne’e bele hetan iha portal ofisial FM www.fundasaunmahein.org
Iha Jullu nia laran mos, FM hetan intervista husi jornalista nasional hamutuk dala 31 inklui ho jornalista internasional sira. FM mos hetan numeru boot konaba atividade FM ne’ebé publika iha media durante Juñu hamutuk 48, publikasaun hirak ne’e hanesan iha radio hamutuk 25, Jornal 17, online 10 inklui TV 1. Publikasaun ne’e la sura ho fulan Maiu no Juñu nian. FM mos hakarak sita katak portal ofisial Fundasaun Mahein ne’e kada lor-loron hetan vizita husi nasaun sira iha mundu tomak ho kuantidade maka’as mak hanesan: Indonezia, Amerika, Jerman, Australia, Japaun, Britania, New Zeland, Xina, Portugal, Hongkong, Korea du Sul, Singapura, Filipina, Canada, Tailandia no nasaun Europia sira inklui seluk-seluk tan.
Relasiona ho vizitantes ba Funpage no website FM ne’ebé sa’e maka’as, FM hakarak agradese ba vizitantes sira hotu iha mundu tomak ne’ebé vizita ona portal FM nian. FM fiar katak vizitantes hirak ne’e maioria estudantes timor oan sira ne’ebé dadaun estuda iha rai liur. Iha biban ne’e FM hakarak fo apresiasaun no agradese ba ita boot sira nia apoiu ne’ebé bele motiva FM hodi halo kontinuasaun FM nia servisu ba dezenvolvimentu seitor defeza no siguransa ho independente, transparansia no demkokratiku iha rai lafaek ida ne’e..
