FM halo konfrensia imprenza hamutuk ho media konaba kazu Hera, Sexta, (20/07). Foto. FM.
Fundasaun Mahein, 20 Jullu 2012
Komunikadu Imprenza
To’o ohin loron institusaun kompentensia ne’ebé halo kna’ar kona-bá fo informasaun bá povu kona-bá prosesu hamate joven ida iha Suku Hera ne’ebé involve elementu balu husi polisia Eskuadra Hera sidauk iha informasaun klaru. Povu tomak seidauk hetan prosesu investigasaun ne’e to’o iha ne’ebé no suspeitu sira kaer ona no asumi ona iha prosesu investigasaun ka sidauk, buat hotu sidauk hatene. FM ejizi povu iha deiretu atu tuir prosesu ne’e no iha direitu hetan informasaun husi instituisaun relevante.
Husi akontesementu ne’ebé mensiona iha leten, Fundasaun Mahein ejizi ba instituisaun polisia atu halo investigasaun lalais ba kazu involvimentu membru PNTL ne’ebé tiru mate estudante Universidade Dili (UNDIL) ne’ebé to’o agora seidauk hatene suspeitu bá kazu refere.
Fundasaun Mahein mos husu bá instituisaun PNTL atu detein lalais suspeitu nain tolu ne’ebé deskonfia membru PNTL ne’ebé involve iha kazu tiru mate estudante ne’e hodi nune’e bele halo lalais prosesu investigasaun. No, Fundasaun Mahein rekomenda ba komandu PNTL tenki fo sai rezultadu investigasaun bá públiku liu husi Sekretaria Estadu Siguransa.
Fundasaun Mahein mos hakarak rekomenda bá lider partidu polítiku sira atu tuur hamutuk hodi apela ba públiku relasiona ho konflitus ne’ebé akontese iha loron 15 no 16 hodi nune’e públiku bele hetan informasaun kona-bá situasaun siguransa iha rai laran.
Ikus liu, FM mos rekomenda bá Komandu PNTL atu update nafatin kona-bá siguransa atual hafoin bá pos konflitus iha semana liu bá, atu nune’e labele kria paniku públiku ba povu.
Atu hatene klean liu konaba asuntu ne’e bele kontaktu.
Nélson Belo,
Diretor Fundasaun Mahein
www.fundasaunmahein.org
Email: nelson@fundasaunmahein.org ,
Tlp +670 737 4222
