Civil Society on the Proposed 2014 General State Budget for the Ministry of Defense and Security

Civil Society on the Proposed 2014 General State Budget for the Ministry of Defense and Security post thumbnail image

(CLICK HERE FOR FULL REPORT)

Fundasaun Mahein, 11 November 2013

Komunikadu Imprenza

Liu husi Mahein Nia Lian Nú. 62 (Relatoriu kompletu versaun tetum,pdf), (English Version.pdf) sei halo analiza ida klean kona-bá proposta Osamentu Jeral Estadu – OJE 2014 ne’ebé aloka ba Ministériu Defeza no Siguransa – MDS nian. Iha proposta OJE 2014 ba Ministériu Defeza no Siguransa hamutuk tokon US$ 65,127 husi total OJE tomak US$ 1.5 Biloens ne’ebé administra husi Ministériu Defeza no Siguransa rasik, la inklui Fundu Espesial no apoiu parseiru dezenvolvimentu sira.

Husi proposta orsamentu refere aloka ba kada instituisaun sira iha Ministériu Defeza no Siguransa hanesan Gabinete Ministériu Defeza no Siguransa, Sekretaria Estadu Defeza (SED), FALINTIL-FDTL, Institutu Nasional Defeza (IDN), Sekretaria Estadu Siguransa (SES) no Polisia Nasional Timor-Leste (PNTL). Maibe Fundasaun Mahein nia hanoin katak proposta OJE 2014 ba seitor defeza no siguransa tenki realistiku hodi nune’e bele responde ba nesesidade instituisaun siguransa estadu nian.

Fundasaun Mahein mos kestiona kona-bá proposta alokasaun orsamentu ba Sekretariu Estadu Siguransa – SES, partikularmente ba PNTL ne’ebé mensiona atu sosa kilat foun ba Unidade Espesial Polisia – UEP. Tanba iha momentu ne’ebé Timor-Leste sei problema hela kona-bá jestaun no kontrolu kilat. Maibe governu kontinua atu sosa kilat. Fundasaun Mahein sujere atu halo annual auditing ba kilat sira ne’ebé iha instituisaun F-FDTL no PNTL.

Nune’e mos relatoriu Fundasaun Mahein ne’e kestiona katak presiza uniformiza ona veikulu F-FDTL no PNTL nian tanba kareta barak ho modelu oin-oin, ida ne’e preojudika mos ba kustu manutensaun nian. Nune’e mos presiza kontrolu kona-bá uzu komvustivel, tanba monitorizasaun FM nian hetan katak iha elementu F-FDTL no PNTL balu utiliza komvustivel ba transporte privadu balu.

Seluk maka Fundasaun husu ba Instituisaun Defeza Nasional – IDN atu funsiona mandatu hodi bele produz ona relatoriu sientifiku kona-bá estratejia defeza no siguransa nian tuir dinamika mundu oin loron nian. Inklui mos SNI presiza fortifika rekursu umanu iha nivel rekoilla dadus no analiza informasaun kona-bá nesesidade ameasa ba situasaun siguransa iha rai laran.


Sumariu Rekomendasaun

1. Rekomenda ba Komisaun B Parlamentu Nasional presiza leitura ne’ebé kle’an ba proposta OJE ba MDS kada rubrika orsamentu tuir nesesidade intituisaun nian iha seitor defeza no siguransa antes halo aprovasaun. Rekomenda ba Komisaun B Parlamentu Nasional presiza halo fiskalizasaun rigor ba OJE 2014 ne’ebé sei aprova. Nu’udar orgaun fiskalizador hodi kontrolu orsamentu Estadu nian.

2. Rekomenda ba Komisaun B Parlamentu Nasional husu ba Ministériu Defeza no Siguransa presiza halo auditing ba kilat PNTL no F-FDTL iha momentu ne’ebé kilat sei problematiku hela maibe kontinua sosa kilat.

3. Rekomenda ba SES no SED presiza kontrolu ida ne’ebé reigoroju ba komvustivel operasaun veikulu nian nune’e bele uza tuir nesesidade serbisu nian.

4. Rekomenda ba SES no SEDuniformiza ona veikulu sira iha F-FDTL no PNTL nia laran tanba ho veikulu marka oin-oin ikus kustu ba manutensaun mos la hanesan no hatodan despeza Estadu nian ne’ebé preve OJE 2014 ba MDS osan manutensaun nian sa’e maka’as tebes.

5. Rekomenda ba MDS estabelese koordenasaun serbisu informasaun polisial, militar no SNI iha âmbitu analiza informasaun no fornesementu informasaun ba instituisaun Estadu nian hodi halo desizaun tuir ameasa sira ne’ebé identifika.

Atu hatene kle’an liu kona-bá asuntu ne’e bele kontaktu:

Nélson Belo
Diretur Fundasaun Mahein
Website: www.fundasaunmahein.org
Email : nelson@fundasaunmahein.org
Tlp +670 7737 422

Leave a Reply

Your email address will not be published.

Related Post

The Efforts and Challenges of Timor-Leste’s Commitment to ASEAN “From the Perspective of Political/Security and Economic Sectors”The Efforts and Challenges of Timor-Leste’s Commitment to ASEAN “From the Perspective of Political/Security and Economic Sectors”

Fundasaun Mahein (FM), 20 January 2016 Press Release The Efforts and Challenges of Timor-Leste’s Commitment to ASEAN “From the Perspective of Political/Security and Economic Sectors” The Association of South East