Oinsa Serbisu Intelijensia iha Timor-Leste?

Simbolu Segredu

Fundasaun Mahein, 13 Marsu 2014

Komunikadu Imprensa

Liu husi Mahein Nia Lian Nú. 72 (Relatoriu kompletu versaun Tetun.pdf) (English version) halo análiza kona-bá oinsa servisu intelijensia iha Timor-Leste? Serbisu intelijensia nian konsagra tiha ona iha Lei Nú. 09/2008 Sistema Nasional de Intelijensia ne’ebé fo kna’ar ba FALINTIL-Forsa Defeza Timor-Leste (F-FDTL) ho Polisia Nasional Timor-Leste (PNTL) hala’o, hodi rekolla informasaun. Nomos iha Dekretu Lei Nú 03/2009 Serbisu Nasional Intelijensia (SNI), fo kompetensia ba pesoal Serbisu Informasaun Polisia (SIP), no Serbisu Informasaun Militar (SIM) atu promove peskiza, rekolla ka halibur, análiza, interpreta informasaun ne’ebé kontribui ba protesaun interese siguransa nasional nian.

Relasaun ho serbisu informasaun iha ona lei ne’ebé fo kompetensia ba pesoal serbisu informasaun sivil, polisia no militar oinsa atu bele rekolla informasaun kona-bá ba siguransa nian hanesan krime komun ne’ebé Estadu ka Governu konsidera fo ameasas ba komunidade no sosiedade. Kazu sira dahuluk liu ba hanesan kazu atentadu 11 Febreiru 2008, kilat PNTL ne’ebé sei lakon no dadur halai husi prizaun ne’ebé sei helik husi autoridade nia matan, nu’udar dezafiu ida ba serbisu intelijensia.

Oinsa serbisu intelejensia ne’ebé susar (falla) atu detekta ka deskobre isu sira temi iha leten? Iha ne’ebé serbisu pesoal informasaun ka intelijensia la ses husi dezafiu ne’ebé mosu husi institusaun ne’e nia laran hanesan institusaun la iha meus ne’ebé naton atu uza rekursus no la iha ekipamentu adekudu ba membru serbisu informasaun sira. Ikus informasaun ne’ebé halibur la iha ninia relevansia no uza oituan deit. Frakeza hirak ne’e mosu tanba menus kapasidade atu halo análiza intelijensia ba dadus sira ne’ebé tama nune’e bele kanaliza ba decision maker hodi foti desizaun.

Iha parte seluk koordenasaun serbisu entre instituisaun serbisu informasaun nian seidauk efetivu diak hodi partilla informasaun entre instituisuan relevante sira tuir lei siguransa nasional nian no kuadru legal nasional seluk.

Ikus liu FM rekomenda katak:

1. Hametin koordenasaun entre instituisaun siguransa sira ne’ebé tau matan ba serbisu informasaun nian hanesan SNI, PNTL, F-FDTL no instituisaun seluk nu’udar preve iha lei siguransa nasional.

2. Fo kapasitasaun ne’ebé kontinuasaun kona-bá serbisu informasaun ba pesoal serbisu informasaun nian no hadi’a bem-estar, meus, no kondisaun ba pesoal serbisu informasaun.

3. Kria politika “Serbisu informasaun popular” ne’ebé involve komunidade sai pesoal informasaun no haforsa ho polisia komunitariu ba iha fatin sira ne’ebé potensial konflitu.

Atu hatene kle’an liu kona-bá asuntu ne’e bele kontaktu:

Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefon (+670) 7737-4222 ka bele kontaktu (+670) 7756 1184

Fundasaun Mahein, 13 Marsu 2014

Press Release

Is Timor-Leste’s Intelligence Service Succeeding?

Mahein’s Voice report No.72 analyzes Timor-Leste’s intelligence service. Law No. 09/2008 outlines the National Intelligence System and tasks the FALINTIL-FDTL and the PNTL with collecting national intelligence information. In addition, decree law No. 03/2009 of the National Intelligence Service (NIS) also assigns members of the Police Information Service (PIS) and Military Information Service (SIM) to the duty of collecting and analyzing information relevant to national security interests.

Legislation has been created to govern how civil, police, and military intelligence members are able to collect information to combat criminal activities that threaten the public interest. Some priorities for the intelligence service to investigate include the unresolved cases of the 11 February 2008 assassination, missing PNTL weapons, and prisoners who escaped from prison.

How has the intelligence service failed to resolve these important cases? The answer lies in the fact that intelligence service members lack the resources and adequate equipment to do their job effectively. As a result, the information that the intelligence service is able to gather is either irrelevant or offers no practical benefit. The failure of Timor’s intelligence service function effectively also stems from it’s capacity deficit in analyzing the data it collects. In addition, coordination between intelligence service institutions has not been well implemented, resulting in the ineffective sharing of information between relevant institutions.

FM’s recommendations:

1. Strengthening coordination between security institutions conducting intelligence activities such as the NIS, PNTL, F-FDTL and other relevant institutions under national security law.

2. Provide ongoing capacity building for members conducting intelligence activities to improve their effectiveness and overall impact.

3. Create a program entitled “Popular Information Services” that involves community members and community police in the national intelligence gathering effort and network.

For more details about this issue please contact:
Nélson Belo
Executive Director of FM
Web: www.fundasaunmahein.org
E-mail: direktor.mahein@gmail.com
Telephone: (+670) 7737-4222 or (+670) 7756 1184