Loron 05 Fevereiru 2025
Relatóriu ida-ne’e aborda kona-ba delegasaun kompeténsia sira hosi Primeiru-Ministru ba Ministru Prezidénsia Konsellu Ministru nian relasiona ho Servisu Nasional Intelijénsia (SNI), tuir Despaxu N.o 01/PM/1/2025. SNI, responsável atu rekolla, analiza no divulga informasaun krusial ba seguransa nasional Timor-Leste nian, legalmente subordinadu diretamente ba Primeiru-Ministru, hanesan estabelese ona iha Lei N.o 9/2008 no Dekretu-Lei N.o 3/2009.
Estudu analiza enkuadramentu legal no regulamentar hosi delegasaun, destaka kláuzula ne’ebe permiti delegasaun kompeténsia sira la-ho kompromete dependénsia ierárkika hosi Primeiru-Ministru. Esplora mós implikasaun prátika sira, dezafiu sira relasiona ho transparénsia, fiskalizasaun no interpretasaun legal no oferese rekomendasaun sira atu garante katak delegasaun implementa ho klaru, efetivu no tuir objetivu seguransa nasional nian.
Ikus liu, relatóriu ne’e reafirma nesesidade ba fiskalizasaun estratéjika hosi Primeiru-Ministru hodi prezerva integridade SNI nian, hodi garante katak nia autonomia administrativa no finanseira aliña nafatin ho kumprimentu ba nia funsaun esensial iha sistema seguransa nasional.
Tanba ne’e atu hetan no hatene kle’an liu kona-ba asuntu sira ne’ebe temi liu daudauk ne’e, haree no hanehan iha link kraik ne’e:
Press Release (PDF)
Relatóriu Kompletu MNL 166 (PDF)
Fundasaun Mahein
Email: mahein2009@gmail.com
Telemovel: (+670) 75771766
Website: www.fundasaunmahein.org