Situasaun Droga iha Timor-Leste no Dezafiu sira “Iha Âmbitu Implementasaun Lei N.o 2/2017 kona-bá Kombate Tráfiku no Konsumu Ilísitu ba Droga”

Loron 30 Setembru 2020

Relatóriu ida ne’e deskreve kona-bá situasaun droga iha Timor-Leste iha âmbitu implementasaun Lei N.^o 2/2017 kona-bá Kombate Tráfiku no Konsumu Ilísitu ba Droga. Timor-Leste merkadu domestika ba trafiku droga relativamente kiik. Maibe Timor-Leste iha perigu hanesan area pasajem ba nasaun viziñu sira hanesan Indonézia.

Tamba Timor-Leste iha kontestu jeográfiku ida espesífiku tebes tan hamriik nu’udar kruzamentu no hanesan rotas importante ba atividade kona-bá tráfiku ba droga, no mai tan ho mekanizmu ne’ebé seidauk natoon atu bele halo kontrolu no, tan ne’e, ohin loron Timor-Leste nakloke hela ba susar bainhira sai nafatin nu’udar fatin importante atu hala’o tránzitu ba substánsia estupefasiente no psikotrópika.

Nune’e iha tinan 2017 Timor-Leste aprova Lei N.^o 2/2017 kona-bá Kombate Tráfiku no Konsumu Ilísitu ba Droga. Maske nune’e, Lei refere sei iha falta balu ne’ebé presiza hadi’a ka atualiza.

Ho ida ne’e, saida maka presiza atualiza no mellora hodi kombate trátifku ilísitu ba droga iha Timor-Leste, haree no hanehan iha link kraik ne’e.

João Almeida

Acting Director

Email: almeidamahein@gmail.com

Telemovel: (+670) 7756 1184 ka 7710 3346

Website: www.fundasaunmahein.org