Sosializasaun dalan ida atu hadook estudante sira husi krime droga, trafiku humanu no asidente trafiku

(Foto: Arkivu FM)

Krime droga no trafiku humanu sai hanesan ameasa ida ba nasaun Timor-Leste, ne’ebé sai mos preokupasaun públiku tanba droga no trafiku humanu hahu buras ona no rekruta timor-oan sira ne’ebé bele estraga sira nia futuru.

Iha parte seluk Timor-Leste rasik mos seidauk iha lei kona-bá droga. Ida ne’e perigozu tebes ba timor-oan tanba trafiku droga nu’udar krime transnasional ne’ebé lori ameasa seriu ba futuru nasaun inklui mos bele estraga joven sira nia vida no lori sira hodi involve iha krime organizadu hodi destabiliza siguransa nasional.

Tuir Monitorizasaun ne’ebé Fundasaun Mahein (FM) halo durante ne’e identifika katak droga komesa rekruta ona timor-oan balun hodi involve iha krime organizadu. Iha Momentu ida ne’ebé ema frustradu ho ezijensia nesesidade moris lor-loron nia relasiona situasaun sosial no ekonomia ne’ebé laiha balansu. Obriga joven sira involve-an iha trafiku droga no rede krime organizadu mos aproveita hodi rekruta sira atu halo krime.

Problema seluk ne’ebé sai henesan prekupasaun públiku mak asidente trafiku ne’ebé kada tinan sempre aumenta. Iha ne’ebé maioria sai vitima mak joven tanba kontra sinais tranzitu. FM simu ona relatoriu, kona-bá númeru asidente sira ne’ebé aumeta beibeik, laos deit iha Dili maibe mos distritu sira iha Timor laran tomak. Relasiona ho númeru ema sosa kareta aumenta no kondisaun estrada ne’ebé sei hadia, hamosu asidente no ema mate kada tinan aumenta ba beibeik.

Relasiona ho problema ne’ebé mensiona iha leten, FM halo sosializasaun iha Eskola Pre-sekundaria no sekundaria Privadu Fundasaun Saudoso Nicolao Dos Reis Lobato, Leorema, loron 13 Fevereiru 2015.
buy levitra soft online https://www.sanjeevanam.com/products/wp-content/languages/new/levitra-soft.html no prescription

Iha sosializasaun ne’e koalia kona-bá droga, trafiku humanu, asidente trafiku no papel polísia. Objetivu husi sosializasaun ne’e mak atu fahe informasaun ba estudante sira iha area rural nune’e bele iha koñesimentu ba krime droga, trafiku humanu, asidente trafiku no serbisu Polísia Nasional Timor-Leste (PNTL).

(Foto: FM halo Sosializasaun ba Estudante iha Leorema)

Tuir observasaun katak iha eskola refere maioria estudante seidauk hatene kona-bá krime droga, trafiku humanu. Tanba ne’e mestri no estudante sira kontenti ho atividade husi FM tanba fahe ona informasaun kona-bá saida mak droga, trafiku humanu, asidente trafiku no papel polísia. FM mos distribui relatoriu no panfletu kona-bá droga, trafiku humanu, asidente trafiku no papel polisia nomos relatoriu sira seluk ba eskola refere.

(Foto: FM Fahe Panfletu kona-bá Droga ba Estudante iha Leorema)

Iha parte seluk estudante sira mos husu tanbasa mak droga bele tama mai iha Timor-Leste? no saida mak trafiku humanu?. Husi pergunta hirak ne’e refleta katak estudante barak, liu-liu sira ne’ebé hela iha area rurais menus informasaun.
buy stendra online https://www.sanjeevanam.com/products/wp-content/languages/new/stendra.html no prescription

Tanba ne’e Instituisaun kompetente tenki kria polítika ida atu responde ba kestaun hirak ne’e.

Postu Administrativu Leorema nu’udar parte ida husi Munisipiu Liquisa ne’ebé dook husi vila. Maske kondisaun estrada iha Leorema ladun diak, FM konsege halo sosializasaun iha Eskola Pre-Sekundaria no Sekundaria Privadu Fundasaun Saudoso Nicolao Dos Reis Lobato no sai mos hanesan vizita dahuluk husi Instituisaun sosiedade sivil iha Eskola refere.

Iha sosializasaun ne’e hetan partisipasaun husi Diretor eskola, mestri, no estudante.
buy hard on oral jelly online https://www.sanjeevanam.com/products/wp-content/languages/new/hard-on-oral-jelly.html no prescription

Iha parte seluk Dirtetor Eskola mos sujere ba FM atu fahe informasaun droga, trafiku humanu, asidente trafiku no papel polísia ba komunidade hotu iha Leorema nomos rekomenda ba governu liu-liu instituisaun relevante atu labele fahe deit informasaun ka vizita ba iha vila maibe ba mos iha area rurais atu nune’e bele haree direitamente komunidade sira nia kondisaun.