Husi Asia Foundation http://asiafoundation.org/publications/pdf/513
1. Sumáriu Ezekutivu
1.1 Kontestu Peskiza nian
Kompleksidade hosi persepsaun públiku sira polísia, krimi no siguransa nian iha Timor-Leste refleta kompleksidade hosi tranzisaun iha Timor Leste hosi independénsia to’o soberania. Hafoin liu tinan 400 hosi influénsia kolonizasaun Portugueza nian no okupasaun Indonézia nian durante tinan 24, forsa pro-Indonézia sira estraga ona pursentu 80 hosi infrastrutura nasaun ne’e nian hafoin konsultasaun populár iha loron 30 Agostu 1999 ne’ebé pursentu 78,5 hosi populasaun Timor-Leste sira vota ba independénsia maski iha intimidasaun ne’ebé boot. Kuaze funsionáriu sivíl kualifikadu sira mak halai husik hela nasaun ne’e. Iha tinan sia liuba iha asisténsia internasionál nian ho nível boot ne’ebé serví ona hodi fornese funsaun sira estadu nian ida enkuantu, iha tempu ne’ebé hanesan sira estabelese rasik estadu.
Okupasaun Indonézia nian iha efeitu ne’ebé dura ba instituisaun hot-hotu. Notavelmente,Timor-Leste hela deit ho rekursu umanu ke uituan hodi kria instituisaun sira ne’ebé forte no kredivel hodi rezolve lakuna ne’ebé boot iha siguransa umanu nian. Administrasaun tranzisionál ONU nian (UNTAET) forma ona Servisu Polísia Timor-Leste (hafoin ne’e sai fali Polísia Nasionál Timor-Leste, PNTL) ho nasionalidade Timor-Leste sira. Só deit ofisiál hamutuk pursentu sanulu hosi servisu polísia nasionál forte nain 3,000 mak iha ona esperiénsia polisiamentu nian anteriór no sira ne’e hosi serví iha servisu Polísia Indonézia nia
laran (POLRI). Ho badak, servisu polísia Timor-Leste nian estabelese hosi baze iha administrasaun tranzisionál ida nia laran ne’ebé inisialmente laiha fundasaun primeiru sira hosi estadu ida hodi apoia polísia hanesan instituisaun ida, tantu iha supervizaun no rekursu.
Iha 2006, Dili sai hanesan episentru ba krize sosiál. Tensaun permanente sira ne’ebé naruk iha polísia no forsa defeza nasionál (F-FDTL) nia laran nakfera ba battala no hamosu konfrontasaun entre viziñu sira. krize ne’e halo ema nain 37 mak mate no desloka ema besik 150,000. Iha Maiu 2006, forsa internasionál nian ida mobilizadu no operasaun sira hahú atu restaura ordem. Siguransa Rai-laran nian ikus mai hetan fiar hosi kontijénsia forte hosi Polísia Nasoen Unidas nian hamutuk 1,542 (UNPOL) no Forsa Estabilizasaun Internasionál Austrália no tropas Nova Zelandia nian ne’ebé kompostu hamutuk nain 920.
Iha tempu krize mosu, ronda foun ida hosi reforma polísia nian hahú ona. Ho administrasaun ONU (UNMIT) nian ida ne’ebé too mai, asisténsia no atensaun internasionál nian foka liu ba kestaun sira dezempeñu nian nomós tensaun sira no entre PNTL no FFDTL. Mandatu ofisiál UNMIT nian inklui restorasaun no manutensaun hosi siguransa públiku too PNTL nu’udar rekonstruídu fila fali ona. Iha Dezembru 2006 UNMIT no governu Timor-Leste asina ona Akordu Suplementar ba Polisiamentu, ne’ebé hatúr planu sira tuir mai ba rekonstituisaun no reforma ba PNTL. Konsentrasaun hosi esforsu sira UNMIT nian mak re-análize, treinamentu, no mentór ofisiál sira; no too medida ki’ik ida, haforsa instituisionál.
Durante eleisaun parliamentár no prezidensiál 2007 kontén esplosaun violénsia ne’ebé mak lokalizadu no lalais. Hafoin ne’e iha loron 11 fulan Fevereiru, 2008 iha atake ba Prezidente Jose Ramos Horta no Primeiru Ministru Xanana Gusmao ne’ebé halais governu hodi deklara estadu de sítiu ida durante fulan tolu no forma Komando Konjuntu. Governu konsidera Percepsaun Polisia-Communidade katak, PNTL no F-FDTL servisu hamutuk ho diak hodi detein rebelde restante balun hosi krize 2006 nian no halo mediasaun ba sira nia entrega aan pasífiku. Governu taka ona kampu IDP nian besik 45 no fasilita ona familia hamutuk liu 6,500 hodi fila ba sira nia uma ho tempu ne’eba relatóriu peskiza ne’e hala’o ona.
Maski iha prezensa internasionál nian, iha oho malu tamba odiu malu ho númeru ne’ebé boot hosi fulan Maiu 2006 too fulan Marsu 2007 hanesa rezultadu hosi krize 2006 nian, oho malu sira ne’e barak mak akontese ona iha Dili. Meilloramentu intermus ba siguransa halo ona iha Dili. Membru komunidade sira rezumu hodi lao halimar iha estrada iha tempu kalan no halo meiloramentu sira ba sira nia propriedade. Rezultadu hosi PNTL estabelese Task Force ida ho ofisiál polísia 100 iha fulan Deembru 2007 hodi haforsa siguransa públiku nian iha kapital nasaun ne’e nian. Hatudu aumentu ki’ik ida hosi tinan 2007, rekorde kriminilidade 2008 UNMIT nian kontén insidente hamutuk 3094: prinsipalmente asaltu, desordem públiku no disputa doméstika sira. UNMIT fiar katak tarefa krimi verdade nian deklina enkuantu reportajen krimi nian aumenta. Iha fulan sira ne’e tuir fali kriasaun ba Task Force Dili nian iha alegasaun sira konaba “uzu forsa no tratamentu ladik ne’ebé esesivu durante detensaun, buka uma sira ho illegal no hahalok abuzu”, bazeia ba relatóriu 2007/2008 UNMIT nian konaba Direitu Ema nian no Dezenvolvimentu iha Timor-Leste.
Prosesu resertifikasaun ONU nian ne’ebé mak estabelese ona hodi análize ofisiál PNTL sira besik ona atu hotu iha tinan ikus 2008. Iha fulan Novembru 2008, membru PNTL nain 234 labele servisu lai ba resertifikasaun tamba alegasaun sira konaba involvimentu iha atividade sira ne’ebé la legál.
buy cipro online https://blackmenheal.org/wp-content/languages/en/cipro.html no prescription
Maski nune’e too agora laiha membru PNTL sira mak serví ona sentensa ida ba krimi ida, maski ofisiál balun simu ona adverténsia sira ofisiál nian. Sistema justisa, rasik hanesan fatór emerjente ida estadu nian, ne’ebé limita ona kapasidade prokuradória nian hodi infrenta kazu hirak-ne’e ho sufisenti. Servisu hosi Prokuradór Jerál nian ne’ebé hala’o akumulasaun ida hosi kazu kriminalidade hamutuk 4,700 no iha deit tribunal distritu rua entre distritu haat mak funsiona lor-loron.
buy grifulvin online https://blackmenheal.org/wp-content/languages/en/grifulvin.html no prescription
PNTL kontinua nafatin halao kna’ar ho rekursu sira ne’ebe mak mínimu kontráriu ho sira nia kontrapartida UNPOL sira. PNTL laiha sistema radio ne’ebe funsiona – ofisiál sira uza fali radio rede ONU nian ka sira nia telemovél pesoál nian; menus kareta ida ba kada ofisiál PNTL nain nen; no komputador hamutuk 46 ba forsa polísia tomak hodi halo dokumentasaun ka rai fingerprints.
buy super avana online https://blackmenheal.org/wp-content/languages/en/super-avana.html no prescription
Iha kompensasaun no insentivu ne’ebe kiik liu, no ofisiál sira simu $125 ful-fulan.
Maski iha limitasaun konsideravel hirak ne’e, iha tinan 2008 PNTL halo ona ninia progresu rasik. Esforsu hodi reforma polítika interna halao ona, inklui treinamentu ba membru pesoál rasik sein asisténsia internsionál. PNTL nia Akademia Formasaun Nasionál halao ninia avaliasaun ba nesesidade treinamentu, determina hodi halibur nesesidade intelijénsia iha Dili laran nomos iha distritu sira, no halo dezeñu ba kurríkulu kursu nian. Governu mos aprova ona Rejime kareira no Rejime Salariu nian ba PNTL.
Iha tinan 2008 iha ona diskusaun ne’ebe lao nafatin entre ONU no Governu Timor-Leste konaba tranzisaun distritu-ba-distritu autoridade polísia nian hosi UNPOL ba PNTL. Tuir fali, prosesu entrega autoridade ne’e kala atu hahú iha sedu liu mak iha fulan tolu primeiru tinan 2009.
FM: Atu hetan relatorio kompletu click iha ne’e SurveyReportFinalTRANSLATEDTETUN-1.pdf