Matrix ba fulan Agostu nian
Tuir rezultadu rekapitulasaun husi departementu Outreach Fundasaun Mahein (FM) kona-bá atividade FM hetan supreza boot durante fulan Agostu nian tanba hetan tan aumenta vizitante ne’ebé boot kompara ho fulan Juñu no Jullu nian. Durante Agostu 2012 vizitantes sa’e to’o hamutuk 4.348. Ida ne’e hatudu katak kada fulan vizitantes ba portal ofisial FM sempre iha mudansa (Janeiru 2012 1.497, Febreiru 2012 hamuruk 1.853, Marsu 2012 hamutuk 2.270, Abril 2012 hamutuk 2.229 no Maiu 2012 hamutuk 2.958, Juñu hamutuk 3.395 no Jullu hamutuk 4.209).
Nune’e mos publikasaun ne’ebé FM halo durante periodu fulan Agusto mak MNL Nú 38 no MNH Nú 02 inklui blog hamutuk 13 ho asuntu oi-oin hanesan Dezempregu ho Isu Siguransa Iha Timor-Leste, HIV/AIDS: Siguransa Publiku Nian no seluk-seluk tan.
Nune’e mos FM realiza programa FM Ezkluzivu 2 mak hanesan Feto nia Hanoin Ba Seitor Defeza no Siguransa no Rekomendasaun Lider Komunitaria Kona-bá Sigransa ne’ebé publika ona iha Centru Radio Comunidade foin lalais ne’e.
Outreach FM mos reacord katak durante fulan Agusto 2012 FM hetan intervista husi jornalista nasional hamutuk dala 26 inklui ho jornalista internasional sira. FM mos hetan numeru boot konaba atividade FM ne’ebé publika iha media durante Juñu hamutuk 44, publikasaun hirak ne’e hanesan iha radio hamutuk 21, Jornal 12, online 8 inklui TV 2. Publikasaun ne’e la sura ho fulan Juñu ho Jullu nian. Nomos, FM liu husi Diretur Ezekutivu Nelson Belo hetan konvida espesial husi TVTL hodi halo diskusaun ho Vise Komandante Jeral F-FDTL Brigadeiru Jeneral Filomeno Paixão ho asuntu “Dezenvolvimentu F-FDTL”.
FM mos hakarak sita katak portal ofisial Fundasaun Mahein ne’e kada lor-loron hetan vizita husi nasaun sira iha mundu tomak ho kuantidade maka’as mak hanesan: Indonezia, Amerika, Jerman, Australia, Japaun, Britania, New Zeland, Xina, Portugal, Hongkong, Korea du Sul, Singapura, Filipina, Canada, Tailandia inklui nasaun Europia sira.
Antes FM haninin kona-bá matriks ba atividade FM ne’ebé Outreach grava hakarak agradese ba vizitantes sira hotu iha mundu tomak ne’ebé mak vizita ona portal FM. Iha biban ne’e FM hakarak fo apresiasaun no agradese ba vizitantes sira nia apoiu ne’ebé bele motiva FM hodi halo kontinuasaun FM nia servisu ba dezenvolvimentu seitor defeza no siguransa ho independente, transparansia no demkokratiku iha nasaun iha rai lafaek ida ne’e.
