FM Media Record fulan Maiu
Iha fulan Maiu serbisu Fundasaun Mahein hetan progresu barak iha ne’ebé hare husi públikasaun relatoriu no vizita ba distritu sira. Iha fulan Maiu FM hetan supreza tanba grafika FM sae kompara ho fulan Abril, total vizitor ne’ebé maka vizita portal FM iha fulan Maiu sae to’o 3.606 kumpara ho fulan abril vizitante iha deit 3569; signifika loron ba loron visitor sira antusia tebes akompanya informasaun sira ne’ebe maka FM oferese ba publiku.
Estatistikamente iha fulan Maiu Fundasaun Mahein grava ema ne’ebé maka download relatoriu FM husi Mahein nia Lian no Mahein nia Hanoin hamutuk iha 112 kompara ho fulan Abril ema ne’ebe maka halo download iha deit 78; husi total relatoriu ne’ebé maka vizitor sira download barak liu maka Mahein Nia Lian nu. 49 kona-bá Paraderu Kilat Ne’ebé Lakon La Klaru no Polimika Kilat Iha Timor-Leste, MNL nu. 53 Serbisu Militar Obrigatoriu Iha Timor-Leste, MNL nu. 51 Ameasa Ohin Loron ba Jerasaun Foun; Prespetiva Ambiental Implika ba Siguransa Nasional, MNL nu. 50 kona-ba Instituisaun Diferente Serbisu ba Asuntu Hanesan Entre DNPKK, DHPKS no Departamentu Polisia Komunitaria; MNL 47 kona-bá Fortifika Prevesaun Krime ka Kombate Krime, no MNL nú 48 kona-bá Disputa Rohan Laek : Husi Prespetiva Siguransa; no Mahein Nia Hanoin nu. 03 kona-bá Jestaun Frontera no Kontrolo Migratoriu. Sorin seluk vizitor sira ne’ebé maka download dokumentu ofisial ne’ebé FM iha maka hanesan Lei Organika Defeza Nian, Lei Serbisu Militar, Regulamentu Displinar Nian, Termu Referensia, Lei Organika PNTL, Leis Promosaun PNTL, Strategi Plan, Regulamentu Militar, Konstituisaun, Orsamentu Defeza, Rekomendasaun ONG, Rejimi Promosaun, Lei Salarial F-FDTL, Sertidaun Dividas FM, no Lei Salarial PNTL.
Durante fulan Maiu Fundasaun Mahein halo públikasaun relatoriu hamutuk 3 kona ba Serbisu Militar Obrigatoriu iha Timor-Leste, Impaktu Estrada A’at ba Siguransa Publiku, Ameasa Ohin Loron Ba Jerasaun Foun; Prespetiva Ambiental Implika ba Siguransa Nasional.
Nune’e mos iha fulan Maiu FM hetan vizitante mai husi nasaun iha mundu maka hanesan Indonezia, Estadus Unidus Amerika, Inglatera, Australia, Portugal, Singapura, Japaun Korea do Sul, Hongkong, Brazilia, Filipina, Nova Zelandia, Romania, Kanada, Tailnadia, Alemaña, Xina, Italia, Norwegia, Macau, Vietnam, Rusia, Franca, Uganda, Holanda, Afganistaun, Spanha, Sudaun Swisia, Lithunia, Srilanka, Cabo Verde, Austria, Bosnia, Kambodia, Kroasia, Samoa, Ghana, Jordaun, Afrika do Sul, Denmark, Irak, Ukraina, Israel, Malazia, Ivori Kost, Kazakistan, India, Kolombia, Kenya, Chlie, Mauritania, Uni Arabia, Luxemburg, Banladesa, Irlandia, Belgia no Pakistaun.
Sorin seluk vizitante ne’ebé maka vizita funpage FM lor-loron durante fulan Maiu estatistikamente aumeta makás; ema ne’ebé maka konsume informasaun husi funpage hamutuk iha iha 22.031, no ema ne’ebé fo komentariu ba FM nia publikasaun hamutuk iha 474. Nune’e mos FM iha fulan Maiu halo mos programa radio entrevista ekslusivu iha Radio Liberdade ho topiku Serbisu Militar Obrigatoriu iha Timor-Leste, ho orador Adjunto Diretur Fundasaun Mahein.
Fundasaun Mahein nia Media record durante fulan Maiu hatudu media kontinua halo kobertura ba FM nia atividades. Iha fulan Maiu media ne’ebé halo kobertura no publikasaun maka Diariu Nasional, Timor Post, Radio Timor-Leste (RTL), Jornal Independente, STL TV no TVTL; parte seluk publikasaun atividades iha media hamutuk dala 13, entrevista ho Diretur no Adjuntu Diretur dala 3.
Ikus lius Fundasaun Mahein hakarak fo agradese ba vizitantes sira hotu iha rai laran nomos iha mundu tomak ne’ebé maka fo tempu hodi vizita FM nia portal no funpage; FM espera ho publikasaun relatoriu inklui informasaun tomak ne’ebe kabe ba asuntu defeza no siguransa bele fo kontribuisaun hodi dezenvolve instituisaun defesa no siguransa.
