FM Media Record fulan Abril 2013
Serbisu Fundasaun Mahein durante fulan Abril kobre atividade hotu ne’ebé maka FM halo tuir planu serbisu. Husi atividade tomak ne’ebé FM halao durante fulan ne’e hatudu liu husi estatistika ne’ebé FM grava; iha fulan Abril matrix outreach hatudu vizitante hamutuk 3569 vizitor. Husi total númeru ne’ebé iha vizitor sira kontinua konsume informasaun hotu ne’ebé maka FM produs liu husi relatoriu no blog sira ne’ebé maka FM publika liu husi portal FM no funpage.
Aleinde vizitor vizita no konsumu informasaun hotu ne’ebé FM publika, vizitor sira mos download ba relatoriu no dokumentu ofisal ne’ebé maka FM arkiva iha FM nia portal; husi dadus ne’ebé FM grava loron-loron ema ne’ebé download ba FM nia relatoriu inklui dokumentu ofisial sira hamutuk iha 78; entre dokumentu sira ne’ebé vizitor sira download barak liu maka relatoriu Mahein Nia Lian (MNL) númeru 21 kona-ba Dezenvolvimentu Polisia Nasional Timor-Leste. MNL nú. 48 kona-ba Disputa Rai Rohan Laek; Husi Perspetiva Siguransa; MNL nú 49 kona-ba Paraderu Kilat ne’ebe Lakon La Klaru no Polimika Kilat iha Timor-Leste, no MNL nú 50 kona-ba Instituisaun Diferente ne’ebé serbisu ba asuntu ne’ebé hanesan; Entre DNPKK, DHPKS no Departamentu Polisia Komunitaria, inklui Mahein Nia Hanoin (MHN) númeru 03 Jestaun Fronteira no Kontrolu Migratoriu; Nune’e mos dokumentu ofisial sira ne’ebé vizitor download iha fulan Abril maka Lei Organika PNTL, Lei Organika Ministeriu Defeza, Paper Atuasaun PNTL, Instituisaun Polisia Komunitaria, IV Governu Konstitusional, Veteran iha 2006, Lei Territorial Timor-Leste, Lei Konselho Superior Defeza, estatuto F-FDTL, Tanis ba Justisa, Regulamentu Militar, Estatuto Militar, Promosaun PNTL, Paper UNPOL, Siguransa Nasional, Dekretu Lei, Lei Militar, Lei Salarial F-FDTL, Lei Intelejensia, Lei Salarial PNTL, no Lei Militar.
Parte seluk publikasaun relatoriu FM iha fulan Abril hamutuk dala 5 no halo mos Konferensia da Inprenza dala rua. Husi relatoriu ne’ebé publika maka hanesan MNL nu. 47 kona-bá Fortifika Prevensaun Krime ka Kombate Krime, MNL nú. 48 Disputa Rai Rohan Laek: Husi Prespetiva Siguransa; MNL nú. 49 ba Paraderu Kilat ne’ebé Lakon La Klaru no Polimika Kilat iha Timor-Leste no MNL nu. 50 Instituisaun Diferente ne’ebé serbisu ba asuntu ne’ebé hanesan; Entre DNPKK, DHPKS no Departamentu Polisia Komunitaria; inklui blog Adezaun ba ASEAN fo benefisiu boot ba seitor siguransa Timor-Leste.
Fundasaun Mahein nia media record fulan Abril hatudu antusiasmu media sira hodi halo kobertura ba FM nia atividade sira ass tebes kompara ho fulan sira seluk; iha fulan Abril media sira ne’ebe halo kobertura maka hanesan Diariu Nasional, Timor Post, Radio Timor-Leste (RTL), Jornal Independente, Tempo Semanal, Media Thailand, STL TV, no STL Jornal; parte seluk publikasaun atividades iha media hamutuk dala 18, entrevista ho Diretur no Adjuntu Diretur 9; husi publikasaun FM nian durante ne’e publiku fo sira nia apresiasaun no mos resposta ba relatoriu sira hamutuk dala rua no sai debate publiku.
Durante fulan Abril mos portal FM hetan vizita mai husi rai laran no mos rai liur; vizitante barak liu mai husi nasaun Indonezia, Estadus Unidus Amerika, Inglatera, inklui Australia no Portugal; tuir fali nasaun sira hanesan Brazil, Singapura, Korea do Sul, Nova Zelandia, Thailandia, Japaun, Hongkong, Filipinu Latvia, Israel, Alemaña, India, Romania, Xina, Kanada, Guatemala, Italia, Turkia, Holanda, Fransa, Norwegia, Vietnam, Spanha, Uganda, Gresia, Switlandia, Sudaun Luxemburg, Ukraina, Makau, Maalsia, Kuait, Hongaria, Polandia, Rusia, Libanon, Gerjia, Kroasia, Denmark, Swedia, Austria, Mozambique, Papua Nova Guine, Arabia Saudita, Irlanda Uniaun Arabia, Angola, Afganistaun, Maroko, Lithunia, Serbia, Ejiptu, Bosnia Herzegofina, Iraun Algeria, Argentina, Mianmar, Mexico, Jamaica, Nijeria, Belarus, Senegal, Taiwan, Pakistaun, Srilanka, Madagaskar, Afrika do Sul no nasaun sira seluk.
Iha sikun seluk visitor funpage ba fulan Abril estatistikamentu hatudu volume ass tebes kompara ho fulan sira kotuk. Vizitante ne’ebé konsume informasaun ne’ebé maka FM publika iha funpage hamutuk 20.002, inklui apresiasaun, komentariu no kritiku sira hamutuk 1080.
Nune’e mos iha fulan Abril Fundasaun Mahein halao mos radio program dala ida ho nia topiku problema rai iha Timor-Leste, ne’ebé Parlamentu Nasional no Ministeriu Justisa maka fo sira nia hanoin sobre leis no serbisu Governu atu atende problema rai iha Timor-Leste.
Antes atu haninin Fundasaun Mahein la haluha agradese nafatin vizitor sira iha rai laran inklui mundu, ne’ebé soe tempu hodi vizita FM nia portal; ita boot sira nia hanoin apresiasaun no sujestaun ami hein hodi hadia diak liu tan serbisu FM iha futuru.
