Matrix Outreach Fulan Juñu 2014

Matrix Outreach Fulan Juñu 2014 post thumbnail image
Matrix Outreach fulan Junu 2014

Matrix Outreach fulan Junu 2014

Matrix Outreach Fundasaun Mahein iha fulan Juñu statikamente hatudu total vizitante hamutuk 6.754. Volume husi vizitante amenta tanba vizitor ne’ebé vizita no konsumu Informasaun iha intensaun atu akompana no vizita nafatin portal FM.

Total relatoriu fulan Maiu ne’ebé download husi vizitor hamutuk 56, kompostu husi Mahein Nia Lian no Mahein Nia Hanoin. Relatoriu ne’ebé download husi vizitor sira maka hanesan Mahein Nia Lian Nú 79 kona-ba Fabrika Semente iha Caisido: Oportunidade no Ameasa, Mahein Nia Lian Nú 78 kona-ba Polítika Investigasaun Kilat Iha Timor-Leste, Mahein Nia Lian Nú 81 kona-ba Alegasaun Korupsaun no Abuzu Puder iha Instituisaun Siguransa, Mahein Nia Lian Nú 76 Kresementu Traballador Estranjeiru iha Timor-Leste Ne’ebé la Regulariza, Mahein Nia Lian Nú 77 kona-ba Asidenti Trafiku no Nia Kauza, Mahein Nia Lian Nú 71 kona-ba Komprementu Disiplinar Dezafiu ba Instituisaun PNTL-F-FDTL, Mahein Nia Lian Nú 80 kona-ba Operasaun Habelun: Reintegra ka Ameasa?, Mahein Nia Lian Nú 48 kona-ba Disputa Rai Rohan Laek, mahein Nia Lian Nú 57 kona-ba Suai Supplay Base, Mahein Nia Lian Nú 39 kona-ba Programa V governu konstitusional nian 2012-2017 stabilidade no seitor defeza no siguransa, Mahein Nia Lian Nú 66 kona-ba Timor-Leste sei Sosa Kilat Barak tan?, Mahein Nia Lian Nú 70 kona-ba sasidik sira iha ezNota importaekusaun lei no orden iha abitu atuasaun PNTL, Mahein Nia Lian Nú 62 kona-ba Prespetiva Sosiedade Sivil Kona-bá Proposta Orsamentu Jeral Estadu (OJE) 2014 ba Ministériu Defeza no Siguransa, Mahein Nia Lian Nú 24 kona-ba Operasaun paniku ka operasaun siguransa?, Mahein Nia Lian Nú 73 kona-ba Dalan Ne’ebé los no Seguru atu Hato Keixa no Mahein Nia Hanoin Nú 06 kona-ba Nota Importante iha Ezekusaun OJE 2014 ba Seitor Defeza no Siguransa (Prespetiva Sosiedade Sivil) nomos Mahein Nia Hanoin Nú 03kona-ba Jestaun fronteira no kontrolu migratoriu.

Relatoriu Ne’ebé públika husi FM iha fulan Juñu hamutuk tolu (3) maka hanesan Fabrika Semente iha Caisido Distritu Baucau: Oportunidade no Ameasa, Operasaun Habelun: Reintegra ka Ameasa? no Alegasaun Korupsaun no Abuzu Puder iha Seitor Siguransa inklui mos Blog 3 maka henesan Disiplina Iha Sistema Siguransa, Aktu Oknum PNTL Dezafia Profesionalizmu Instituisaun no FM Outreach 2014.

Iha parte seluk Record ba fulan Maiu total entrevista no públikasaun hamutuk 18 husi media nasional entrevista dala 7, públikasaun dala 11, no media ne’ebé ba halo kobertura ba FM nia atividade maka hanesan media nasional Timor Post, Jornal Independente, Radio Timor-Leste (RTL), Radio Timor Kmanak (RTK), Jornal Diariu Nasional, Televisaun Timor-Leste (TVTL), Media online Timor-Leste Channel Media online no cetak Timoroman, Facebook, STL News, STL TV, jornal Tempo Semanal no Media Colegio São Miguel.

Nune’e mos vizitor funpage fulan Juñu statiskamente hatudu aas tebes iha ne’ebé hatudu loron-loron vizitante entuasmu maka’as hodi vizita, le’e no fo komentariu. Iha fulan Juñu vizitante hamutuk 2, 369 no ema sira ne’ebé fo komentariu hamutuk 16.

Aliende ne’e iha fulan Juñu Fundasaun Mahein mos hala’o sosializasaun no sorumutu komunitaria ho lider komunitaria sira iha Distritu sira hanesan Distritu Manatutu no Distritu Baucau, Sub-Distritu Baguia hodi halo Sosializasaun ho estudante sira kona-bá Impaktu Droga, Asidente Trafiku, no Papel Polisia Nasional Timor-Leste; FM mos realiza seminar iha iha Dili Institute of Technology no Universidade Oriental kona-ba Ameasa Tematiku. no sorumutu ho Xefi Departamentu Relasaun Internasional UNTL; no parte seluk FM mos halo distribuisaun relatoriu ne’ebé durante ne’e FM produs hodi fahe ba iha komunidade no mestre sira.

Iha fulan Juñu nia laran FM mos halao programa radio ekslusivu ho topiku intersante sira hodi publika iha Radio Timor-Leste (RTL); topiku sira ne’e mak entrevista esklusivu kona-bá Membru Polisia Atake Komunidade Iha Baucau, Polisia Tranzito halo Inspesaun ba Kareta Estado, Falsifikasaun Dokumentus Ema Estranjeiru husi Indonesia, Fundasaun Mahein halo audensia ho Comisaun B Parlamentu Nasional, Kaju Droga iha Timor Leste ; FM mos halo públikasau kona-bá programa pakote Fundasaun Mahein Ekslusivu iha Radio Timor Kmanek ne’ebé ko’alia kona-bá Papel Polisia Tranzitu no Traballador Estranzeiru.

Sorin seluk nasaun ne’ebé durante ne’e vizita ba portal FM maka hanesan Gread Britain, USA, Portugal, TL, Indonezia, Vietnam, Rusia, Koreia do Sul, Filipina, Hong Kong, Japaun no Australia, inklui nasaun seluk iha mundu.

Ikus liu Fundasaun Mahein agradese tebes ba visitor sira tomak husi rai laran nomos rai liur hodi asesu ba informasaun tomak maka FM publika; Ita boot sira nia kritika no sujestaun ami hein nafatin hodi hadia diak liu tan FM nia serbisu.

Leave a Reply

Your email address will not be published.

Related Post