Foto Link: httpswww.airteamimages.comeurocopter-uh-72-lakota_07-72016_usa—us-army_143445.html
Dadauk ne’e, Ministeriu Defeza (MoD) anunsia katak iha ona planu atu sosa helikoptru foun tolu (3) ba Forsa Defeza Timor-Leste (F-FDTL). Hodi sosa helikoptru foun sira ne’e sei reprezenta pasu seluk ba iha kriasaun husi komponente aéreu F-FDTL nian..hanesan kapasidade hodi sosa ba defeza lolos, tantu hare’e husi kustu no benefísiu sira ne’ebé presiza tetu iha ne’ebé Fundasaun Mahein (FM) haree hodi hasai iha ne’e.
In termus kona-bá kustu, Primeru, prosesu lolos atu sosa helikoptru ne’e. Mezmu, ministeriu defeza (MoD) seidauk identifika modelu lolos atu sosa. Estandarte utiliza helikoptru Estadus Unidos (US) ba komponente aéreu hanesan UH-72 Lakota ne’ebé halo espesifikasaun ba sivil duke militar ne’ebé ho presu kuaze $.7,8 milaun katak helikoptru tolu (3) ne’e sei kona folin to’o $.25 milaun. Sosa helikoptru ho espesifikasaun ne’e sei hasa’e kustu sosa nian ho signifikante. Segundu, iha mos presu kona-bá manutensaun no mina iha ne’ebé F-FDTL sei selu kontinuasaun durante uza helikoptru hirak ne’e. Terseiru, F-FDTL mos dezenvolve infrastrutura, inklui portu, aviaun-fatin no fasilidade ba manutensaun. Ikus liu, iha mos fundus ba treinamentu ba pilotu Timoroan iha rai-liur. Prosesu ida ne’ebé FM komprende la’o ona.
Enkuantu kustu bot tebes, nomos potensia ba benefísiu sira. Fasilidade aéreu permite governu atu hala’o servisu balun ne’ebé dadauk ne’e iha difikuldade implementasaun ne’ebé la depende ba nasaun estranjeiru sira, hirak ne’e inklui:
• Vijilánsia no Resposta: Helikoptru sira fó abilidade kritiku hodi hetan informasaun vizual kona-bá asuntu seguransa tantu iha tasi no rai. Seguransa fronteira no maritima sempre presija konfirmasaun vizual no atividade sira ne’ebé deskonfia husi aéreu. Alende ne’e, fasilidade aéreu sei permite F-FDTL no autór relevante seguransa sira hodi responde ho lalais ba krizi internal sira, liuliu liu husi rai ne’ebé difikulta tebes.
• Asistensia Lojistika: Pesóal transporte aéreu nian, ekipamentu no fornesimentu sira sei iha benefísiu ba operasaun F-FDTL iha area foho sira ho transporte infrastrutura ne’ebé kiak.
• Ekipa Buka Tuir no Salva-SAR: Operasaun ekipa SAR ne’e ba ema ne’ebé lakon iha tasi no iha foho sira, ka vitima husi rai monu, be’e sae no dezastre naturais seluk ne’ebé sempre depende no uza helikoptru sira.
• Evakusaun Mediku-MEDEVAC: Helikoptru sira ne’e bele fornese servisu mediku ho lalais ba sidadaun Timoroan no estranjeiru sira, no sai vantajen bot ba Ministeriu Saude, importante katak dadauk ne’e fasilidade aéreu iha kualidade kiak no persiza manutensaun beibeik.
• Viajen VIP: Lider Timoroan sira sempre presija transporte aéreu ho razaun sira atu responde ba konflitu sira interna ka evita mosu konflitu.
• Eleisaun: Prosesu transporta kabina de votus sira ba area difisil sira hodi to’o, ne’ebé dadauk ne’e pendenti hela ba transporte sira hanesan kuda sira ne’ebé sei hetan benefísiu husi fasilidade aéreu F-FDTL nian.
Hanesan iha izemplu sira ne’e, helikoptru fornese benefísiu balun, la’os deit pesóal seguransa nasional, maibe responde mos ba dezastre, saude no governasaun nian. tamba ne’e sosa helikoptru sira ne’e posibilidade bele karik F-FDTL hili modelu lolos ba nesesidade nasaun nian no dezenvolve polítika lolos kona-bá sosa, operasaun no apoiu.
Fó hanoin servisu balun ne’ebé presiza ekipamentu aéreu tenki ezekuta, FM rekomenda atu F-FDTL konsidera sosa helikoptru nato’on sira ne’e, tuir komparasaun kritiku kona-bá preparasaun modelu, serve, bele lara-metin inklui sustenta kustu sira. Helikoptru hirak ne’e intensaun uza ba sivil no militar no bele servi ba funsionamentu oiohin inklui alista ona iha ne’e. Alende ne’e, sira ne’e bele sosa no sustentabel. Sosa helikoptru hirak ne’e halo ba espesifikasaun sivil sira duke militar no sei ho kuidadu. Ida ne’e sei hamenus folin ba kustu no sosa nomos permite F-FDTL atu dezenvolve kapasidade ba operasaun helikoptru nato’on hirak ne’e. Presiza kapasidade ne’ebé diak liu sei komplikadu ba sira nia introdusaun ba servisu no kontinuasaun operasaun sira, hanesan mos buat ne’ebé la nesesariu ba papel sira ne’ebé sira bele persiza.
Produsaun helikoptru Lakota US-UH-72 ne’ebé mensiona antes ne’e hanesan izemplu diak husi helikoptru militar nato’on ne’ebé halo ba espesifikasaun sivil, maibe bele ezekuta ba servisu seguransa nasional nian, atendementu ba dezasters sira, MEDEVAC, SAR no asistensia lojistika. Ida ne’e izemplu deit, tamba iha helikoptru barak mak kapasidade hanesan pronto ona iha merkadu negosiu. Hanesan nasaun kiik, Timor-Leste la presija ekipamentu aéreu ho espesifiku maibe helikoptru ohi-ohin ne’ebé bele prenxe papel importante sira. Hodi konsidera folin hodi sosa ho kuidadu, Ministru defeza (MoD) bele masimiza benefísiu sira ba nasaun no nia ema sira.
Tamba ne’e FM rekomenda:
1. Ministeriu Defeza no F-FDTL ho klaru artikula proporsional hodi bele hetan helikoptru sira ba F-FDTL, servisu saida mak sei presija husi sira no karik sosa ne’e mos ho hanoin atu fó apoiu ba F-FDTL ba forsa sivil.
2. Governu, liuliu ministru deveza dezenvolve politíka hodi sustenta no kordena ba kapasidade foun ida ne’e.
3. Governu dezenvolve fasilidade nesesariu sira ba manutensaun no operasaun sira.
4. F-FDTL dezenvolve no mantein rekursu umanu nesesariu hodi garante ba kapasidade helikoptru hodi nafatin diak.
