FM Outreach Fulan Abril
Matrix Outreach Fundasaun Mahein iha fulan Abril statistikamentu hatudu vizitante ne’ebé akompaña, vizita no konsume informasaun ne’ebé maka FM produs hamutuk iha vizitante 7234. Maski iha redusan volume numeru vizitante maibe entusiasmu visitor sira kontinua mantein hodi vizita portal FM loron-loron.
Iha fulan Abril vizitor sira download relatoriu ne’ebé FM produz hamutuk 89, relatoriu sira ne’e kompostu husi Mahein Nia Lian no Mahein Nia Hanoin. Maioria vizitor sira download relatoriu Mahein Nia Lian Nú 74 kona-bá Ameasa Droga Dezafiu ba Institusaun Siguransa atu Kombate, Mahein Nia Hanoin Nú 06 kana-ba Nota Importante iha Ezekusaun OJE 2014 ba Seitor Defeza no Siguransa (Prespetiva Sosiedade Sivil), Mahein Nia Lian Nú 60 koan-ba Forma Foun Krime Organizadu, Mahein Nia Lian Nú 33 kona-ba Serbisu Polisia Tranzitu no Siguransa Rodoviaria, Mahein Nia Lian Nú 14 kona-ba Operasaun Krime Organizadu, Mahein Nia Lian Nú 18 kona-ba Mehi no Realidadeba Dezenvolvimentu no Profesionalizmu F-FDTL, Mahein Nia Lian Nú 25 kona-ba PNTL nia Kilat atu fo Seguru ka Tauk?, Mahein Nia Lian Nú 03 kona-ba Jestaun Fronteira no Kontrolu Migratoriu, Mahein Nia Lian Nú 69 kona-ba Peska Ilegal:Ameasa no Obstaklu Instituisaun Siguransa, Mahein Nia Lian Nú 20 kana-ba PNTL nia Profesionalizmu sukat iha Atuasaun, Mahein Nia Lian Nú 49 kona-ba Polemika Kilat Lakon, Mahein Nia Lian Nú 58 kana-ba Projeitu Suai Suplly Base:Dezenvolvimentu ka ameasa?, Mahein nia Lian Nú 48 kona-ba Disputa Rai Rohan Laek husi Prespetiva Siguransa, Mahein Nia Lian Nú 75 kona-ba Kualidade Atendementu Bomberus Timor-Leste, Mahein Nia Lian Nú 76 kona-ba Kresimentu Traballador Estranzeiru, Mahein Nia Lian Nú 15 kona-ba Rekrutamentu ba PNTL Dalan Naruk ba Profesionalizmu, Mahein Nia Lian Nú 13 kona-ba Knar Falintil-Forsa Defeza Timor-Leste (F-FDTL) iha Faze Ukun Rasisk aan husi 2002-2010, Mahein Nia Lian Nú 17 kona-ba Veteranus sira iha Timor-Leste Desde Krize Tinan 2006 nian, Mahein Nia Lian Nú 05 kona-ba Politik Keamanan Negara dalam Reformasi, Mahein Nia Lian Nú 04 kona-ba Politik Keamanan Nasional Timor-Leste no Mahein Nia Lian Nú 03 kona-ba Sebuah Tinjauan Keamanan.
Parte seluk publikasaun relatoriu iha fulan Abril hamutuk tolu mak Ameasa Droga Dezafiu ba Instituisaun Siguransa atu Kombate, Dalan Ne’ebé Seguru no Los hodi hato’o Keixa no Oinsa Serbisu Intelijensia iha Timor-Leste; inklui blog ne’ebé FM produs hamutuk hat maka Oinsa Siguransa Kilat iha Timor-Leste, To’o iha Ne’ebe Operasaun PNTL Buka Tuir Prizioneiru Fujitivu?, no Fraud in Timor-Leste.
Media Record ba fulan Abril total entrevista no publikasaun hamutuk 34 husi media nasional entrevista dala 11, publikasaun dala 23, no media ne’ebé ba hala’o kobertura ba FM nia atividades maka hanesan media nasional Timor Post, Jornal Independente, Radio Timor-Leste (RTL), Jornal Diariu Nasional, Televisaun Timor-Leste (TVTL), Media online Timor-Leste Channel Media online no cetak Timoroman, Facebook, STL News, STL TV, jornal Tempo Semanal no Media Colegio São Miguel.
Nune’e mos vizitor funpage fulan Abril statiskamente hatudu aas tebes iha ne’ebé hatudu loron-loron vizitante entuasmu maka’as hodi vizita, le’e no fo komentariu. Iha fulan Abril vizitante hamutuk 2, 275 no ema sira ne’ebé fo komentariu hamutuk 4.
Aliende ne’e iha fulan Abril Fundasaun Mahein mos hala’o atividade ba iha distritu sira hodi halo atividade sosializasaun no mos sorumutu komunitaria ho lider komunitaria sira iha distritu sira hanesan Distritu Covalima no no distritu Same; atividades ne’e halao iha eskola Sekundariu Hola Rua no Estudante Universitariu UNPAZ; ho topiku sira mak hanesan Impaktu Droga, Asidente Trafiku, no Papel Polisia Nasional Timor-Leste; no parte seluk FM mos halo distribuisaun relatoriu ne’ebé durante ne’e FM produs hodi fahe ba iha komunidade no mestre sira.
Iha fulan Abril nia laran FM mos halao programa radio ekslusivu ho topiku intersante sira hodi publika iha Radio Timor-Leste (RTL); topiku sira ne’e mak entrevista esklusivu kona-bá relatoriu Mahein Nia Hanoin, Komunidade Aileu no Liquisa halo keixa ba Fundasaun Mahein, Up-date keixa ne’ebé hatoó husi Komunidade Aileu-Liquisa, inklui Sosiedade Sivil halo konferensia Konjunta kona ba Kriasaun lei Anti Korupsaun.
Sorin seluk nasaun ne’ebé durante ne’e vizita ba portal FM maka hanesan Gread Britain, USA, Portugal, TL, Indonezia, Vietnam, Rusia, Koreia do Sul, Filipina, Hong Kong, Japaun no Australia, inklui nasaun seluk iha mundu.
Ikus liu Fundasaun Mahein agradese tebes ba visitor sira tomak husi rai laran nomos rai liur hodi asesu ba informasaun tomak maka FM publika; Ita boot sira nia kritika no sujestaun ami hein nafatin hodi hadia diak liu tan FM nia serbisu.
