Droga Ameasa Seriu ba Timor-Leste?

Droga Ameasa Seriu ba Timor-Leste? post thumbnail image
(Foto: Internet)

(Foto: Internet)

Fundasaun Mahein (FM), 14 Maiu 2015

Komunikadu Imprensa

Liu husi Mahein Nia Lian Nú 100 (Relatoriu kompletu versaun tetun,pdf) (English Version.pdf) halo analiza kona-bá Krime droga sai hanesan ameasa ida ba nasaun Timor-Leste, ne’ebé sai mos preokupasaun públiku tanba droga hahu buras ona no rekruta timor-oan sira ne’ebé bele estraga estabilidade nasaun ida ne’e nian.

Dadus hatudu iha kazu droga lubun ne’ebé autoridade siguransa sira detekta no kaptura. Husi tinan 2011 to’o Marsu 2015 konsege rejista ema ho kazu droga hamutuk 40. Prosesa ona kazu hamutuk 22 ho dezisaun Tribunal hodi submete iha prizaun preventiva, balu prizaun definitiva no sansaun. Kazu hirak ne’e involve ema estranjeiru no Timor-oan sira ho karakteristika konsumu, fa’an no distribui iha rai laran no rai viziñu. To’o konkluzaun seluk katak Timor-Leste hanesan fatin transit ba droga.

Fundasaun Mahein (FM) nia monitorizasaun hare katak transportasaun droga liu husi aero-portu, tasi no rai ketan, husi autor rede krime organizadu sira. Nune’e mos forma sira ikus ne’e utiliza ajensia balu ne’ebé haruka no simu sasan husi no ba rai liur no mos kunsume iha rai laran. Iha ne’ebé involve maka’as ona sidadaun nasional sira.

Trafiku droga rejista husi membru sindikatu internasional hodi trasfere ba rede organizadu sira ne’ebé estabelese iha nasaun ne’ebé potensial ona ba merkadu droga. Ezemplu Kazu ne’ebé deskobre rede krime organizadu mobiliza husi Afrika atraves Singapura mai iha Timor-Leste hafoin transfere ka distribui ba Indonezia, nune’e mos konsumu iha rai laran.

FM nia analiza ida ne’e nu’udar frakeza fundamental ida husi atuasaun autor seguransa nian. Autor sira husi krime organizadu hare katak situasaun siguransa Timor-Leste sei frajil ho limitasaun hirak ne’ebé husi instituisaun siguransa nian. Portantu odamatan tama-sai nian hanesan aero portu, portu no fronteira terestre nian menus rekursu ekipamentu atu detekta no menus rekursu ema sira iha kuiñesementu ba forma krime organizadu nian.

Maneira ne’ebé drogadu sira uza atu konsumu droga maka hanesan sona ba nia-an rasik no sona tutan ba ema seluk inklui maneira seluk maka hemu, horon, fuma no mos balun tau ba nanal okos ho meius oin-oin tan.

Rezultadu monitorizasaun FM nian katak ema Timor oan hamutuk 64 maka deteta konsumu droga. Kompostu husi mane 57 no feto nain 7, ne’ebé durante identifika konsumu droga. Maske estatistika kazu ne’e hatudu ho kuantidade sei kiik. Buat ida ne’ebé presiza hatene maka droga la’os deit involve ema sira ne’ebé hetan ona kapturasaun husi autoridade siguransa ho kazu sira ne’ebé hatudu ona. Droga involve maka’as joven Timor oan ne’ebé ho idade produtivu.

FM nia alerta ba sosiedade tomak katak Timor-oan barak maka estuda hela iha universidade sira Indonezia nian ho númeru ne’ebé deskontroladu. Iha ne’ebé dala balu sira involve iha krime tantu oho malu no atividade kontra-bandu sira hanesan fa’an motor ilegal no hatama mai iha Timor-Leste liu husi dalan ilegal. FM nia preokupasaun ba estudante sira bele hetan influensia no rekruta husi rede krime organizadu hodi involve iha trafiku droga. FM nia tauk, Indonezia ho nia lei forte hodi aplika pena de-morte ba trafiku droga. Hanesan públika husi media Internasional sira katak to’o fulan Abril tinan 2015, ema na’in sanolu resin ona maka kumpri ona pena de-morte. Maioria husi sidadaun estranjeiru no Indonezia rasik.

Rekomendasaun

1. Rekomenda ba Governu no Parlamentu Nasional aselera diskusaun ba esbosu lei kona-bá trafiku droga no konsumu ilisitiu droga nian.

2. Rekomenda ba Governu haforsa kontrolu integradu iha rai ketan Timor-Leste nian, aero portu no portu ho rekurusu ne’ebé naton hodi detekta forma krime trafiku droga nian ba movimentu sira ne’ebé tama-sai iha rai laran.

3. Rekomenda ba Governu haforsa serbisu informasaun siguransa nian no investigasaun ba trafiku droga nian hodi deskobre forma hirak ne’ebé kompleksu no utilizasaun teknolojia modern.

4. Rekomenda ba Governu presiza kria komisaun nasional ida ba prevensaun no sai hanesan kampañia nasional ida hodi konsientiza komunidade sira kona-bá risku husi droga inklui sentru rehabilitasaun ba ema ne’ebé konsumu ona droga.

Atu hatene kle’an liu kona-bá asuntu ne’e bele kontaktu:
Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefone (+670) 7737-4222 ka (+670) 78316075

Are Drugs a Serious Threat to Timor-Leste?
Fundasaun Mahein (FM), 14 May 2015

Press Release

The threat posed by drugs to Timor-Leste has recently become a major public concern, as fears have mounted that drug use would become more widespread and threaten society and the stability of the country.

Available data shows case of drugs have been detected and captured by the authorities. From 2011 to March 2015, there have been 40 registered drug cases, with 22 cases ending in a prison sentence for the offender, with the remainder either being found not-guilty or receiving civil penalties. These cases involved both Timorese as well as foreigners consuming, selling, and distributing drugs across Timor-Leste as well as trafficking to neighboring countries. This raises concerns that Timor-Leste is becoming a transit point in the international drug trade.

Fundasaun Mahein’s (FM) monitoring reveals that drug trafficking by organized crime networks takes place through air, sea and land routes. In some instances these networks make use of shipping agencies to move their illegal products internationally. The domestic drug trade is largely handled by Timorese citizens.

Drug trafficking by members of international criminal syndicates poses the risk of growing local networks in Timor-Leste. In one example case of drug trafficking, an organized crime network shipped drugs from Africa via Singapore to Timor-Leste, before distributing to Indonesia for sale and consumption.

FM believes that Timorese security forces are not prepared to deal with drug trafficking; airports, seaports, and the land border lack the adequately trained personnel and equipment to detect and seize drug shipments. International organized crime is also aware of the security situation of Timor-Leste, and is taking advantage of the vulnerability of the nation as a transit point for their illegal activities.

Regarding local drug use, FM’s research shows that at least 64 of Timorese have been arrested for consuming illegal drugs, comprising of 57 males and 7 females. Despite the relatively small number of arrests, it is important to note that many users evade authorities’ notice, and that the large number of unemployed Timorese youth are particularly susceptible to the corruption of drugs.

Large numbers of Timorese studying at universities in Indonesia. Several cases have been reported involving these individuals in crimes ranging from homicide to smuggling activities. FM is concerned that these individuals are vulnerable, and can be recruited by organized crime networks to become involved in drug trafficking. FM is also concerned with Indonesia’s strict laws regarding drugs, which proscribe the death penalty for drug traffickers. It has been published by international media so far this year, more than ten individuals have been executed or drug related offences in Indonesia, the majority of them foreign citizens.

Recommendations

1. FM recommends the government and the national parliament prioritize discussion of the draft law on drug trafficking and consumption.

2. FM recommends the government strengthen the monitoring of Timor-Leste’s land borders, and provide sufficient personnel and equipment to deter drug trafficking through airports and seaports.

3. FM recommends the government organize a special body tasked with investigating and prosecuting cases of drug trafficking.

4. FM recommends the government create a national commission for preventing drug use via a national campaign to alert people to dangers of drugs, as well as construct a rehabilitation facility to provide treatment to drug users.

To know more details on this issue you can contact:

Nélson Belo
FM Executive Director
Web: www.fundasaunmahein.org
E-mail: direktor.mahein@gmail.com
Phone (+670) 7737-4222 or (+670) 78316075

7 thoughts on “Droga Ameasa Seriu ba Timor-Leste?”

  1. Pingback: Fundasaun Mahein
  2. liu husi dialog entre BNN ho PNTL neebe halao ih Kupang Indomesia neebe organiza husi Fundasaun Decolores Timor Leste no Yayasan Warna Kasih Indonesia neebe partisipa mos husi deputado Eladio Faculto hatudu resultado neebe positivu, ba futuru ita tengki servisu makas liu tan hodi prevene infiltrasaun droaga mai iha Timor Leste. Tanba ne ita nia Governu tengki investe orsamentu ba PNTL hodi sosa equipamnetus neebe bele ajuda ita nia PNTL sira hodi halao sira nia servisu iha terenu. ita mos tengki kria ona equipa Task Force ida hodi hare ba asuntu hirak neebe relasiona ho droga, liu liu Lei neebe konaba droga, tanba to agora Timor Leste sei utiliza lei indonesia nian hodi kombate droga.

Leave a Reply to Mateus Cancel reply

Your email address will not be published.

Related Post