Foto: Fundasaun Mahein – FM
Loron 13 Juñu 2017
Relatóriu Mahein Nia Lian Nú. 123 hato’o kona-bá problema sira liga ho arte marsiais, rituais, arma branka no rama ambon durante ne’e sai hanesan preokupasaun husi públiku tomak Timor-Leste. Iha ne’ebé Rezolusaun Governu N.o 16/2013 Extinção de Grupos de Artes Marciais, taka total atividade sira arte marsiais ne’ebé identifikadu ho violentu. Maibe kontinua organiza malu, halo rekrutamentu no treinamentu ho suba-subar iha komunidade nia leet no ironiku liu-tan violênsia no krime sira liga ho arte marsiais aumenta maka’as liu-tan iha tinan sira ikus ne’e. Suspeitu ba kazu sira liga ho arte marsiais no rama ambon, autoridade seguransa ka Polícia Nacional Timor-Leste (PNTL) kaptura bebeik ona maibe barak husi suspeitu sira ne’e hetan livre tamba la iha lei espesifiku ruma kriminaliza kona-bá prátika ilísita arte marsiais no rituais, uzu arma branka no rama ambon hodi halo krime. Tamba ne’e Fundasaun Mahein (FM) apresia tebes ho kriasaun lei ida ne’e nian hodi regulariza no kriminaliza exersisiu ka treinamentu arte marsiais iha ne’ebé la tuir lei nia haruka. Nune’e mos útilizasaun ba arma branka no rama ambon hodi prátika krime.
Nune’e Parlamentu Nasional aprova iha loron 6 Marsu 2017 no Prezidente Repúblika promulga iha 12 Abril 2017, Lei N.o 5/2017 de 19 de Abril Regime Jurídico Relativo à Prática de Arte Marciais, Rituais, Armas Brancas, Rama Ambon e Quinta Alteração ao Código Penal. Lei ne’e rasik hafoin públika no la ho sosializasaun ne’ebé diak ba povu maibe alerta maka’as liu iha atuasaun sira ne’ebé sei halo, husi ulun boot autoridade seguransa nian. Ikus mai, Lei ne’e rasik sai mos polêmika iha públiku kona-bá uzu forsa no kilat “tiru no oho” husi forsa seguransa bainhira implementa lei ne’e.
Atu hetan informasaun kle’an liu kona-bá asuntu ne’e haree ka konsulta iha kraik ne’e:
(PRESS RELEASE HANEHAN IHA NE’E)
( RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
Polemic of Using Force and Weapons by Security Actors
“On Law No.5/2017, 19 April, 2017, Judicial Regime on the Practice of Martial Arts, Rituals, Knife and Rama Ambon attacks, and the 5th Amendment to the Penal Code
June 13 2017
Report of Mahein’s Voice No. 123 reports on issue of Martial Arts Groups (MAG’s), rituals, knife and Rama Ambon attacks are prominent in Timor-Leste at this time. Law No.16/2013, Extinction of Martial Arts Groups, forbade the activities of MAG’s engaging in violence. However, some MAG’s are continuing with their activities, secretly recruiting and training new members, whilst their has been an increasing link between MAG’s and criminal activities. Suspects from MAG’s and Rama Ambon attacks have been captured by the National Police of Timor-Leste (PNTL), yet many of these suspects have been released due to a lack of specific legislation. Fundasaun Mahein (FM) is appreciative of this new Law to regulate these activities which are creating fear among Timorese citizens.
This Law, (Law No. 5/2017 April, Judicial Regime on the Practice of Martial Arts, Rituals, Knife and Rama Ambon attacks, 5th Amendment to the Penal Code) was approved by the National Parliament on March 6, 2017, and promulgated by the President of the Republic on April 12, 2017. This Law has just been published, and socialization has been minimal so far, but likely to be used by security forces soon. It also raises questions as to the legitimacy of security forces using a “shoot to kill” policy.
For more details on this issue, please contact:
Nélson Belo
Executive Director of FM
Phone: +670 78316075 or 7756 1184
Email: direktor.mahein@gmail.com
Website: www.fundasaunmahein.org
