Link foto: https://www.seashepherd.org.au/news-and-commentary/news/fishing-fleet-caught-red-handed-in-a-dawn-raid-by-sea-shepherd-and-east-timor-national-police.html
Loron 22 Novembru 2017
Prezensa empreza Hong Long Fisheries, Lda iha Timor-Leste ne’ebé hetan lisensa peska husi Ministériu Agrikultura no Peska hodi halo atividade peska iha parte tasi-mane. Atividade peska husi empreza ne’e lori ona diskusaun naruk durante tinan 2017 nia laran liu-liu ninia atividade peska kaer espesie sira protejidu hanesan tubaraun. Iha ne’ebé sai polêmika boot iha sosiedade Timor-Leste. Nune’e polêmika ida ne’e deskobre liu tan kona-bá Hong Long Fisheries, Lda ho ninia rede no ligasaun sira ne’ebé durante públiku seidauk hatene.
Faktus barak relatóriu ida ne’e dokumenta ona no fiar katak sei tulun parte interesante sira hodi halo análiza no buka hatene liu tan. Portantu empreza Hong Long Fisheries, Lda la’os deit involve iha peska espesie sira protejidu maibe nia istoria nakonu mos ho atividade kriminal sira hamutuk ho empreza Pingtan Marine Enterprise Ltd iha nasaun sira ne’ebé sira hala’o atividade peska.
Maske empreza sira ne’e nia istoria nakonu ho atividade kriminal, Governu Timor-Leste liu husi Ministériu Agrikultura no Peska la buka hatene didiak no ansi liu hasai lisensa peska ba empreza refere. Faktu kontroversial ida seluk maka empreza sira ne’e nia estatutu hanesan ró peska estranjeiru maibe tuir lisensa ne’ebé Ministériu Agrikultura no Peska hasai na’in ba empreza maka sidadaun nasional ida.
Nune’e relatóriu ida ne’e fo sai kona-bá faktu sira ne’e. Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
