Timor-Leste Nia Dezenvolvimentu Estratéjiku: Kestaun Seguransa Nasionál

Timor-Leste Nia Dezenvolvimentu Estratéjiku: Kestaun Seguransa Nasionál post thumbnail image

Fundasaun Mahein (FM) hakerek beibeik husu lidér Timor-Leste servisu hamutuk atu responde ba problema króniku hanesan korrupsaun, politizasaun no mal-planeamentu, ne’ebé afeita ba Timor-Leste nia ekonomia produtívu, rekursu umanu, infrastrutura no kapasidade institusionál. FM nia artigu ikus husu ba Governu atu asegura estadu de direitu, investe maka’as iha edukasaun no dezenvolve planu dezenvolvimentu nasionál ne’ebé estratéjiku, inklusivu no integradu hodi orienta polítika governu agora no ba futuru.
buy zocor generic https://mexicanpharmacyonlinerx.net/zocor.html over the counter
Artigu ne’e hatutan tan rekomendasaun ikus ne’e, no refere ba problema urjente ne’ebé ita nia povu Timor-Leste enfrenta daudauk.

FM adopta konseitu seguransa nasionál ida ne’ebé luan. Tanba ne’e, maske ami foka liu ba funsionamentu no dezenvolvimentu setór seguransa, ami mos rekonhese katak edukasaun, saúde, infrastrutura fíziku no transformasaun indústrial krítiku ba Timor-Leste nia seguransa no prospriedade. Maibé, karik ita nia lidér sira falha atu kria kondisaun ne’ebé los, it abele antisipa katak inseguransa, destabilidade no konflitu sei aumenta iha futuru.

Dezde independénsia, asuntu boot balun impaktu ba Timor-Leste nia dezenvolvimentu sósio-ekonómiku no instituisionál, hanesan malnutrisaun no inseguransa ai-hán, moras endémiku hanesan TBC no malaria, dependénsia ba osan husi mina hodi suporta estadu no ekonomia rai laran, dependénsia ba sasán importadu, infrastrutura ne’ebé fraku, no rekursu umanu ne’ebé limitadu. Foin daudauk, COVID-19 no inundasaun mos fó impaktu boot liu ba grupu vulnerável sira, ne’ebé halo problema no dezigualdade sira ne’e sai aat liu tan.

Fatór ida fundamental ne’ebé limita ita nia dezenvolvimentu maka setór edukasaun ne’ebé enfrente problema estrutural no inter-ligadu balun, hanesan formasaun mestri sira, problem ho lingua no kurikulum, falta materiál no fasilidade, no malnutrisaun inan feto ho labarik nian. Tanba governu sira falha atu investe didi’ak iha edukasaun públiku dezde independénsia to’o agora, kuaze jerasaun ida tomak liu tiha sistema edukasaun sein aprende skill báziku matemátika ka alfabetizasaun. Ema barak identifíka Timor-Leste nia “rekursu umanu ne’ebé fraku” nu’udar bareira boot ida ba dezenvolvimentu, tanba ema ho edukasaun ne’ebé fraku ladún produtívu no la bele partisipa iha setór ekonomia foun ka haforsa instituisaun estadu. Edukasaun mos sai kestaun seguransa, tanba joven sira ne’ebé la hetan eduksaun ne’ebé di’ak sai todan duké benifísia dezenvolvimentu nasionál. Realidade ne’e hatudu nia aan iha númeru joven dezempregu, la ativu no envolve iha violénsia.

Au mezmu tempu, governu gasta osan públiku barak ba projetu no kontratu ne’ebé fó benefísiu ba ema riku ho ligasaun di’ak, maibé ladún kria benfísiu ba ekonomia rai laran tomak. Maske governu gasta billiaun ba billiaun dolar, setór produtívu sira seidauk iha mudansa boot. Setór ne’ebé importante liu ba ema nia moris no ba suporta setór sira seluk maka agrikultura. Maibé, dezde independénsia, seidauk iha mudansa iha produasaun.
buy zofran generic https://mexicanpharmacyonlinerx.net/zofran.html over the counter
Aat liu tan, estadu foti tiha rai agrikultura barak hodi hala’o projetu, ka agrikultór husik rai barak mamuk tanba la iha merkadu hodi fa’an sasán.

Ami rekonhese no louva governu nia atinjimentu hanesan hadi’ak estrada nasionál no asesu ba eletrisidade. Maibé, projetu sira ne’e rasik mos enfrenta problema barak, hanesan la’o tarde, liu orsamentu no falta manutensaun. Timor-Leste sei dezenvolve hela kapasidade estadu, no ami hatene sala sei mosu iha prosesu ne’e ne’ebé difísil no komplexu. Maibé, FM mos haré katak problema hirak ne’e liga direta ho oinsá Timor-Leste nia governu sira haré kestaun dezenvolvimentu estratéjiku.

Parte husi problema maka ema polítiku balun konsidera katak sira tenke fahe benefísiu estadu entre grupu poderozu sira hodi mantein paz ho estabilidade. Pozisaun ida ne’e bele los, tanba la iha konflitu boot entre seksaun polítiku dezde rendimentu mina-rai komesa. Maibé, karik governu la uza osan mina hodi kria fundasaun forte ba dezenvolvimentu ekonomia produtívu, osan ne’ebé sustenta akordu elite ne’e sei hotu. Ida ne’e bele akontense iha tempu badak se krize boot mosu iha merkadu finanseiru internasionál, ne’ebé iha posibilidade boot. Aleinde ne’e, se povu baibain kontinua la hetan benefísiu husi gastus estadu, no ema elite kontinua sai riku liu tan, ema nia hirus sai aumenta, no tuir mai destabilidade no konflítu sei mosu.

Aleinde kestaun polítiku ne’e, observadór barak iha sosiedade sivíl no akadémia koalia katak gastus estadu ne’ebé la hetan retornu no la sustentável ne’e rezulta husi falta planu ne’ebé klaru, konsultasaun públiku no análise kustu-benefísiu ba projetu boot sira. Maske Planu Estratéjiku Dezenvolvimentu Nasionál 2011-2030 (PEDN) adopta tinan sanulu liu ba, Timor-Leste seidauk iha estratejia ba dezenvolvimentu nasionál ne’ebé klaru no koerente. Iha 2011, ema barak selebra PEDN tanba nia vizaun boot hodi atinje status rendimentu-médiu iha 2030. Maske ami louva objetivu barak iha PEDN, liu-liu meta sira liga ho servisu públiku sira no kreximentu ekonómiku ne’ebé ekitável, to’o agora seidauk iha progresu boot hodi atinje PEDN nia promesa sira. Avaliasaun iha 2016 hetan katak 30% deit husi tarjeta ba faze primeiru mak atinje. Tanba ne’e, susar atu bele fiar katak vizaun PEDN sei realiza iha 2030, liu-liu tanba problema polítiku no Estadu Emerjénsia ne’ebé impaktu ba funsionamentu governu nian.

Ita bele fó sala ba vontade polítiku no destabilidade governasaun, maibé FM mos haré katak PEDN rasik iha problema fundamental oi-oin. Primeiru, planu ne’e hakerek sein dadús, peskiza iha kampu ka konsultasaun públiku ne’ebé adekuadu. Planu mos la halo analiza klean kona-bá kondisaun materiál ho sosiál ne’ebé eziste.
buy viagra generic https://mexicanpharmacyonlinerx.net over the counter
Tanba ne’e, planu no indikadór iha dokumentu la klaru, la realístiku no la refleita realidade Timor-Leste. PEDN mos la inklui orsamentu ruma, no la klaru oinsá nia meta bele atinje bazeia ba Timor-Leste nia limitasaun finanseiru atuál.

Maske PEDN diskute agrikultura, indústria ki’ik no turizmu, nia fundamentu maka projetu Tasi Mane no indústria petróleu iha rai maran (onshore). Ema polítiku balun sempre deklara katak indústria petrolíferu iha rai maran sei suporta Timor-Leste nia ekonomia tomak, maibé ema seluk dehan atividade petrolíferu iha kosta súl bele estraga setór sira seluk tanba foti rai agrikultura barak, estraga ambiente no diverta governu nia rekursu. Hanesan FM hakerek tiha ona, seguransa no ben estar ema barak iha kostu súl hetan ona impkatu negativu tanba lakon rai no ekonomia lor-loron, no mos tanba konflítu sosiál mosu tanba ema tenke muda ba fatin foun maibé apoiu ba komunidade la sufisiente.

Tasi Mane mak planu governu ne’ebé boot no ambisiózu liu, maibé projetu estadu barak seluk mos la bazeia ba planu ne’ebé realistiku, konsidera nesesidade komunitária, ka analiza kondisaun real iha Timor-Leste. FM hare’e katak planu dezenvolvimentu barak mosu deit iha edifísiu ho AC iha Dili, duké kria liu husi estudu konkretu no konsultasaun klean ho ema baibain. Ne’e razaun ida katak projetu barak ladún adaptadu ho di’ak ba realidade ekonómiku ka nesesidade komunitária. Ezemplu boot liu maka Auto-Estrada Kosta Sul no Aeroportu Suai, projetu rua ne’ebé karun los, maibé la kria retornu ba povu, no mos lori impaktu negatívu barak ba ema ne’ebé hela iha area projetu.

Dezligasaun ne’e entre komunidade sira no planeamentu governu mos refleita iha konsultasaun públiku. Ema barak observa katak konsultasaun públiku iha Timor-Leste tuir modelu “sosializasaun”. Ne’e signifika ofisiál governu esplika ba komunidade saida mak sira deside ona. Dala barak mos sira uza termu no gráfiku ne’ebé tékniku tebes, no promove impaktu pozitivu no minimiza impaktu negativu, ne’ebé halo susar ba komunidade atu repsonde ho hanoin krítiku. Dezigualdade podér ne’ebé boot eziste entre ofisiál governu sira ho ema husi aldeia iha area rural sira, ne’ebé dala barak signifíka ema lokál sira la brani atu koalia sai kona-bá sira nia prekupasaun.

FM haré katak konsultasaun públiku esensiál atu asegura katak projetu dezenvolvimentu la kria fali inseguransa liu husi viola direitu ka estraga ben estar ka moris ekonómiku. Maibé, konsultasaun tenke substantívu, la bele halo hodi hala’o “tick box” ka fahe propaganda deit. Konsultasaun públiku mos tenke adapta ba realidade lokál, inklui tenke komprende dinámiku podér ne’ebé eziste entre ofisiál governu ho komunidade, no mos ba kestaun jéneru.

Aleinde ne’e, prinsípiu ida ne’e tenke aplika la’os deit ba projetu estadu individuu, maibe ba Timor-Leste nia dezenvolvimentu tomak. Ho ajuda husi ajénsia internasionál, Governu avalia no revé hela PEDN. Husi perspetiva FM, atu planu foun bele rezolve povu nia problema urjente sira no asegura prospriedade no seguransa nasionál ba tempu narauk, prosesu revizaun ne’e tenke envolve konsultasaun públiku barak, la bele inklui deit perspetiva husi konsultant ka ajénsia internasionál. Konsultasaun sira ne’e tenke inkorpora perspetiva husi grupu vulnerável sira, lidér lokál ho tradisionál, grupu feto, sosiedade sivíl, akadémiku ho entrepreneur Timor-oan sira liu-liu joven.

Ikus liu, hanesan FM no grupu seluk sempre koalia, sistema edukasaun mak fundamentál ba seguransa no dezenvolvimentu ekitável no sustentável ba ita nia povu tomak. Sistema edukasaun públiku iha Timor-Leste enfrenta problema komplexu tebes, no joven barak seidauk hetan ajuda ne’ebé natoon hodi bele moris produtívu, saudável no seguru. Ida ne’e sei fó impaktu ba seguransa no dezenvolvimentu agora no ba futuru, no mos ajuda grupu arte marsiais rekruta joven barak ne’ebé buka kamaradajen no atividade signifikativa. FM mensiona beibeik katak grupu arte marsiais sai boot ne’e ameasa seguransa iha Timor-Leste. Maibé, kriminaliza membru deit no ataka fali ema ne’ebé rekruta sira la rekonhese fatór estrutural ne’ebé motiva joven sira hodi tama iha grupu ne’e, partikularmente falhansu iha sistema edukasaun públiku.

Timor-Leste komesa sai ona husi krize ne’ebé la’o durante tinan rua liu, no FM espera katak Timor-Leste nia lidér sira bele tau matan ba sinál avizu sira, no foti asaun hodi responde ba povu nia nesesidade no mos ba dezafiu longu-prazu nasaun nian. Ami apresia tebes governu nia atinjimentu sira hanesan hadi’ak estrada, eletrisdade ho servisu balun, maibe Timor-Leste enfrenta hela krize oi-oin ne’ebé ameasa povu nia seguransa no ben estar lor-loron, liu-liu liga ho edukasaun, saúde, bee-moos no saneamentu, uma, nutrisaun, no moris ekonómiku ne’ebé sustentável. Nune’e mos, nasaun nia situasaun finanseiru frájil tebes, no ami depende makás ba merkadu internasionál ne’ebé lidér sira la bele kontrola.

Tanba ne’e, ami husu ba partidu polítiku ho lidér sira hodi halo kompromísiu ba vizaun dezenvolvimentu estratéjiku ne’ebé inklusivu, ekitável no sustentável. Ida ne’e sei presiza konsultasaun públiku ho ema husi setór no fatin oi-oin, analiza kustu no benefísiu projetu boot, planu realístiku hodi transforma produtividade agrikultura no indústria, no dezenvolve ita nia sistema edukasaun. Ida ne’e mak dalan úniku hodi asegura ita nia povu nia nesesidade báziku, no ajuda ita nia joven sira harii Timor-Leste ida ne’ebé estável, prósperu no seguru.

Leave a Reply

Your email address will not be published.

Related Post

Komunikadu Imprenza: Fundasaun Mahein Kongratula ba Servisu F-FDTL Komponente Naval ho PNTL (Unidade Maritima)Komunikadu Imprenza: Fundasaun Mahein Kongratula ba Servisu F-FDTL Komponente Naval ho PNTL (Unidade Maritima)

Fundasaun Mahein, 20 Outobru 2010 Komunikadu Imprenza Fundasaun Mahein Kongratula ba Servisu F-FDTL Komponente Naval ho PNTL (Unidade Maritima). Relasiona ho kordenasaun servisu  Joint Maritime Task Force (JMTF) ne’ebe kompostu husi Komponente Naval no Polisia Maritima, Segunda Feira (18/10), hodi