Foto: PNTL
Loron: 9 Outubru 2024
Relatóriu ida-ne’e esplora filozofia, estratéjia no evolusaun polisiamentu komunitáriu Polícia Nacional de Timor-Leste (PNTL) iha Timor-Leste, hodi foka ba ninia papel krítiku hodi haburas konfiansa públiku no hasa’e seguransa iha ambiente pós-konflitu. Polisiamentu komunitáriu hanesan abordajen proativu ida ba aplikasaun lei ne’ebe énfaze ba kolaborasaun entre forsa polísia no membru komunidade sira, muda foku hosi kontrolu krime reativu ba estratéjia preventivu sira ne’ebe ho objetivu atu hadi’ak seguransa no kualidade moris komunidade sira.
Relatóriu ne’e mos emprega revizaun literatura abranjente ida hosi fonte oioin, hodi analiza prátika polisiamentu komunitáriu no nia adaptasaun iha kontestu Timor-Leste nian. Literatura subliña katak polisiamentu komunitáriu ne’ebe efetivu presiza komprensaun luan ida kona-ba dinámika lokal no kontestu kultural sira, nomós kompromisu ida atu harii konfiansa entre polísia no sidadaun sira. Iha Timor-Leste, ida-ne’e envolve ona programa formasaun ba ofisial polísia sira atu hasa’e sira-nia abilidade interpesoal no kapasidade envolvimentu komunidade nian.
Maski iha marka pozitivu ba dezenvolvimentu polisiamentu komunitáriu, relatóriu ne’e identifika dezafiu operasional oioin ne’ebe difikulta ninia implementasaun. Limitasaun rekursu, nivel konfiansa oioin entre komunidade sira no polísia no kestaun lojístika sira hodi alkansa área remota sira aprezenta barreira signifikativu sira. Ikus liu, relatóriu ne’e subliña nesesidade ba aprosimasaun ida ne’ebe inkluzivu no partisipativu liu ba polisiamentu komunitáriu iha Timor-Leste. Liuhosi rezolve dezafiu operasional sira no hametin relasaun entre polísia no komunidade sira, PNTL bele hasa’e nia efikásia no kontribui ba sosiedade ida ne’ebe seguru no estável.
Tanba ne’e atu hetan no hatene kle’an liu kona-ba asuntu sira ne’ebe temi liu daudauk ne’e, haree no hanehan iha link kraik ne’e:
Press Release (PDF)
Relatóriu Kompletu MNL 163 (PDF)
Fundasaun Mahein
Email: mahein2009@gmail.com
Telemovel: (+670) 75771766
Website: www.fundasaunmahein.org
