Foto: MundoEntrePatas.Com – 2017
Loron 7 Marsu 2017
Iha relatóriu Mahein Nia Hanoin Nú. 14 ida ne’e relata kona-bá Kompañia Hong Long Fisheries, Lda ne’ebé hala’o atividade peska iha parte tasi-mane Timor-Leste nian. Husi atividade peska ne’e kaptura mos espésie protejidu sira hanesan Tubaraun ne’ebé dadaun ne’e sai polêmika iha Timor-Leste. Sai polêmika iha Timor-Leste tamba Tubaraun hanesan espésie ne’ebé protejidu ka bandu.
Kompañia Hong Long Fisheries, Lda desde hetan lisensa husi Ministériu Agrikultura no Peska halo ona atividade peska fulan 3 iha parte tasi-mane. Ho tempu fulan 3 operasaun Kompañia Hong Long Fisheries, Lda kaer ona ikan tonelada 416 no husi total ida ne’e Tubaraun tonelada 43.6 no ikan sira seluk hamutuk tonelada 372.4 husi ró unidade 15.
Resposta husi Governu Timor-Leste imediatamente ba kazu ne’e no liu husi despacho Primeiru Ministru nian husu atu halo investigasaun ba kazu refere ne’ebé komete husi Kompañia Hong Long Fisheries. Dadaun ne’e Governu forma ona ekipa investigasaun ida kompostu husi Ministériu Agrikultura no Peska, Ministériu Defeza, Ministériu Interior, Unidade Polísia Marítima no Servisu Investigasaun Kriminal – PNTL, Komponente Naval F-FDTL, Servisu Migrasaun no Alfândega.
Nune’e relatóriu ida ne’e hanesan versaun ida husi sosiedade sivil liga ho polêmika Tubaraun, iha ne’ebé identifika infrasaun sira ne’ebé komete husi Kompañia Hong Long Fisheries, Lda, prosesu sira hodi hetan lisensa peska nian, difesiensia polítika Governu nian kona-bá protesaun rekursu maritimu nian no medida sira tuir lei Timor-Leste. Ikus liu rekomendasaun sira ba Governu.
Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
( RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
