Foto – F-FDTL
Loron 31 Agustu 2018
Planu Estratéjiku Dezenvolvimentu Nasional (PEDN) 2011-2030, define katak objetivu dezenvolvimentu Timor-Leste maka hametin seguransa no estabilidade, no mós harii instituisaun sira husi estadu direitu demokrátiku, no rekuiñese konstrusaun ba dame nu’udar prioridade hodi bele hetan objetivu sira seluk kona-bá dezenvolvimentu no promosaun bein-estár sidadaun Timor-oan sira nian. Orientasaun estratéjika hirak ne’e, reflete kestaun konjunturál ne’ebé iha relasaun ho evolusaun husi dezafiu no ameasa husi kontemporaneidade, no tuir evolusaun husi misaun sira husi forsa defeza no seguransa, inklui mós kontribuisaun ba seguransa interna no apoiu ba polítika esterna Estadu nian.
Nune’e relatóriu ida ne’e relata kona-bá ejijensia sira ba polítika setor seguransa no polítika externa Timor-Leste nian. Portantu polítika diferente ho lei ka regra sira. Por-ezemplu, lei ida bele obriga ka bandu atitute ka komportamentu ruma, enkuantu polítika orienta asaun sira hodi alkansa ninia rezultadu. Ho ida ne’e, polítika hanesan planu asaun ne’ebé konsidera hodi orienta desizaun sira orgaun ezekutivu nian.
Iha kontestu ne’e, rekomendasaun xave tolu ne’ebé hato’o ba VIII Governu Konstitusional maka kona-bá polítika seguransa nasional, polítika defeza nasional no polítika externa Timor-Leste nian. Nune’e bele harmoniza ho Konseitu Estratéjiku Defeza no Seguransa Nasional ne’ebé pasa ona iha tinan 2016.
Atu hetan informasaun kle’an liu kona-bá asuntu ne’e haree iha kraik ne’e:
( PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
