Foto Link: httpswww.123rf.comphoto_41295422_child-traumatized-by-war-concept-sign-of-the-invisible-trauma-of-war-affected-kids.html
Nasaun poz-konflitu sira sempre iha availasaun aas kona-bá asuntu saúde mental ne’ebé laiha diagnosa. Prinsipál entre hirak ne’e maka Poz-Traumatiku Moras Estreza (PTSD), kondisaun saúde mental ida ne’ebé mosu wainhira ema ida sai testemuña ba akontesimentu ida ne’ebé trauma psikolójiku hanesan funu ka dezastre naturais. Sintoma sira inklui hanoin ne’ebé tauk, hafu’u no mehi aat no bele sai problema ba ema ida nia vida moris. Dalaruma halo moras atan ne’e kura-an ho alkohol no droga liu-liu risku kona-bá dezenvolve PTSD maka veteranus no sivil sira ne’ebé iha esperiensia funu, hasoru torturasaun no dadur ka sai sasin ba asaun brutalidade ka violensia sira.
Hanesan rezultadu ida husi okupasaun Indonezia no krize 2006, kuaze ema ida husi nain lima iha Timor-Leste pesoalmente haree ona no hasoru rasik insidenti husi konflitu ida ne’e liga ho violensia. Konsekuensia husi ida ne’e maka tuir estimasaun balun Timor-Leste hanesan nasaun ida ne’ebé nivel avaliasaun aas liu kona-bá PSTD ne’ebé laiha diagnosa iha mundu. Estudu ida hetan katak pursentu 16.7 husi populasaun Timoroan sofre husi PTSD, enkuantu seluk tau iha pursentu 15,1. Importante tebes atu rekoñese katak estudu hirak ne’e haree deit ba area sira balun iha nasaun ne’e no la nesesáriu foti espesifiku ba iha kultura Timoroan nian. Laiha dadus ofisial husi governu ita si’ik deit ba iha ambitu lolos husi problema ne’e. Maibe, karik estudu ne’e loos pelumenus ema ida husi nain 6 Timoroan dadauk ne’e sofre moras PTSD.
buy prednisone online https://rxbuywithoutprescriptiononline.com/prednisone.html no prescription
Iha mundu global, maizumenus pursentu ida husi ema maka sofre husi PTSD ne’e, foka liu ba oinsa seriadade problema saúde mental ne’ebé liga ho konflitu ba Timor-Leste. Satan problema ne’e mosu atu sai aat liu tan duke ba diak. Tamba problema saúde mental bele aumenta sekarik la hetan diagnosa, ema balun maka sofre husi PTSD iha Timor-Leste ne’ebé aumenta ona durante dekade ikus ne’e.
Mezmu insidénsia PTSD aas, Timor-Leste iha kapasidade nato’on hodi negosiu ba problema saúde mental nian. Tuir dadus WHO, iha deit saúde mental professional kada ema 100.000. Maioria husi professional hirak ne’e iha nivel treinamentu ne’ebé nato’on kona-bá problema saúde mental nian, iha kazu balun treinamentu hala’o deit loron balun ka semana. Laiha ospital ba moras saúde mental nian iha Timor-Leste no iha deit opsaun limitadu ba tratamentu ambulatóriu. Iha mos relatóriu ki’ik kona-bá asuntu saúde mental no laiha estatístika ofisial husi governu signifika ONG sira ne’ebé servisu ba asuntu saúde mental nian, minoria halo servisu iha nakukun laran.
Aleinde menus kapasidade kona-bá saúde, iha mos problema estigmasaun sosial. Ema barak maka la buka tratamentu ba PTSD tamba sira la hakarak atu ema haree sira hanesan “bulak”. Jeralmente iha diskusaun nakloke oituan kona-bá moras mental ne’e katak moras nain dalaruma senti moe, izoladu no tauk hodi buka ajuda. Ema tenke komprende katak PTSD enkuantu problema ba moras nain ne’e reasaun baibain hodi hasoru eventu trauma ne’e. Hanesan mos moras fiziku, ema dalaruma dezenvolve problema mental hodi responde ba difikuldades esperensia sira nomos gosta hakanek, kondisaun sira hanesan ne’e bele resolve karik moras nain hetan tratamentu no suporta.
buy vardenafil generic https://rxbuywithoutprescriptiononline.com over the counter
Fundasaun Mahein (FM) espera atu iha dialogu nasional ida kona-bá topiku sensitivu ida ne’e no husu governu, sosiedade civil no ema hotu-hotu hodi rezolve problema kona-bá trauma ne’e ho seriu.
Primeru, FM buka diskusaun nakloke no onestu kona-bá asuntu saúde mental nian. PTSD hanesan resposta psikolójiku jeral hodi sai testemuña ba violensia ne’e, no diskusaun publiku kona-bá asuntu ida ne’e bele ajuda halakon estigmasaun no permite moras nain sira hodi buka ajuda lahó tauk husi juizu. Parte husi esforsu ne’e sei presiza konxiensia mezmu iha siñal no sintoma PTSD hodi nune’e kolega sira no membru familia sira bele identifika no suporta ba potensia moras atan sira.
Segundu, FM husu governu hodi oferese servisu saúde mental ba veteranus sira no civil sira ne’ebé nakloke ona ba violensia. Iha Estadus Unidus (US), izemplu veteranus sira iha Iraq no Afganistaun hetan tratamentu ba PTSD depois sira-nia preparasaun no bele asesu tratamentu livre ba saúde mental wahinhira sira fila ba uma.Kuaze pursentu11 husi soldadu Amerikanu sira ne’ebé hasoru funu iha Afganistaun no 20 pursentu husi sira ne’ebé funu iha Iraq kontinua nafatin dezenvolve PTSD maibe vizaun ne’ebé iha maka PTSD hanesan erru husi funu la’os heroi sira. Governu Timor-Leste iha responsabilidade hodi prepara ba ema sira ne’ebé sakrifika sira-nia diak ba iha seguransa nasaun nian.
Aleinde ne’e, FM mos husu koperasaun no kordenasaun boot entre setor seguransa inklui F-FDTL no PNTL inklui mos asistensia saúde públiku no privadu sira. Governu tenke prioritiza dezenvolve kapasidade nasional hodi halo tratamentu ba kondisaun saúde mental sira inklui kria sentru saúde mental, treinamentu barak ba professional saúde mental sira no suporta ONG sira hanesan PRADET ne’ebé servisu ba asuntu hirak ne’e. Liu-liu, governu tenke implementa rekomendasaun sira husi “Chega!”, relatoriu ikus husi Comissao Amizade Verdade no Rekonciliasaun (CAVR) hodi konstrui sentru trauma diak ida no prepara baze ba asistensia saúde komunidade ba ema hotu-hotu iha Munisípiu sira.
Ikus-liu, FM rekoñese persiza halo peskiza barak kona-bá PTSD iha Timor-Leste. Ami enkoraza governu atu servisu ho ONG sira no akademiku sira hodi kolekta dadus no rezultadu estatístika sira kona-bá insidénsia ba asuntu saúde mental sira iha Timor-Leste, no halo nune’e iha dalan ida ne’ebé lori Timor-Leste nia diversiu jeografia no kultura. Dadauk ne’e Ita lahatene serteza ema hirak maka sofre husi PTSD iha ne’ebé sira koko atu konsentra, fatores saida maka halo aat ba sira nia kondisaun, no oinsa sira nia kondisaun sira ne’ebé afeta haleu sira. Ho deit komprensaun ba ámbitu problema ne’e ita bele hahu rezolve ida ne’e.
Dalabarak liu, ita foka ba komponente polítika no ekonomia sira husi rekuperasaun konflitu enkuantu ignora komponente umanu. Timor-Leste labele kura ezatu ninia ema sira diak no esforsu ida ne’e komesa rezolve kauza mental husi trauma koletiva tinan ba tinan nian.
