Foto Link: httpwww.tatoli.tl201709tan-kolen-lere-lakohi-iha-eleisaun-antisipada
Majór Jenerál Lere Anan Timur, Xefi Estadu Forsa Defeza Timor-Leste (F-FDTL), iha istória naruk ida kona-bá halo deklarasaun polítika kontroversu. Tendénsia majór jenerál iha vida polítika dadauk ne’e sai alvu krítika makaa’as husi lider CNRT no eis Primeru Ministru Xanana Gusmão.
Komandante Lere hato’o ona katak nia sei la involve iha polítika no ninia deklarasaun ne’e hanesan espresaun deit husi ninia hanoin pesoal. Maibe, tamba nia asumi papel hanesan ulun-boot militar iha nasaun ne’e, deklarasaun saida deit husi majór jenerál ne’e ho natureza polítika, tamba ne’e públiku dalaruma interpreta ninia deklarasaun sira ne’e sai ofisiál, ninia deklarasaun ne’ebé sempre hamosu pániku no konfuzaun. Aleinde ne’e, Lere ninia deklarasaun balun sai ameasa direita ho forsa ida atu influénsia ba governu hodi halo desizaun. Izemplu, públiku rekuza nia tinan kotuk hodi proteje deputadu sira iha parlamentu ne’ebé sai hanesan violénsia ne’ebé hafahe durante periodu governu konstitusional dahitu (7) ho risku kria ambiente ne’ebé lider eleitu balun labele halo servisu ho independente tamba tauk sei hetan odio vingansa.
Lere-nia deklarasaun viola regra F-FDTL ne’ebé fó-bandu ofisiál militar ne’ebé ativu involve iha polítika. regra sira ne’e hatuur atu proteje integridade sistema demókrasia Timor-Leste nian. Iha nasaun demókrasia, militar tenke subordinadu iha governsaun sivíl nia okos lahanesan ho ida ne’e. Ida ne’e servisu polítiku sira ne’ebé eleitu hodi halo desizaun no servisu militar maka hein atu implementa. Wainhira ofisiál militar halo deklarasaun polítika nafatin, ne’e bele estraga konfiansa katak militar tenke nafatin objektivu no profesional laharee ba semakaa iha liu poder. Ida ne’e ikus mai sei hamenus konfiansa ba militar no lejítimu husi governasaun sivil nian.
Apoia separasaun poder ida entre militar no polítika ne’e dalan diak ida hodi bele prevene situasaun hanesan iha Myanmar dadauk ne’e, iha ne’ebé membru parlamentu sira tauk atu halo desizaun ho independente husi militar ka hanesan Indonezia nian iha rejime Soeharto iha ne’ebé lider militar sira hasai demókrasia hamutuk hotu. Tamba razaun ida ne’e maka governasaun demókrasia ne’ebé forte mantein regras ne’ebé forte kona-bá saida maka bele no labele kolia husi pesoal militar nian. Inglatera purizemplu iha konvensaun konstitusionál ne’ebé bandu lider militar sira tama iha palku polítika. Departamentu defeza Estadus Unidus (AS) bandu membru militar ativu sira apoia kandidatu ka partidu polítiku sira no prezidenti hanesan iha tempu pasadu hasai jenerál balun tamba involve iha polítika.
Lere-nia deklaraun sira ne’e hanesan motiva ida husi ninia konsiensia loloos hodi hadia ninia situasaun polítika iha rai-laran. Hanesan komandante gerilia ida Lere toman ona involve direita iha vida polítika. Maibe, iha era foun independensia ida ne’e tenke foka kona-bá respeita regra no lei sira. Timor-Leste agora sai membru ida komunidade internasional no ninia susesu hanesan nasaun sei depende ba ninia kapasidade atu tuir normas sira global liu-liu separasaun asuntu militar no polítika.
Lere tenke konsidera mos katak ninia asaun ne’e iha konsekuensia hakat liu ninia pose gabinete nian. Ofisiál militar iha futuru sei haree ba izemplu lideransa Lere nian no wainhira nia halo deklarasaun polítika, nia tau presedente ba sira seluk hodi halo hanesan. Resolve asuntu iha tempu badak hodi debate iha vida polítika la aat liu risku hodi hafraku instituisaun estadu nian ba tempu naruk.
Sosiedade sivil iha mos papel ida ba asuntu ne’e. Iha kazu barak Lere-nia deklarasaun sira mai hanesan resposta ba perguntas sira husi jornalista sira ne’ebé maka husu nia kona-bá ninia idea ba asuntu importante sira polítika nian. Jornalista tenke kuidadu hodi halo kosultasaun ho majór jenerál kona-bá asuntu militar sira no dada an husi perguntas sira kona-bá tópiku ne’ebé laiha ligasaun ho ninia pozisaun. Aleinde ne’e, públiku tenke iha konsiensia katak governu, la’os F-FDTL halo desizaun polítika no tenke halo reazen ho kalma hasoru deklarasaun sira ne’ebé posibel kontroversu.
Lere figura ne’ebé respeita tebes ne’ebé bele fó kontribuisaun folin-boot ba Timor-Leste-nia vida polítika. Sekarik nia hakarak involve iha polítika nia tenke tuir izemplu eis majór jenerál F-FDTL Taur Matan Ruak ne’ebé rezigna-an husi nia pozisaun iha 2011 antes sai hanesan kandidatu ba iha eleisaun 2012 ka Xanana Gusmão ne’ebé resigna-an iha tinan 2000 hanesan komandante-xefi FALINTIL antes asumi kargu prezidenti. Hanesan dadauk mantein nia pozisaun, Maibe Fundasaun Mahein rekomenda katak Lere dada an husi estetimentu politika ne’ebé halo.
