Loron 17 Setembru 2024
Iha loron 9 no 11 fulan-Setembru tinan 2024, akontese insidente rua ne’ebe maka’as relasiona ho seguransa iha Aeroportu Internasionál Prezidente Nicolau Lobato durante Papa Francisco nia vizita. Entre problema sira ne’ebe maka fó sai maka fallansu sira iha kontrolu asesu nian, konfuzaun entre ekipa sira seguransa hosi Primeiru-Ministru ho Papa Francisco nian no dezorden ne’ebe envolve ema sivil sira ho forsa seguransa sira durante Papa Francisco nia embarkasaun. Fallansu sira-ne’e destaka nesesidade urjente atu hadi’a prátika sira seguransa aeroportu nian tuir padraun sira ICAO nian (Organizasaun Internasionál Aviasaun Sivíl nian).
Fundasaun Mahein (FM) rekomenda atu hametin formasaun, haree fila-fali prosedimentu protokolu sira no halo koordenasaun di’ak liután ho autoridade lokál no internasionál sira hodi prevene fallansu sira iha futuru no garante katak Aeroportu Internasionál Timor-Leste aliña ho padraun safety and security aviasaun globál nian.
Tambá ne’e atu hetan no hatene kle’an liu kona-ba asuntu sira ne’ebe temi liu daudauk ne’e, haree no hanehan iha link kraik ne’e:
Press Release (PDF)
Relatóriu Kompletu MNL 162 (PDF)
Fundasaun Mahein
Email: mahein2009@gmail.com
Telemovel: (+670) 75771766
Website: www.fundasaunmahein.org
