(Foto PNTL)
Fundasaun Mahein (FM), 26 Fevereiru 2015
Komunikadu Imprensa
Mahein Nia Lian Nú 97 (Versaun Tetum.pdf), (English Version.pdf) kona-bá Planu Estratejiku PNTL tinan 2014 – 2018 difine modelu polisiamentu ne’ebé PNTL adopta maka VIP (Vizibilidade, Involvimentu no Profesionalismu). VIP ho nia sentidu katak vizibilidade aas polisia nian halo katak komunidade sente seguru. Ho involvimentu komunidade nian halo komunidade sente katak sira hola parte. Ho atuasaun sira ne’ebé iha hatan ho profesionalismu hodi nune’e serbisu polisia nian satisfaz komunidade.
Ho nune’e filozofia polisiamentu komunitaria aplika ba membru hotu-hotu iha PNTL nia laran. Polisiamentu komunitaria la refere deit ba departamentu ka seksaun espesifiku ida iha PNTL, maibe refere ba aprosimasaun ne’ebé PNTL iha ba serbisu iha instituisaun nia laran no entre PNTL ho komunidade.
Filozofia ida ne’e sai ba buat konkretu ida iha serbisu polisiamentu nian. Papel importante ida husi Centro Formação Polísia (CFP) maka eskola PNTL nian ne’ebé iha kapasidade espesiál hodi fó formasaun moral, kulturál, fízika no tékniku-profisionál ba ofisiál, Sarjentu no ajente sira, no mós hodi atualiza, espesializa no fó valór ba sira nia kuiñesimentu.
CFP hala’o ona kursu formasaun ba PNTL sira to’o tinan 2015 maizumenus ba dala 35 ona hahu instituisaun PNTL estabelese ho total klase 81 inklui tulun husi parseiru dezenvolvimentu sira.
Formasaun sira ne’e importante tebes ba kadetes rekrutadu sira iha nivel kuiñesimentu baziku antes rekruta sai ajente polísia. Iha ne’ebé durasaun formasaun ba treinamentu baziku durante tinan ida nia laran. Fulan rua treinamentu iha Rairobo depois treinamentu atu familiariza ho lei no disiplina iha CFP no mos serbisu baziku kona-bá polísia nia.
Durasaun formasaun ba ajente rekrutadu sira kompara ho formasaun dahuluk liu hahu harii Instituisaun PNTL iha mudansa ida signifikativu tebes. Mudansa ida lori formasaun ida durante tinan ida hafoin ajente sira ezerse nia funsaun iha komunidade. Ida ne’e prova konkretu ida ne’ebé ita hakarak prepara didiak ajente sira tuir natureza polisiamentu nian ne’ebé PNTL adopta.
Formasun espesializada sira iha CFP inklui formasaun polisiamentu komunitaria no orientasaun prinsipal ida husi filozofia PNTL nian. Signifika katak elementu PNTL hotu formadu ho komuga doutrina polisiamentu komunitaria nian la hare ba husi unidade, departamentu ka seksaun serbisu sira iha PNTL nia laran.
Formasaun polisiamentu komunitaria la’os deit iha nivel baziku nian maibe kontinuasaun ba formasaun sira avansadu nian. Tantu iha CFP no rai liur liu husi parseiru dezenvolvimentu sira. Formasaun avansadu kona-bá kna’ar Ofisial Polisia Suku (OPS) hodi vizita tama uma sai uma hodi sosializa lei violénsia doméstika, polisia eskola, kuiñesimentu kona-bá droga, alkóliku nomos oinsa halo investigasaun báziku ba problema ruma ne’ebé akontese iha terrenu.
Maske klaru iha polítika no lei maibe nia implementasaun seidauk hatuur diak, iha pratika sira atuasaun PNTL nian ne’ebé lolos tenki ho aprosimasaun komunitária nian. Dala balu hatudu la iha konsistensia entre treinamentu no pratika iha terenu. Iha diferensia presepsaun iha unidade sira iha PNTL nia laran kona-bá atuasaun iha komunidade.
Iha presepsaun husi elementu PNTL katak polisiamentu komunitaria elementu sira ne’ebé kolokadu iha Departamentu Polisiamentu Komuniataria maka halo serbisu polisiamentu komunitaria. Elementu sira iha Unidade Espesial Polisia (UEP) nian hato’o katak ami nia espesializasaun maka atuasaun sira ba situasaun ne’ebé nesesariu duni uzu forsa nian hodi restaura hikas ordem públiku.
Nune’e mos elementu sira husi Task Force hato’o presepsaun ne’ebé hanesan. Polisiamentu komunitaria hala’o deit husi elementu sira iha Departamentu Polisia Komunitaria. Ironiku liu tan, ho presepsaun seluk katak aprosimasaun polisiamentu komunitaria hanesan hamaus krime no fo fatin ba ema kontinua halo krime.
Rekomendasaun
1. Rekomenda ba CFP halo koordenasaun ho Departamentu Polisiamentu Komunitária Nasional no ajente prinsipal Estadu nian hodi hakle’an liu tan formasaun polisiamentu komunitaria ba elementu hotu-hotu PNTL inklui kuadru legal nasional sira seluk.
2. Rekomenda ba CFP halo avaliasaun formasaun hodi hala’o retreinamentu ba PNTL sira espesifikamente ba unidade no departementu sira ne’ebé orienta ba filozofia PNTL nian.
Atu hatene kle’an liu kona-bá asuntu ne’e bele kontaktu:
Nélson Belo
Direktur Ezekutivu FM
Web: www.fundasaunmahein.org
E-mail: direktor.mahein@gmail.com
Telefone (+670) 7737-4222 ka (+670) 77561184
The Police Training Center:
Orient to the Community Police?
Fundasaun Mahein (FM), 26 February 2015
Press Release
The PNTL strategic plan for 2014-2018 defines the types of police that adopts the qualities of VIP (visibility, involvement and professionalism). The importance of VIP is to ensure that the police are visible and are seen to secure the communities and will lead to greater participation from all stakeholders. These actions will also aim to increase professionalism so that the police services will better satisfy the communities.
The strategic plan’s philosopy is that the community policing approach will apply to all members of the PNTL an not just the specific community police department and affects the PNTL approach when working with institutions and between PNTL and communities.
This philosophy will aim to become a concrete philosophy of the police’s services and leaves an important role of the police training center (PTC) to fulfill. This PNTL School that has a special responsibility to provide training such as moral, culture, physics and technique professional to officers, sergeants and agents also keep maintain the value of their awareness in this community policing approach.
Supported by the development partners The PTC has provided training to PNTL and has continued to 2015, 35 courses have been completed with 81 classes since its establishment. The training period for those recruited agents is done for one (1) year which is composed of two (2) months in Rai-Robo-Atabae-Bobonaro, 8 months at the PTC Dili, and two (2) months pre-training to be agents for the PNTL institution members.
This training has become very important for those cadets training become police officers, providing basic knowledge and training over the course of the year. The two months training in Rairobo is to become familiar with the law and discipline while the eight months at PTC Dili is to teach ideals and complete training as well as the basic services of the police.
The formation period for those recruited agents compared with the previous training before establishing this PNTL institution shows very significant progress, not least that training lasts for a year before police officers assume their function at the community. This is concrete proof that the PNTL want to prepare these officers as best they can with the PNTL philosophy before they reach the go into service.
The special training at the PTC, including the community police training as well as the main orientation of the PNTL philosophy, signify that all graduates will follow community policing doctrines when in the field.
The community police training is not only for basic level training but continues at an advanced level as well. The advanced training is about the responsibility of the Police Village Officer (PVO) to visit door to door in socializing people of Timor-Leste in the laws of domestic violence, police school, the drug’s awareness, alcohol as well as how to conduct a basic investigation for any problems that happen in the field.
While this philosophy is clear in policy and law the implementation of this philosophy is yet to take hold. The PNTL needs the community approach in conducting actions because sometimes inconsistencies have emerged in using training and actions in the field. There are different perceptions that are emerging within the PNTL in regards to actions in the community.
There has been a perception from elements of the PNTL that the community police approach is only for the actual community police department. Elements of the Especial Police Unit (EPU) have been informed that their responsibility is to act against any necessary situation, using force to maintain public order.
Elements from the task force are also informed by a similar perception, that the community police approach is only to be done by the community police department. The other perception amongst this task force is that the community police approach is more likely to increase crime and continue giving chances for criminals to commit more crime .
Recommendations
1. Recommends to the PTC to coordinate with the national community police department as well as the main state’s agents in order to increase community police training to the all PNTL departments, including the other national legal chart.
2. Recommends to the PTC to evaluate the training in order to provide training to PNTL especially for units and departments that orient to the PNTL’s philosophy.
For more details, please contact:
Nélson Belo
Executive Director of FM
Web: www.fundasaunmahein.org
E-mail: direktor.mahein@gmail.com
Phone (+670) 7737-4222 or (+670) 77561184
7 thoughts on “Centro Formasaun Polísia: Orienta Ba Polísiamentu Komunitária?”