Foto-Fundasaun Mahei_Arcanjo Moniz
Loron 30 Maiu 2018
Iha periodu Eleisaun Antesipada 12 Maiu 2018 FM observa katak eleisaun la’o ho hakmatek no ofisial sira eleitoral nian hala’o nia kna’ar ho diak tuir prosesu tomak votasaun nian. Votante sira partisipa ho livre no seguru, no hetan seguransa maximu husi Polísia Nasional Timor-Leste (PNTL) tuir lei. Maske nune’e, FM rejista mos failansu balu ne’ebé akontese durente periodu eleisaun nian.
Iha kontiudu relatóriu ne’e hato’o kona-bá kontextu sira ne’ebé lori Timor-oan sira ba vota fila-fali ka Eleisaun Antesipada 2018. Enkuantu iha periodu tomak eleisaun nian identifika asuntu prinsipal sira iha materia seguransa nian liga ho kna’ar PNTL no F-FDTL nian no ho kódigu konduta sira ne’ebé atua iha seguransa eleisaun nian.
Nune’e mos propagan eleitoral ne’ebé lolos partidu no koligasaun sira promove maka’as sira nia programa maibe transforma propaganda eleitoral ne’e sai hanesan “konflitu entre katuas sira” ne’ebé nakonu ho insulta no atake pesoal sira iha palku komisiu nian. Iha tempu hanesan insultu no no atake pesoal sira ne’e transmite direta liu husi kna’al televizaun nian.
Inklui utilizasaun arte-marsiais ilísita sira no involve direta iha kampañia mesmu tuir Rezolusaun Governu N.o 16/2013 kona-bá Extinsaun ba Arte-Marsiais taka total ona sira nia atividade no tuir Lei N.o 5/2017 kona-bá Regime Jurídico Relativo à Prática de Arte Marciais, Rituais, Armas Brancas, Rama Ambon e Quinta Alteração ao Código Penal bandu no kriminaliza utilizasaun atributu arte-marsiais ilísita sira nian no artigu 5 lei refere proibidu arte-marsiais ligasaun direta ka indereta ho partidu polítiku ka asosiasaun polítika ruma.
Atu hetan informasaun kle’an liu kona-bá asuntu ne’e haree iha kraik ne’e:
(PRESS RELEASE HANEHAN IHA NE’E)
(RELATORIU KOMPLETU HANEHAN IHA NE’E)
Nélson Belo
Diretor Ezekutivu
Email: direktor.mahein@gmail.com
Telemovel: (+670) 78316075 ka 77561184
Website: www.fundasaunmahein.org
