Foto Media Prezidensia Republika RDTL 2018
Loron 30 Outobru 2018
Nomeasaun ba kargu sira ierarkia F-FDTL nian antes ne’e iha tinan 2016 sai polêmika entre Governu ho Prezidente Repúblika. Ikus mai halo rekondusaun ba kargu CEMG F-FDTL, Vice-CEMG F-FDTL no CEM F-FDTL ba tinan ida no kontinua halo rekondusaun kada tinan to’o tinan 2018.
Normalmente exersisiu ba kargu sira iha ierarkia F-FDTL nian, tuir artigu 74 kargu CEMG F-FDTL no Vice-CEMG F-FDTL nia mandatu tinan haat no renova dala ida deit. Nune’e mos kargu CEM F-FDTL no Komandante Komponente sira tuir artigu 75 Decreto-Lei N.o 28/2016 de 13 de Julho Primeira Alteração ao Decreto-Lei N.o 7/2014, de 12 de Março (Estatuto dos Militares das F-FDTL) nia mandatu tinan rua no renova dala ida deit.
Maibe iha kazu sira liu ba nomea deit ba tinan ida no la hala’o tuir norma sira iha artigu 74 no 75 Decreto-Lei N.o 28/2016 de 13 de Julho Primeira Alteração ao Decreto-Lei N.o 7/2014, de 12 de Março (Estatuto dos Militares das F-FDTL) nian. Nune’e relatóriu ida ne’e halo análiza ba mandatu kargu sira iha ierarkia F-FDTL nian tuir Decreto-Lei N.o 28/2016 de 13 de Julho Primeira Alteração ao Decreto-Lei N.o 7/2014, de 12 de Março (Estatuto dos Militares das F-FDTL).
Atu hetan informasaun kle’an liu kona-bá asuntu ne’e haree iha kraik ne’e:
( PRESS RELEASE HANEHAN IHA NE’E)
( RELATORIU KOMPLETU HANEHAN IHA NE’E)
João Almeida
Adjuntu Diretor
Email: almeidamahein@gmail.com
Telemovel: (+670) 77561184 ka 78316075
Website: www.fundasaunmahein.org
