Foto-Prezidensia-Republika-2018
Tuir Lei Timor-Leste nian, Chefe Estado Maior General F-FDTL (CEMG) nia mandatu tinan haat (4) no bele renova dala ida deit. Iha loron 6 fulan Outubru 2018 Major Jeneral Lere Anan Timur nia mandatu hanesan CEMG ramata ona. Maibe desde mandatu liu iha fulan ne’eba Prezidente Republika seidauk nomea CEMG foun ida. Ida ne’e husik hela F-FDTL iha situasaun inserteza ida; Major General Lere Anan Timur laiha autoridade juridiku hodi hala’o servisu ba kargu refere. Mezmu nune’e, laiha CEMG foun, nia nafatin sai Chefe de facto F-FDTL nian.
Prezidente Repúblika iha opsaun oin-oin hodi hadi’a situasaun ne’e. Prezidente bele halo renovasaun ba mandatu Lere nian ba tinan ida tan (tamba Lere nia idade 60 ba leten, tuir artigu 195 Dekretu Lei N.o 28/2016 nia haruka). Alternativa seluk, Prezidente Repúblika bele hapara mandatu Lere nian no aprova pesoal seluk ba pozisaun refere. Fundasaun Mahein (FM) hatene katak Primeiru-Ministru Taur Matan Ruak hato’o ona proposta ida ba Prezidente Republika no diskuti asuntu ne’e iha Konselu Superior Defeza no Seguransa, maibe Prezidente seidauk halo desizaun.
Karik Prezidente Repúblika deside hodi mantein Lere hanesan CEMG ka aseita hodi troka nia, importante hodi halo desizaun ne’ebé lalais no klaru. Situasaun dadauk ne’e labele sustenta tamba razaun balun. Primeiru, posibilidade CEMG halo servisu la ho mandatu legál, ida ne’e hafraku instituisaun sira Estadu nian. Falta konsiderasaun ba institusaun formal no regra sira sai presedente aat iha futuru, tantu iha militar no iha governu jeralmente.
buy amitriptyline generic https://buywithoutprescriptiononlinerx.com/amitriptyline.html over the counter
Aleinde ne’e, asuntu ne’e kontribui konfiansa públiku nian katak instituisaun sira Timor-Leste nian bele servisu ho efetivu tuir prosedimentu sira ne’ebé estabelese ona.
Segundu, konfuzaun kona-bá se los maka komanda iha F-FDTL ne’ebé halo defisil hodi implementa politika. Kadeia komandu ida ne’ebé la klaru difikulta ofisiais F-FDTL sira hodi hala’o sira nia servisu, no servi hanesan justifikasaun ba politiku sira ne’ebé hakarak atu ignora lei ka rejeita asaun sira Governu nian la iha lejitimu. Lere Anan Timur foin daudauk ne’e espresa kona-bá ninia estatutu juridiku ne’ebé sei sai perguntas, no nia iha direitu atu halo ida ne’e: CEMG la ho autoridade jurídiku sei impede exersisiu funsaun sira ne’ebé atribui ba nia.
Ikus liu, diak liu konsidera no tetu reputasaun ne’ebé ladiak ba Timor-Leste iha rai liur. Konfuzaun kona-bá CEMG sinal ba nasaun sira seluk katak Timor-Leste iha difikuldade implementa ninia lei sira. Ezemplu sira hanesan ne’e refleta ba empase polítika ne’ebé boot katak impede ofisiais sira halo servisu ba governasaun no lansa dúvida sira kona-bá Nasaun nian progresu.
Tetu konsekuênsia simbóliku no prátika, FM rekomenda katak Prezidente Repúblika imediatamente hahu prosesu ba nomeasaun ba CEMG.
buy Tadalafil generic https://buywithoutprescriptiononlinerx.net over the counter
Karik Prezidente Repúblika renova mandatu Lere nian ka nomea pesoal foun ida ba pozisaun ida ne’e, importante maka Chefe F-FDTL iha autoridade jurídiku hodi hala’o nia servisu.
buy amoxicillin generic https://buywithoutprescriptiononlinerx.com/amoxicillin.html over the counter
