Lalatak Konflitu Iha Eleisaun Jeral 2017

Lalatak Konflitu Iha Eleisaun Jeral 2017 post thumbnail image


Fundasaun Mahein (FM), 21 Novembru 2016

Komunikadu Imprensa

Liu husi Mahein Nia Lian Nú 117 (Versaun Tetun.pdf) (English Version.pdf) kona-bá Eleisaun ba Orgaun Suku nian foin liu dadauk ne’ebé hala’o iha nivel aldeia iha teritoriu tomak no akontese iha loron ne’ebé hanesan ho susesu. Maske mosu lamentasaun barak husi públiku kona-bá prosesu ka mekanismu sira hodi realiza eleisaun refere. Inklui rejista konflitu balu antes, durante no depois eleisaun.

Iha tempu hanesan Eleisaun Jeral 2017 besik dadauk ona, asuntu polítika no seguransa sai debate namanas iha sosiedade Timor-Leste no la’os buat foun ida kona-bá problema polítika no seguransa iha Timor-Leste. Fundasaun Mahein (FM) identifika buat prinsipal ida ne’ebé dadaun ne’e públiku tomak preokupa kona-bá estabilidade polítika no seguransa. Situasaun rua ne’e ita hotu labele ignora iha eleisaun ne’ebé besik ona no tuir planu sei realiza iha fulan Marsu 2017 Eleisaun ba Prezidente Repúblika no Juñu 2017 Eleisaun Parlamentar.

Relasiona ho dinâmika polítika iha rai laran iha ne’ebé dadaun ne’e la’o namanas hela iha baze to’o iha nível nasional, liu-liu praparativu sira husi partidu politiku sira hodi partisipa iha eleisaun ne’ebe sei mai. Nune’e mos númeru partidu politiku sira aumenta maka’as mos kompara ho eleisaun sira liu ba. FM identifika mos partidu politiku balu nia baze organizasaun no apoiante mai husi grupu arte marsiais. Maske arte marsiais ne’e rasik tuir Rezolusaun Governu nian iha tinan 2013 taka total ona nia atividade.

Ho kompleksidade situasaun no lalaok polítika sira iha leten ne’e, iha tempu hanesan Parlamentu Nasional redus komisariu sira husi CNE nian husi ema na’in 15 ba ema na’in 7. Kona-bá redusaun ba númeru komisariu sira husi CNE nian mosu preokupasaun katak sei iha implikasaun ba servisu CNE nian hodi fiskaliza ba eleisaun ne’ebé sei mai. Iha redusaun ne’e membru husi CNE altura ne’e hato’o ona katak potensia sei mosu fraude eleitoral iha eleisaun jeral 2017, tamba polítika muda lei orgaun eleitoral hanesan CNE wainhira besik eleisaun no ida hatudu intensaun foer no anti-demokrasia.

Situasaun tuir mai polêmika kona-bá UNTAS, fila-fali sai asuntu ne’ebé mosu iha públiku no sai debate maka’as. Maske ne’e hanesan preokupasaun ida maibe mos labele ignora hodi dirije ba eleisaun ne’ebé sei mai. Portantu asuntu UNTAS sempre mosu iha tempu eleisaun hanesan akontese ona iha Eleisaun Jeral 2012, fila-fali mosu iha antes Eleisaun Jeral 2017 no hanesan informasaun ne’ebé espalla ona katak UNTAS sei harii partidu iha Timor-Leste. Karik ida ne’e hanesan propaganda ida ka tebes duni UNTAS sei harii partidu iha Timor-Leste?

Ikus liu, relasiona ho konflitu sira iha rai laran ne’ebé nia tendensia ligadu ho grupu no dalabarak ema identiku liu ho grupu arte-marsiais ne’ebé akontese iha Kapital Dili no munisipiu sira. Nune’e mos relata insidenti sira asalta sira ho “rama ambon” kapital nasaun nian iha tinan ida ne’e nian ne’ebé halo populasaun sira tauk la’o iha tempu kalan. Identifika mos rumoris sira kona-bá “ninja” ne’ebé espalla iha teritoriu tomak maibe la identifika suspeitu lolos husi kazu “ninja “nian. Husi ne’e públiku nia haree katak situasaun sira ne’e demonstra ona antes eleisaun no presiza haree ho seriu husi autoridade sira seguransa nian.


1. Asuntu polítika no seguransa tenke sai ajenda prinsipal ba debate públiku ida ne’ebé komponente hotu-hotu bele fo opiniaun nu’udar responsabilidade sidadaun nian hodi promove no garante paz no estabilidade iha eleisaun.

2. Lideransa partidu polítiku sira presiza promove komunikasaun polítika ida ne’ebé edukativu hodi eduka povu katak ne’e maka kultura demokrasia la’os kultura provoka malu.

3. Orgaun sira ne’ebé tau-matan ka fiskaliza ba lalaok eleisaun nian tenke rigor iha sira nia kna’ar no bele ezerse nia funsaun tuir lei hodi nune’e bele hasees husi polítiku sira nia intervensaun.

4. Orgaun sira ne’ebé tau-matan ba eleisaun presiza husu partidu polítiku sira nia relatóriu orsamentu ba partidu nian no orsamentu sira ba kampañia eleitoral nomos fontes orsamentu sira ba partidu hodi nune’e bele prevene pratika sira sosa votu.

5. Instituisaun seguransa sira hamutuk ho autoridade lokal liu husi Konsellu Seguransa Munisipal no Konsellu Polisiamentu Komunitaria (KPK) presiza halo avaliasaun ba risku no ameasa sira iha eleisaun ne’ebé sei mai hodi dezeña planu operasional ba prevensaun nian.

6. Instituisaun sira seguransa presiza haforsa mekanismu interna kona-bá disiplina membru sira nian, no halo rotasaun periodiku ba pesoal sira nune’e bele garante sira nia independênsia iha eleisaun no politizasaun husi polítiku sira.

Atu hetan informasaun kle’an liu kona-bá asuntu ne’e bele kontaktu:

Nélson Belo
Diretor Ezekutivu
Telemovel: (+670) 78316075 no 77561184

Conflict Shadow in General Election of 2017

Press Release

The suco-level elections conducted in every hamlet (aldeia) occurred with success, despite many concerns expressed by people related to the mechanism of the electoral process. This included some conflicts before, during and after the election.

In light of these small-scale conflicts, the general election of 2017 is approaching, where the issues of politics and security subjects of significant importance. And yet, these two issues are not new issues in this nation. As such, Fundasaun Mahein (FM) urges people and politicians to consider and debate these issues carefully as they vote for the President of the Republic in March 2017, and for the Parliamentary elections in June 2017.

FM takes note of the increasing number of political parties since with the last election, which are busily organizing their personnel and voter base on a national scale. Some of these political parties’ base organization and security personnel are militants from martial art groups (GAM), despite the fact that they were formally banned by a government resolution in 2013.
Amongst these complexities, FM again calls attention to the recent reduction in staff for the CNE from 15 people to 7. This may impose operational limitations on the CNE’s ability to supervise the upcoming elections. Recently, some members of the commission expressed concerns that there is potential for electoral fraud in the upcoming 2017 election due to a new policy which restricts their abilities to protect the democratic process.

As occurred in the 2012 election, speculation can be easily found regarding the establishment of the anti-independence UNTAS organization. Will they establish themselves as a political party in Timor-Leste, and if so, what will happen? Or, is this simply political propaganda used to scare voters?

Finally, internal conflicts, particularly those related to Martial Arts Groups, continue to pose significant challenges to security in Dili and the municipalities alike. Recent “Rama ambon,” attacks in the national capital have left people afraid to walk around at night. Further, rumors of “Ninja,” fighters continue to spread around the territory, but remain unsubstantiated. From the perspective of the public, these concerns are real and serious, and must be treated as such by the relevant security authorities, especially in the run-up to the election.


1. Politically-sensitive security issues should be prioritized in order to facilitate safe spaces for public debate, where all members of society can share ideas, as is their responsibility

2. Leaders of political parties need to promote political communication in an educational fashion, championing language which engages the democratic process over short-minded, self-serving provocations.

3. Electoral monitoring organizations must do everything in their power to fulfill their responsibilities as set out in the law. This includes maintaining distance from political affiliation or bias.

4. Campaign finance managers should be transparent about their budget and funding sources with the public in order to prevent “vote buying” practices

5. National security institutions must collaborate with local authorities in municipalities and councils of community policing (KPK) in order to effectively assess local risks related to the upcoming election, and to design an operational plan for prevention.

6. Security institutions must strengthen their internal disciplinary mechanisms for members, and to periodically rotate their directing members in order to ensure that they are free of politicization by politicians during the election.

For more details on this issue, please contact:

Nélson Belo
Executive Director of FM
Phone: +670 78316075 or 7756 1184

Leave a Reply

Your email address will not be published.

Related Post